جواد هیئت
| جواد هیئت | |
|---|---|
| آد | جواد هیئت |
| دوْغوم تاریخ | تبریز، ایران |
| اؤلوم تاریخ | ۱۲ آگوست 2014 باکی، آذربایجان جمهوریتی |
دوکتور جواد هیئت، آذربایجانلی چاغداش تورکولوق، حکیم، ادبیات‌تانیان، یازیچی. تحصیلیلاتی طب و جراحلیق ساحه‌سینده اوْلوب و آذربایجان ادبیات تاریخی و آذربایجان تۆرکجه تدقیقاتچی کیمی مشهور اوْلوب.
حیاتی
[دَییشدیر]پروفسور دوکتور جواد هیئت ۱۳۰۴-جو گونشلی_۱۹۲۵ میلادی ایلینده مای آیی‌نین ۲۴ نده تبریزده ضیالی بیر عائیله ده دوغولدو. آتاسی علی هیئت، مشروطیت فرمانینی نجفدن تبریزه و تهرانا آپاران هیئتین باشیندا اوْلدوغو اۆچون "هیئت" آدی ایله مشهور اوْلموشدور. علی هیئت ایراندا تمیز محکمه‌سی باشقانی و ایران عدلیه‌سی‌نین قوروجولاریندان اوْلوب مشروطیت انقلابیندا آکتیو رول اوینامیشدیر.[۱]
تحصیل و اثرلری
[دَییشدیر]دوکتور جواد هیئت ایلک و اوْرتا تحصیلینی تبریز، تهران و همدان‌دا بیتیرمیش، داها سوْنرا طب تحصیلینه باشلامیش، آنجاق اۆچونجو صینیفدان سوْنرا تحصیلی‌نین داوامی اۆچون استانبولا گئتمیش و جراح پاشا بیلیم یوردوندا ( اونیورسیته سینده) دوکتوراسینی تاماملادیقدان سوْنرا جراحلیق تخصصینی ده استانبولدا باشلامیش لاکین اونون داوامی اۆچون پاریسه گئتمیش و سوْنرا تهرانا دؤنه‌رک جراحی فعالیتینه باشلامیش، ایراندا ایلک دفعه آچیق قلب عملیاتینی، ایرانلی لار ایلک دفعه قلب کؤچورمه عملیاتینی و تهراندا ایلک دفعه بؤیرک کؤچورمه عملیاتلارینی آپارمیش و گؤستردیگی بۇ و بونا بنزر باشاریلاردان دولایی پاریس جراحلیق آکادمیسی‌نین عضوو سئچیلمیشدیر. او 12 ایل دانش پزشکی آدلی طب درگیسی یایینلامیش و یوزلرجه علمی مقاله و جراح‌لیغا عاید اوچ کیتاب یازمیشدیر[۱].
وارلیق درگیسی
[دَییشدیر]دوکتور جواد هئیت ایران اسلام انقیلابی‌نین ایلک ایللریندن وارلیق مجله‌سینی نشر ائدیر.
1358-دن اعتباراً بیر نئچه دوستو ایله بیرلیکده وارلیق درگی‌سینی یایینلایان دوکتور جواد هیئت تورکولوژی‌یه عاید یئددی جیلد کیتابین و یوزلرجه مقاله‌نین مولیفی‌دیر.
دوکتور جواد هیئت عئینی زاماندا آذربایجان جمهوریتی اونیورسیته‌لری‌نین فخری دوکتورو و پروفسورو؛ تورک دیل قورومونون شرف اویه‌سی، استانبول اونیورسیته‌سی‌نین (هم طب هم ده تورکولوژِی دالیندا) فخری دوکتورودور[۱].
اثرلری
[دَییشدیر]- سیری در تاریخ زبان و لهجه‌های ترکی (۱۳۶۵)
- ترومبوز و قلبیت و درمان آن (۱۳۳۵)
- نگاهی به تاریخ ادبیات آذربایجان (2جلد)
- مقایسه اللغتین (تۆرکجه و فارسجانین توتوشدورماسی) (۱۳۶۲)
- زبان و ادبیات ترکی آذربایجان در قرن بیستم (دؤردونجو اۇلوسلارآراسی قورلتایا گزارش - استانبول ۱۳۶۴)
- نگاهی به تاریخ و فرهنگ ترکان (۱۳۶۵)
- آذربایجان شفاهی خلق ادبیاتی (۱۳۶۷)
- ادبیات‌شناسلیق (۱۳۷۴)
- خلاصه تاریخ فلسفه غرب ( غربی فلسفه لرون تاریخی)