بی‌بی‌خانم استرآبادی
| بی‌بی‌خانم استرآبادی | |
|---|---|
| آد | بی‌بی خانیم استرآبادی |
| دوْغوم تاریخ | 1858 نووکنده ،ستر آبادین بندرگز بخشی |
| اؤلوم تاریخ | 1921 تهران |
| آیری آدلار | بی‌بی خانیم آستارآبادي و يا بی‌بی خانیم وزيرووا |
| ایش | یازیچی ، ژونالیست |
| اۇشاقلاری | حسنعلی وزیری
مولود وزیری علی ناغی وزیری خدیجه افضل وزیری علی اصغر وزیری علی رضا وزیری فتحعلی وزیری |
بی‌بی خانیم استرآبادی یا دا بی‌بی خانیم آستارآبادی و یا بی‌بی خانیم وزیرووا ( 1858[۱]، نووکنده – 1921، تهران) — ایران ساتیریک یازیچیسی و قادین حرکاتی نین اؤنجو شخص‌لریندن بیری‌دیر. او حبل المتین، تمدن و مجلس گونده‌لیگینده مقاله یازیردی. مقاله‌لرینده قیزلارین تحصیل حاقینی مودافیعه ائدیردی. او ایلک قیز مکتبی‌نین قورجوسودور.
یاشاییشی
[دَییشدیر]
بی‌بی خانیم استرآبادی‌نین آتاسی مازندران ایالتی‌نین انزان ائلی‌نین باشجیسی محمدباقر خان استرآبادی و آناسی ناصرالدین شاه قاجارین حیات یولداشی شکوه السلطنه‌نین ندیمه‌سی و آخوند موللا کاظم مجتهد مازندارانی‌نین قیزی، موللا باجی کیمی ده تانینان خدیجه خانیم ایدی.
بی‌بی خانیم استرآبادی 1858 و یا 1859-جو ایلده دونیایا گلمیشدی و 22 یاشیندا ایران قازاق دیویزیاسی‌نین گؤرکملی ظابیطی قافقازلی موسی خان وزیروو (موسی خان وزیری کی قافقازدان تهرانا موهاجیرت ائتمیشدیر) ایله ائولندی.اونلارین یئددی اوشاغی وار ایدی کی، ان مشهورلاری پولکوونیک علی‌ناغی وزیری (موسیقی‌شوناس، بسته‌کار، گؤرکملی تارزن و ایران موسیقی آکادمی‌سی‌‌نین و همچنین ایران میلّی اورکستری‌نین تأسیسچیسی) و حسن وزیری (بیر بدیعی رسام)دیرلار. دوکتور مه‌لقا ملاح، ایرانین " اکولوژی چیرکلنمه‌سینه قارشی قادین‌لار جمعیتی " نین (1992-جی ایلده، اوشاق‌لاری و آنالاری، هابئله دؤولت وظیفه‌لی شخص‌لرینی اطراف موحیطین چیرکلنمه تهلوکه‌سی حاقیندا معاریف‌لندیرمک اوچون تأسیس اولدو)[۲] تأسیسچیسی و دیرکتورو،بی‌بی خانیم استرآبادی نین قیز نوه‌سی‌دیر.[۳]
مشروطه اینقیلابی
[دَییشدیر]بی‌بی خانیم 19. عصرین سونلاریندا باشلایان معاریفچی‌لیک حرکاتی‌نین و 20. عصرین اوّل‌لرینده باشلایان مشروطه اینقیلابی‌نین تاثیرلی شخص‌لریندن بیری‌دیر. او، ایرانین موعاصیر تاریخینده ایلک دفعه اولاراق قیزلار اوچون مکتب (دبستان دوشیزگان — قیزلارین ایبتیدایی مکتبی) تأسیس ائتدی. بی‌بی خانیم استرآبادی نین، اساس شؤهرتی " کیشی‌لرین چاتیشمازلیق‌لاری " (معایب الرجال) کیتابینا گؤره دیر کی " قادینلاری تربیه ائتمه " [۴](تادیب‌النسوان) کیتابینا جاواب اولاراق میزاحی یازمیشدیر.
