جاماح
ايضاح: جاماح (جنوبى آذربايجان ميللى آزادليق حركاتى) گونئی آذربایجانین ایلک سئپاراتچی (بؤلوجو) تشکیلاتی اولاراق، ۱۹۹۱-جى ايلدن غئيرى موتشككيل، ۱۹۹۴-جو ايلدن ايسه موتشككيل حالدا فعالييتينه باشلاميشدير.[۱][۲][۳][۴][۵][۶][۷][۸][۹][۱۰][۱۱][۱۲][۱۳][۱۴][۱۵][۱۵][۲][۱۶][۱۷][۱۸][۱۹][۲۰][۲۱][۲۲][۲۳] حاضير نيظامنامه و مرامنامه ۱۶ ماى ۱۹۹۴-جو ايل تاريخده جاماح -ين ايكينجى قورولتاييندا قبول ائديلميشدير.[۲۴]
گيريش
[دَییشدیر]كئچميشده "ممالكِ محروصه" يعنى (قورونان مملكتلر)، ايندى ايسه ايران آدلانان كيچيك ايمپئرييادا فارس شووينيزمينين ياراتديغى ايستيبداد رئژيمى حؤكوم سورور. صاى اعتيبارى ايله فارسلاردان نئچه دفعه چوْخ اولوب، ايران اهاليسينين تخمينن ياريسينى تشكيل ائدن 30 ميليون جنوبى آذربايجان توركلرينى بئين الخالق قانونلاردا تثبيت ائديلميش بوتون حوقوقلاردان، او جومله دن دوغما ديلينده تحصيل آلماق، اؤز اَدبيياتيندان، مدنييَتيندن، اينجه صنعتيندن ايستيفاده ائتمك، اونو اينكيشاف ائتديرمك ايمكانلاريندان محروم ائده رك، كوتله وى فارسلاشديرما سيياستي آپارير. بۇ مقصده نائيل اولماق اۆچون ايران رئژيمى آذربايحان تورپاقلارينى اوستانلارا پارچالاياراق، باشقا ميللي اراضى لرله بيرلشديريرر و اؤز ميللى حوقوقلارينى مودافيعه يه قالخان جنوبى آذربايجان توركلرينى موختليف اوصوللارلا كوتله وى تئررور ائدير. بۇ سببلردن ايندييه قدر يوزمينلرله جنوبى آذربايجان توركو باشقا اؤلكه لره موهاجيرت ائتميش و ائتمكده دير.
جنوبى آذربايجان توركلرينين ميللى و شخصى آزادليغينا نائيل اولماغى قارشيدا مقصد قويان جنوبى آذربايجان ميللى آزادليق حركاتى (جاماح) اؤز فعالييَتينى بۇ مقصدين گئرچكلَشمه سينه تابع ائدير.
جاماح - ين نيظامنامه سى
[دَییشدیر]۱. مقصَد و وظيفه
[دَییشدیر]۱.۱ جاماح جنوبى آذربايجان توركلرينين فارس شووينيزمينين اسارتيندن خيلاص ائده رك، اونلارين بئين الخالق قانونلاردا تثبيت ائديلميش ميللى و شخصى آزادليقلارينين، وطنداشليق حوقوقلارينين گئرچكلشديريلمه سى اوغروندا دؤنمه دن موباريزه آپاران سيياسى تشكيلاتدير
۱.۲ جاماح اؤز سيياسى، تشكيلاتى موستقيل لييينى ساخلاماقلا، دئموكراتيك بئين الخالق تشكيلاتلارلا و باشقا ميللى آزادليق قووه لرى ايله قارشيليقلى علاقه ده فعالييَت گؤسته ره جك.
۱.۳ مرامنامه سينده گؤسته ريلن مقصدلرى اؤز نيظامنامه سينه اويغون اولاراق گئرچكلشديرمك جاماحين موقَددس وظيفه سى و بورجودور.
