تکه‌مچی

ویکی‌پدیا، آچیق بیلیک‌لیک‌دن
پرش به ناوبری پرش به جستجو

تکه‌مچی- تکه - نوروز بایرامی‌نین و یازین گلمه‌‌سینی ماهنی اوخوماق و تکه دولاندیرماقلا خبر وئرن عنعنه‌وی ائتنوقرافیک موژده‌چیدیر.

جناب جبريل نامه گتيردي

گتيرجه‌یين پئيغمبره يئتيردي

موبارک قوْللارين گؤيه گؤتوردو

سيزين بو تزه بايرامينيز موبارک

آيينيز، ايلينيز، هفته‌نيز، گونونوز موبارک

بيزيم يئرده يومورتاني يويارلار

اونو دؤنوب يئددي رنگه بويارلار

يئددي‌سينده تحويل اوسته قويارلار

سيزين بو تزه بايرامينيز موبارک

آيينيز، ايلينيز، هفته‌نيز، گونونوز موبارک

بيزيم يئرده قوهون قارپيز اکرلر

اونو تامام شهرلره تؤکرلر

تزه ايلين حسرتيني چکرلر

سيزين بو تزه بايرامينيز موبارک

آيينيز، ايلينيز، هفته‌نيز، گونونوز موبارک

نوروز خونچاسی

تکه‌نين سووقاتي[دَییشدیر]

تکه (تکه‌مچي) هر ائوين کي قاپيسيندا شئعير اوخوسا  و بايرامين گلمه‌یين موژده وئرسه، ائو صاحيبيندن موشتولوق آلار کي اونا پاي دئييلر، همچنين تکه‌مچي اؤزوده شئعير ايله موکافاتلانديريلماسيني خاطيرلايار:

آي تکه‌مين کندي وار

کمندي وار کندي وار

هر قاپيدا اويناسا

بير نعلبکی قندي وار

تکه‌م اؤلدو ايپين گتير آي خانيم

چاتديقجا يوکون گتير آي خانيم

کسمه پايين بوتؤو گتير آي خانيم


تکه‌مچی نغمه‌لری[دَییشدیر]

تکه‌م، تکه‌م، آختا تکه‌م،

بوينوندا وار نوختا تکه‌م.

توکلري بيز-بيز اولوب

قيشدا يئييب شاختا تکه‌م.

تکه‌م بير اويون ائيلر،

قوزونو قويون ائيلر.

ييغار گیلانين دويوسون،

چپيش بيگين تويون ائيلر.

تکه‌م گئتدي خانليغا،

اوز قويدو يامانليغا.

تکه‌مي اؤلدوردولر

آتديلار سامانليغا.

تکه‌م گئتدي مرنده

تاماشادي گلنده،

ياخشي اينسان چوخ ياشار،

واي پيسه‌دي اؤلنده.

بو تکه آختا تکه،

بوينوندا وار نوختا تکه.

يايدا قول اولار ساتيلار.

قيشدا چيخار تاختا تکه.

بو تکه ياريش تکه،

کرديني بير قاريش تکه.

کئچي ايله کوسوشموش،

چپيش ايله باريش تکه.

سايا، سايا سايادان،

تکم گلير قايادان.

تکمه آرخاليق وئر،

خانيم ائوين آبادان.

تکمه بير پاي گتير،

توکلريني ساي گتير.

تکمي تئز يولا سال،

اؤزونه بير تاي گتير.

بو تکه آريق تکه،

آي داباني ياريق تکه.

ييغار قويون-قوزونو

بايرامي پيشواز ائيلر.

قایناقلار[دَییشدیر]

  • نوروز بایرامی ائنسیکلوپئدیاسی، باکی2008 (شرق-غرب). ص 183
  • تکه نغمه‌لری