قیزلارین ایبتیدایی مکتبی
[دَییشدیر]بی‌بی خانیم، 1907-جی ایلده " قیزلارین ایبتیدایی مکتبی " نی اؤزو یاشادیغی ائوده تأسیس ائتدی.[۵]
=== اعلان قیزلارین ایبتیدایی مکتبی ===
" قیزلاری ایبتیدایی مکتبی " آدلی یئنی مکتب ، حاجی محمدحسین بازاری‌نین کؤهنه داروازاسی محمدیه‌نین یاخینلیغیندا آچیلیب. بو مکتب بؤیوک بیر حَیَط و بوتون ضروری مکتب لوازیمات‌لارینا تجهیز اولموش چوخ‌سایلی اوتاق‌لاردان عیبارت‌دیر.
بو مکتبین آچیلماقی اوچون بئش قادین موعلّیم تعیین ائدیلمیش،کی هر بیری بیر مؤوضو ایله مسئولیتلی‌دیر،نُخست نامه [۶]، یازماق/خطاط‌لیق ، ایران تاریخی، اوخوماق ،آشپازلیق کیتابی، حوقوق، دین، جوغرافیا، حساب علمی کیمی. تدریس هر بیر قیز و یا قادینین اؤیرنمه قابیلیتینه اویغونلاشدیریلاجاق.
بوندان علاوه ، بیر یئر، ال صنعتی نین تدریسی اوچون آیریلمیش،توخوجولوق کیمی، قیزیل تیکمه، ایپک تیکمه ،تیکیش،و س.، و بوتون بو موعلیم‌لر قادین‌لارداندیرلار بیر یاشلی قاپیچی ایستیثنا اولماقلا، باشقا هئچ بیر کیشی مکتبده اولمایاجاق.
یئددی و اون ایکی یاش آراسیندا طلبه‌لر قبول اولوناجاقلار.ایبتیدایی صینیف، هر آیی 15 قیران، عملی صینیف هر آیی 25 قیران اولاجاقدیر.ائندیریم آشاغی وضعیتده اولان‌لارا وئریلیر.ایکی طلبله،[عئینی عاییله‌دن] اولسا،بیریسی اؤدنیشسیز قبول اولوناجاق.اومید ائدیلیر کی مینلرجه بونون کیمی مکتب عزیز دوغما وطنیمیزده آچیلا.
ایمضا: بی‌بی خانیم استرآبادی.[۷]
(28 مارس 1907-جی ایلده مجلیس گونده‌لیک قزئتینده نشر اولموش.[۸])
قایناق
[دَییشدیر]- ^ https://aleph.nkp.cz/F/?func=find-c&local_base=aut&ccl_term=ica=jo2009532270&CON_LNG=ENG
- ^ he Iran Initiative, The Fellowship of Reconciliation (FOR) - For a World of Peace, Justice and Nonviolence, Report 6, May 2006 ([[https://web.archive.org/web/20070711145614/https://www.forusa.org/programs/iran/may06-6.htm Archived 2007-07-11 at the Wayback Machine. 1]]).
- ^ he School for Girls. A programme celebrating the 100th anniversary of the Constitutional Revolution of Iran with an interview with Dr Mah-Laghā Mallah , maternal granddaughter of Bibi Khatoon Astarabadi, 11 August 2006 (Deutsche Welle). At the time of interview, Dr Mallah is 90 years old.
- ^ Tədibənnesvan, qadınların düzəlişidə tərcümə ola bilər.
- ^ The School for Girls.A programme celebrating the 100th anniversary of the Constitutional Revolution of Iran with an interview with Dr Mah-Laghā Mallah,maternal granddaughter of Bibi Khatoon Astarabadi, 11 August 2006
- ^ According to Ms Farnaz Seifi (private communication), Nokhost-nameh consisted of a series of books, written by Matavous Khan Mālekiāns, that were commonly used at elementary schools of the time in Iran. These books were further supplemented with manuals for teachers.
- ^ mshaspandan (Monday 10 Ordi'behesht 1386). [2]. For details concerning the wordEmshās'pandān (امشاسپندان) see Masoud Partovi, The New Year's Haftsin and the Figure Seven inPersian History (Hamshahri, No. 2669, p. 15, 7 March 2002). (Department of Languages and Cultures of Asia, The University of Wisconsin, Madison, United States of America. Archived 2007-07-12 at the Wayback Machine.) Briefly, there have been seven Emshās'pandāns, namely, Ahurā Mazdā (or Ormazd) and its great Holy Angles known as Bahman, Ordi'behesht, Shahri'var, Es'fand, Khor'dād and Amor'dād.
- ^ Ms Farnarz Seifi, private communication.