۲. جاماحا عوضولوك
[دَییشدیر]۲.۱ جاماحين مرامنامه و نيظامنامه سينى قبول ائدن، جنوبى آذربايجان توركلرينين ميللى آزادليغى اوغروندا دؤنمه دن چاليشان قانونى ياشا چاتميش هر بير تورك، دينيندن و جينسيندن آسيلى اولماياراق جاماحين عوضوو اولا بيلر.
۲.۲ جاماحا عوضو اولماق اۆچون يئرلى كوميته يه عريضه ايله موراجيعت ائدن شخص، كوميته عوضولرينين 50%-نين ايشتيراك ائتدييى موذاكيره ده 50%+1 ميقداردا لئهينه سس توپلاماقلا عوضولويه قبول ائديلميش اولور ۲.۳ نيظامنامه نى پوزان و ياخود مرامنامه يه ضيد حركت ائدن، عوذورسوز سببلردن حركاتين تدبيرلرينده ايشتيراك ائتمكدن ايمتينا ائدن شخصلر يئرلى كوميته نين قرارى ايله عوضولوكدن خاريج ائديله بيلر.
۲.۴ حركاتين هر بير عوضوو ايسته دييى واخت عوضو اولدوغو كوميته يه يازيلى معلومات وئرمكله عوضولوكدن آزاد اولا بيلر. عوضولرين شخصى حوقوقلارى پوزولدوقدا، تشكيلات طرفيندن مودافيعه ائديلير.
۳. جاماح - ين تشكيلاتى قورولوشو
[دَییشدیر]۳.۱ جاماحين رهبر اورقانلارى بونلاردير:
- قوورولتاى،
- مَركزى كوميته،
- رهبر.
۳.۲ جاماحين عالى ايداره اورقانى قورولتاى دير.
قورولتاى هر بئش ايلده بير دفعه چاغيريلير.
كوميته و رهبرلرين صلاحييَتيندن خاريج مسئله لر اورتايا چيخديقدا كوميته نين، رهبرين قرارى و يا جاماحين عوضولرينين 1\3 حيصصه سينين ايمضاسى ايله نؤوبه دن كنار قورولتاى چاغيريلا بيلَر.
قورولتاى جاماحين مركزى كوميته سينين ايداره هئيئتينى، رهبرى و اونون بيرينجى موعاوينيني سئچير.
قورولتاى حركاتين مرامنامه و نيظامنامه سينده دَييشيكليك لر آپارير.
قورولتاى قرارلارى نومايَنده لرين 2\3-سى ايشتيراك ائتدييى سس وئرمه ده لئهينه 50%+1 ميقداردا سس توپلاديقدا قبول ائديلميش حساب اولونور.
۳.۳ كوميته لر اراضيلر اوزره اهاليسى چوْخ اوْلان شه هرلرده ياراديلير.
شه هر كوميته لرينين رهبرلرى سئچيلميش كوميته عوضولرى آراسيندان مركزىكوميته رهبرينين قرارى ايله تعيين ائديلير.
ايراندا ايستيبداد رئژيمى لغو اولونانا قدَر تبريز، اردبيل، اورمييه، كرَج، قزوين، مييانداب بيناب، ساراب، پارس آباد، زنجان و ساييره شه هر كوميته رهبرينين كوميته عوضوو سئچيليب سئچيلمه مه سيندن آسيلى اولماياراق، مركزى كوميته نين رهبرى طرفيندن تعيين ائديلير.
شه هر كوميته لرى رهبرلرى مركزى كوميته نين رهبرينه تابعدير.
كوميته نين قرارلارى كوميته عوضولرينين 2\3-سى ايشتيراك ائتدييى سس وئرمه ده 50%+1 ميقداردا سس توپلاديقدا قبول ائديلميش حساب اولونور.
شه هر كوميته لرينين قرارى كوميته رهبرينين تصديقيندن صونرا ايجرا ائديله بيلر.
كوميته لر مركزى كوميته نين موعه يه ن ائتدييى تدبيرلرى قئيد- شرطسيز يئرينه يئتيرمه ليدير.
۳.۴ مركزى كوميته نين رهبرى قورولتايلار آراسى موددتده قورولتايين قرارلارينين و عوموميليكده مرامنامه نين نيظامنامه يه اويغون اولاراق گئرچكلشديريلمه سينه رهبرليك ائدير.
مركزى كوميته نين رهبرى شه هر كوميته لرينين قرارلارينى تصديق و لغو ائده بيلر.
مركزى كوميته نين رهبرى جاماحى تمثيل ائدير، خاريجى دؤولتلرله، بئين الخالق و ديگر تشكيلاتلارلا سازيشلر باغلايير، بَياناتلار وئرير.
مركزى كوميته نين رهبرى نيظامنامه و مرامنامه دن ايره لى كلن باشقا صلاحييَتلرى حَياتا كئچيرير.
۴. جاماح ين حوقوقى اساسلارى
[دَییشدیر]۴.۱ فارس شووينيزمينين توتاليتار رئژيمى ايراندا چوخلوق تشكيل ائدن توركلرى آزليقلارين حوقوقوندان بئله محروم ائده رك، نه اينكى بئين الخالق قانون و سازيشلرده، حتتا ايرانين اؤز آناياساسيندا نظرده توتولان سيمووليك حوقوقلارينى دا وحشيجه سينه تاپدالايير اينسان حوقوقلارينين عومومى بَياننامه سى-نين 18، 19، 20، 21، 22، 26، 27 و 29 جوبندلرى، ب م ت نين نيظامنامه سينين 73 جو مادّه سينين (آ) بندى، 55 جى مادّه سى، اينسان حوقوقلارينين عومومى بَياننامه سينسن آزادليق حوقوقو بؤلمه سينين (ب) بندى، عدالت حوقوقو بؤلمه سينين (و) بندى، ايران ايسلام رئسپوبليكاسى آناياساسينين 3 جو مادّه سينين 9 جو بندى و 15 جى مادّه سينين وحشيجه سينه پوزولماسى، ميللتلرين اؤز موقَددراتينى تعيين ائتمك حوقوقو آزادليق اوغروندا موقَددس موباريزه سينده جاماحين حوقوقى اساسلاريدير.
۵. جاماح - ين املاكى و عوضولوك حاققى
[دَییشدیر]۵.۱ ايران دؤولتينين تمتاليتار رئژيمى شراييطينده گيزلى فعالييت گؤسترمه يه مجبور اولدوغونا گؤره، جاماحين املاك و ماددى تاًمينات منبع لرى حاققيندا معلومات مخفى ساخلانيلير.
۵.۲ عوضولوك حاققينين ميقدارى، ييغيلماسى و مصرف ائديلمه سينين كونكرئت قايدالارى مركزى كوميته نين خوصوصى سرانجامينا اويغون اولاراق، شه هر كوميته لرى طرفيندن موعيين ائديلير.
قئيد
جاماحين رهبرى دؤولت وظيفه سينه سئچيلديكده، تشكيلاتدا توتدوغو وظيفه دن ايستعفا وئرمه ليدير.
جنوبى آذربايجان توركلرى ايستيقلال الده ائتديكدن صونرا، جاماحين نيظامنامه سينه يئنيدن باخيليب، داها دا دئموكراتيكلشديريله جك.
جنوبى آذربايجان ميللى آزادليق حركاتينين مرامنامه سى
[دَییشدیر]مقصد و فعالييَت فورماسى
[دَییشدیر]جاماح بيرلشميش ميللتلر تشكيلاتينين (ب.م.ت) و ديگر بئين الخالق تشكيلاتلارين ميللى و وطنداشليق حوقوقلارى حاققيندا قبول ائتدييى نورمالار اساسيندا جنوبى آذربايجان توركلرينين ميللى و شخصى حوقوقلارينين گئرچكلَشديريلمه سى اوغروندا موباريزه آپارير.
جاماح بئين الخالق دئموكراتيك تشكيلاتلارلا، فارس شووينيزمينين اسارتينده اوْلان خالقلارين، او جومله دن شووينيست سيياسَتين نَتيجه سينده ضرر چكن فارسلارين دئموكراتيك قووه لرى ايله، ائله جه ده جنوبى آذربايجاندا ميللى آزادليق و دئموكراتييا اوغروندا موباريزه آپاران مؤوجود قووه لرله قارشيليقلى علاقه ده، لاكين تام موستَقيل مرامنامه، نيظامنامه و تشكيلاتى قورولوشلا آذربايجاندا موستقيل و دئموكراتيك دؤولتين برقرار ائديلمه سى اوغروندا موباريزه آپارير.
جاماح جنوبى آذربايجان توركلرينين ميللى-سيياسى ايستيقلالييه تينه نائيل اولماقلا ياناشى جنوبى آذربايجان وطنداشلارينين شخصى، ايقتيصادى، سيياسى، سؤز، مطبوعات، حركات، عقيده، مشغولييَت، مدنييَت و ساييره آزادليغينى تاًمين ائتمه يه قادير اوْلان ايقتيصادى-سيياسى پروقرام ايره لى سوروب، بۇ پروقرامى گئرچكلَشديرمك عزمينده دير.
جاماح اؤز مرامنامه سينى گئرچكلشديرمك اۆچون دينج موباريزه فورمالاريندان، يعنى اؤز مرامينين تبليغى، بايكوت، پيكئت، دينج نوماييش، تعطيل ومجلیس موباريزه لرى فورمالاريندان ايستيفاده ائتمه يه اوستونلوك وئرير. لاكين مؤجود ايستيبداد رئژيمى بۇ دئموكراتيك موباريزه فورمالارينا ايمكان وئرمه دييى حالدا، جاماح ميللى آزادليق اوغروندا مورتَجع رئژيمله سيلاحلى موباريزه آپارماق حوقوقونو اؤزونده ساخلايير.
مؤوجود رئژيم دينج دانيشيقلار يولو ايله جنوبى آذربايجان توركلرينين ميللى حوقوقلارينى تانيديغى حالدا:
جاماح - ين سيياسى مرامى
[دَییشدیر]جنوبى آذربايجانا ايران دؤولتى چرچيوه سينده جنوبى آذربايجانين بوتون تاريخى تورپاقلارينى ایحاطه ائدن مكاندا موختار رئسپوبليكا استاتوسونون وئريلمه سى.
جنوبى آذربايجان موختار رئسپوبليكاسينين موستقيل آناياساسينين، هيمنينين و بايراغينين تصديق ائديلمه سى.
جنوبى آذربايجان موختار رئسپوبليكاسينين قانون وئريجي، محكمه و ايجرا اورقانلارينين موستقيل لييى.
جنوبى آذربايجان موختار رئسپوبليكاسينين موستقيل آناياسا محكمه سينين ياراديلماسى.
جنوبى آذربايجان موختار رئسپوبليكاسيندا آذربايجان توركجه سينين دؤولت ديلى اعلان ائديلمه سى. فارس بؤلگه لرينده آذربايجان توركجه سينين تبليغ و تدريس ائديلدييى حجم و دَرَجه ده جنوبى آذربايجان موختار رئسپوبليكاسيندا فارس ديلينين تبليغ و تدريس ائديلمه سى.
جنوبى آذربايجان موختار رئسپوبليكاسينا بوتون دونيا دؤولتلرى ايله موستقيل مَدَنى، ايقتيصادى علاقه لر قورماق حوقوقونون وئريلمه سى.
جنوبى، شيمالى آذربايجان تورگلرينه و باشقا اؤلكه لرده ياشايان آذربايجانليلارا جنوبى آذربايجان موختار رئسپوبليكاسى و شيمالى آذربايجان رئسپوبليكاسى اراضيسينده ايكيلى وطنداشليق حوقوقونون وئريلمه سى.
جنو بى آذربايجان موختار رئسپوبليكاسينين رسمى دينى ايسلامدير. لاكين دين دؤولتدن آيريدير. دوؤلت مئخانيزمى لائيك و دونيوى ده يه رلر اساسيندا قورولماليدير.
شيمالى آذربايجان و توركييه جومهورييه تى ايله موناسيبتلر ايستيثنا ائديلمكله خاريجى سيياست مسئله لرينين حل ائديلمه سى صلاحييه تينين مركزى دؤولتين ايختييارينا وئريلمه سى.
شيمالى آذربايجان و توركييه جومهورييه تى ايله اوْلان سرحدلر ايستيثنا اولماقلا جنو بى آذربايجان موختار رئسپوبليكاسينين باشقا دؤولتلرله اوْلان سرحدلرينين مودافيعه سى مركزى دوؤلتين ايختيياريندا اوْلان قوشون نؤوعلرينين عؤهده سينه تاپشيريلماسى.
پول كسمك حوقوقونون مركزى دؤولتده اولماسى.
سيلاحلى موباريزه يولو ايله جنوبى آذربايجان آزاد ائديلدييى حالدا:
جاماح - ين سيياسى مرامى
[دَییشدیر]جنوبى آذربايجان رئسپوبليكاسينين اعلان ائديلمه سى.
دونيَوى ده يه رلر اساسيندا جنوبى آذربايجان رئسپوبليكاسينين اناياساسينين قبول ائديلمه سى. آناياسادا جنوبى آذربايجان رئسپوبليكاسينين باشقا دؤولتلرله اؤز موناسيبتلرينى ب.م.ت -نين نيظامنامه سينه اويغون صولح و امكداشليق سيياستى اوزه رينده قورولان نئيترال و دئموكراتيك دؤولت استاتوسونون عكس ائتديريلمه سى.
بوتون سَوييه لرده مورتجع "دين خاديملرينين" حاكيمييَتينى لغو ائديب، حاكيمييَتى موستقيل دونيَوى، دئموكراتيك قانون وئريجى، ايجرا و محكمه اورقانلارينا آييرماق.
بوتون قبيللردن اوْلان دونياگؤروشله رينين تام و برابر حوقوقلو مؤوجودلوغونا تاًمينات وئريلمه سى. پئشه كار ميللى مودافيعه قوشون نؤوعلرينى ياراتماق.
حاكيمييَت اورقانلارينين بوتون سَوييه لرينده سئچكيلرين عومومى، برابر، بيرباشا و گيزلى سس وئرمه يولو ايله كئچيريلمه سينه قادير اوْلان سئچكى سيستئمينين ياراديليب، تطبيق ائديلمه سى.
جنوبى آذربايجان رئسپوبليكاسى وطنداشى اوْلان بوتون ميللى آزليقلارا (فارس، كورد و ساييره) اؤز ديل و مَدَنييَتينين موستقيل و مانيعه سيز اينكيشاف ائتديريلمه سينه تاًمينات وئرمك.
وطنداشلارين سيياسى و ايجتيماعى تشكيلاتلارينين، مطبوعات و نشرييات واسيطه لرينين ياراتماق حوقوقونون كئرچكلشديريلمه سينه تاًمينات وئرمك.
خاريجى اؤلكه لرده ياشايان آذربايجانليلارا ايكيلى وطنداشليق حوقوقونون وئريلمه سى.
جاماح- ين ايقتيصادييات ساحه سينده مرامى
[دَییشدیر]جنوبى آذربايجان وطنداشلارينين شخصى (خوصوصى) مولكييَتينين توخونولمامازليغينى اعلان و تاًمين ائتمك.
ايمپئرييا دؤولتينين الينده جمعلَنميش ميللى ادبى - بديعى، تاريخى، علمى سندلرين، اثرلرين و صنعت نومونه لرينين جنوبى آذربايجان رئسپوبليكاسين قايتاريلماسى.
ايمپئرييا دؤولتينين الينده جمعلَنميش واليوتا (ارز)، ايستئحصال، علمى، حربى تئخنيكا و دؤولت مولكييَتينده اوْلان باشقا املاكين دَيَرينين ايمپئرييا اراضيسينده ياراناجاق ميللى دؤولتلرين اهاليسينين سايينا گؤره بؤلوشدورولوب، ميلليلَشديريلمه سى.
بؤلوشدورولمه سى مومكون اولمايان، دؤولتين ايداره ائديلمه سى اۆچون ضرورى اوْلان مولكييَتدن باشقا، قالان ميللى مولكييَتين ده يه رينين سهيم لر شكلينده قانونى ياشا چاتميش جنوبى آذربايجان وطنداشلارى آراسيندا بلوشدورولمه سينى تاًمين ائتمك.
هر بير وطنداشين آزاد بازار و آزاد رقابت شراييطينده آزاد صاحيبكارليقلا مشغول اولماسينا تاًمينات اۆچون هر ايل قانونى ياشا چاتان وطنداشلارا ايجتيماعى مولكييَتدن قئيد- شرطسيز و عوضى اؤده نيلمه دن شخصى مولكييَت پايينين وئريلمه سينى تاًمين ائتمك.
رقابتده موفليسله شن وطنداشلارين يئنيدن آزاد صاحيبكارليقلا مشغول اولماسى اۆچون ايجتيماعى مولكييَتدن سَلمسيز بورج وئريلمه سينى تاًمين ائتمك.
ميللى بانك ياراتماق.
ميللى پول واحيدى ياراتماق.
چئويك و حَسساس گؤمروك سيستئمى ياراديب، تطبيق ائتمك.
موتَرَققى وئرگى سيستئمى ياراديب، تطبيق ائتمك.
رئسپوبليكانين قانونى ياشا چاتمان بوتون وطنداشلارينا منزيل تيكمك اۆچون پولسوز شخصى تورپاق مولكييَتى پايى وئريلمه سينى تاًمين ائتمك. تورپاق اينحيصارينى ايستيثنا ائديب، هر ايل قانونى ياشا چاتان وطنداشلارا منزيل تيكينتيسى اۆچون عوضى اؤده نيلمه دن شخصى تورپاق مولكييه تى وئريلمه سينى تاًمين ائدن موتَحَرريك تورپاق بؤلگوسو سيستئمى تطبيق ائتمك.
ايقتيصاديياتين بوتون ساحه لرينده ميللى و شخصى (خوصوصى) مولكييَتين، او جومله دن تورپاغين وطنداشلار طرفيندن ايستئحصال مقصدى ايله ايجرا ائديلمه سينه قويولان مانيعه لرين لغو ائديلمه سى.
يئيه سيز اوشاقلارين قانونى ياشا چاتانادك ساخلانيلماسى.
كيمسه سيز، مولكييَتسيز، امك قابيلييه تى اولمايان قوجالارين، عليل لرين ساخلانيلماسى و موعاليجه سينه دؤولت تاًميناتى وئريلمه سى.
اؤزَل مكتبلرله ياناشى دؤولت حسابينا ايجبارى اورتا تحصيل سيستئمينين تطبيق ائديلمه سى.
اؤزَل عالى تحصيل و طيبب خيدمَتى سيستئمى ايله ياناشى اهالينين مينيموم طلبله رينى اؤده يه بيله جك ميقداردا دؤولت وَساييطى حسابينا عالى تحصيل و طيببى خيدمت اوجاقلارينين ياراديلماسى.
موزدلا ايشله ين اوشاقلى آنالارا 8 ساعاتليق ايش گونو اۆچون امك حاققينين تام اؤده نيلمه سى شرطى ايله 4 ساعاتليق ايش گونو حوقوقونون تاًمين ائديلمه سى.
جاماح - ين استراتئگيياسى
[دَییشدیر]جاماحين عالى مَقصدى وحيد، موستقيل و دئموكراتيك آذربايجان دؤوله تينين ياراديلماسيدير. لاكين دونيانين مؤوجود قلوبال سيياسى- حربى دورومونو نَظره آلاراق، ايران دؤولتينين صولح يولو ايله جنوبى آذربايجان توركلرينين ميللى حوقوقلارينى جاماحين مَرامنامه سينين ايكينجى مادّه سينده نظرده توتولان چَرچيوه ده تاًمين ائتدييى حالدا، جاماح آشاغيداكى استراتئگييايا عمل ائده جك.
جاماح دئموكراتيك سئچكيلر واسيطه سى ايله حاكيمييَته گلدييى تقديرده اؤز ايقتيصادى- سيياسى مَرامينى گئرچگلشديرمك شرطى ايله باشقا سيياسى قووه لرله امكداشليق ائده جك.
جاماح باشقا سيياسى قووه لرله كواليسييا حؤكومتى تشكيل ائتدييى تقديرده اؤز ايقتيصادى- سيياسى مَرامينين تام و يا بير حيصصه سينين گئرچگلشديريلمه سى شرطى ايله اونلارلا امكداشليق ائده جك.
جاماح حاكيمييَتده اولماديغى تقديرده اؤز ايقتيصادى- سيياسى مَرامينين تام و يا بير حيصصه سينين گئرچكلشديريلمه سى شرطى ايله حاكيم قووه لرله امكداشليق ائده جك. ديگر حاللاردا جاماح آكتيو موخاليفت مؤوقئعينده دوراجاق.
جاماح - ين تاكتيكاسى
[دَییشدیر]جاماح حاكيمييَته گلديكده، دئموكراتيك ايصلاحاتلار آپاراجاق.
ديگر حاللاردا كواليسيون اورقانلاردان ايستعفا وئره رك،مجلیسده دئموكراتيك قووه لرين موخاليفت بلوكونو ياراداجاق. مورتجع قرار و قانونلارين مطبوعات و سايير واسيطه لرله جمعييه ته آشكارلاياراق، آلتئرناتيو تكليف لاييحه لر ايره لى سوره جك، پيكئتلر، ميتينك لر و اعتيراض نوماييشلرى كئچيره جك.
(لاتینجه)
ایستینادلار
[دَییشدیر]- ^ http://www.gunaskam.com/tr/index.php?option=com_content&task=view&id=317[دائمی اولو باغلانتیلی] Güney Azerbaycan'da Devrimden Sonra Oluşan Siyasal ve Sivil Teşkilatlar - Dr. Hüseyin İSALI
- ^ ۲٫۰ ۲٫۱ http://www.gunaskam.com/eng/index.php?option=com_content&task=view&id=140&Itemid=44 Archived 2013-01-10 at Archive.is The Islamic Republic and the Independence of the North - By: Dr. Nissman is an adjunct professor at Georgetown University and the author of "The Soviet Union and Iranian Azerbaijan" (Westview, 1987).
- ^ http://www.ecoi.net/local_link/180962/298257_de.html Archived 2014-02-02 at the Wayback Machine. Liberation Army of Azerbaijan (Liberation Army of Southern Azerbaijan) (January 1998 - August 2001) believed to have been formed in 1993 in Iran [IRN37710.E] - IRB - Immigration and Refugee Board of Canada
- ^ http://www.jamestown.org/single/?no_cache=1&tx_ttnews%5Btt_news%5D=6197&tx_ttnews%5BbackPid%5D=217 Dr. Nissman
- ^ http://www.myetymology.com/encyclopedia/Southern_Azerbaijan.html Archived 2016-05-05 at the Wayback Machine. Southern Azerbaijan
- ^ http://www.middleeastinfo.org/forum/index.php?showtopic=5066 Archived 2012-02-06 at the Wayback Machine. www.middleeastinfo.org
- ^ http://answers.yahoo.com/question/index?qid=20061017134505AAbomPV Archived 2014-05-21 at the Wayback Machine. What is your OPINION about this news?
- ^ https://archive.today/20121227174257/http://webcache.googleusercontent.com/search?q=cache:5RIrD-9sak4J:en.newikis.com/Wikipedia:Articles_for_deletion/Log/2007_March_27.html+piruz+dilenchy&cd=31&hl=en&ct=clnk Piruz Dilanchi's name is mentioned in a report by the United Nations Refugee Agency UNHCR and also in a paper published by The Jamestown Foundation.
- ^ http://dbpedia.org/page/Azerbaijan_(Iran) About: Azerbaijan (Iran)
- ^ http://www.iranian.com/Times/2000/Jana/Roodbar/news.html Piruz Dilenchy, head of the National Liberation Movement of Southern Azerbaijan...
- ^ http://www.radioodlaryurdu.com/Hist.html Archived 2013-05-17 at the Wayback Machine. HISTORY OF AZERBAIJAN
- ^ http://cssaame.com/issues/20/Samii.pdf Archived 2012-02-06 at the Wayback Machine. The rally was for Iranian-Azeri nationalist Mahmoud Ali Chehra- gani (Johragani), according to Piruz Dilenchi, head of the National Liberation Movement of Southern Azerbaijan, cited by ANS televi- sion, January 7, 2000. Baku’s Space TV, January 8, 2000.
- ^ http://www.hri.org/cgi-bin/brief?/news/balkans/rferl/1999/99-01-08.rferl.html Eldar Sabir oglu, a spokesman for the ruling Yeni Azerbaycan party, has rejected allegations that the party has discussed with a senior Iranian diplomat in Baku the possibility of cooperation with Iranian political parties, Turan reported on 7 January. Those allegations were made at a press conference in Baku two days earlier by Piruz Dilenchi, one of the leaders of the Movement for the Liberation of Southern Azerbaijan. LF
- ^ http://www.hri.org/cgi-bin/brief?/news/balkans/omri/1996/96-09-10.omri.html Iran has demanded the extradition of Piruz Dilenji, chairman of the South Azerbaijan National Liberation Committee (SANCL), and a number of other Iranian emigrants living in Azerbaijan, Segodnya reported on 4 September. Iran has been pressuring Azerbaijan to back up its declared neutrality towards the nationalist movement in Azeri-populated northern Iran with concrete steps. Dilenji, who said Azerbaijani officials have warned him that he may be extradited to Iran, may have to choose between leaving Azerbaijan and halting his activities. -- Elin Suleymanov
- ^ ۱۵٫۰ ۱۵٫۱ http://iwpr.net/report-news/baku-rebuffs-azeri-refugees Archived 2014-05-21 at the Wayback Machine. Opposition parties also accuse the government of using the refugees as political hostages. They point to the much-publicised defection last summer of Piruz Dilenchi, chairman of the Baku Committee of the National Liberation Movement for South Azerbaijan.
- ^ http://www.globalsecurity.org/wmd/library/news/iran/1999/2-110199.html Piruz Delenchi, a leader of the National Liberation Movement of South Azerbaijan...
- ^ http://www.unhcr.org/refworld/topic,463af2212,464dbe402,3df4be444,0.html www.unhcr.org
- ^ http://www.globalsecurity.org/wmd/library/news/iran/1999/9-010399.html Compiled by A. William Samii
- ^ http://www.hri.org/news/balkans/omri/1996/96-09-10.omri.html IRAN DEMANDS EXTRADITION
- ^ http://articles.janes.com/articles/Janes-Intelligence-Review-96/BAKU-AND-TEHRAN-RENEWED-TENSIONS.html[دائمی اولو باغلانتیلی] BAKU AND TEHRAN, RENEWED TENSIONS, Archived
- ^ http://www.rferl.org/content/article/1141249.html Radio Free Europe
- ^ http://www.unhcr.org/home/RSDCOI/3df4be444.html UNHCR - Iran: The death of Dr. Mohammad Taghi (Taqi) Zehtabi in December 1998 and the situation of other leaders of the Azerbaijan (Azeri) national movement
- ^ http://news.bbc.co.uk/2/hi/middle_east/594537.stm www.news.bbc.co.uk
- ^ http://southazerbaijan.info/ereb/nizam.php Archived 2016-03-04 at the Wayback Machine. جنوبى آذربايجان ميللى آزادليق حركاتينين مرامنامه و نيظامنامه سى
بؤلمه:Ərəb əlifbalı məqalələr