حسین مؤید
آیت الله شیخ حسین مؤید ـ (عربجه: حسين المؤيد) عراقین اصلاحاتچی دین عالیملریندن، 2005-جی ایلدن شیعی عقیدده‌دن سوننی ایسلام (اهل سنت و جماعت) مذهبینه کئچمیش.[۱]
حیاتی[دَییشدیر]
حسین مؤید بغدادین کاظمیه منطقه‌سینده ۱۹۶۵نجی ایلده دونیایا گؤز آچدی، ایلک درسلرینی بغداد مدرسه‌لرینده آلدی، ایران ایسلامی دئوریمیندن سونرا ۱۹۸۲نجی ایلده عراقدان ایرانا کؤچدو. تحصیلاتینی قوم علیمه حوزه‌سینده اجتهاد سویه‌سینه قدر دوام ائتدیردی. صدام سقوط ائدندن سونرا عراقا دؤندو و اورادان اوردنا کئچه‌رک، شیعه‌لیکدن سوننولوگه کئچدیگینی بیلدیردی. حال-حاضیردا عمان شهرینده یاشاییر و گئنیش سیاسی و مدیا فعالیتینه مالیکدیر. اونون اؤز فقهی مکتبی وار. و مذهبلردن آسیلی اولمایان بوتون قایناقلارا اساسا اؤز استنباطلارینی و اجتهادلارینی بیان ائدیر.[۲]
عائله‌سی[دَییشدیر]
مؤید عائله‌سی کاظیمه محله‌سی‌نین تانینمیش طایفالاریندان اولموش. آتاسی عبدالقادر مؤید، کاظمیه ده آدلیم بیر دوکتور و آناسی ایسه سید محمدهادی الصدر، شرع قاضیسی، سید حسن صدرین نوه‌سی دیر. صدرلر عراقین مشهور عائله‌لریندن دیر.
سیاسی باخیشلاری[دَییشدیر]
حسین مؤید عراقی اشغال ائدن قدرتلر ایله مخالفتینی بیلدیرمیش بیریسی دیر. او سیاسی ـ نظامی مقاومتین یانلیسی دیر. مؤید، ایرانین عراقدا دخالت ائتدیگی سیاستلرینه ده اؤز مخالفتلرینی بیلدیرمیشدیر.[۳]
اثرلریندن[دَییشدیر]
- دراسات في العروة الوثقى.
- مسائل من الفقه الاستدلالي.
- علم الدراية.
- مباني القضاء والشهادات.
- بحوث استدلالية في فقه الأحوال الشخصية.
- معالم الحضارة الإسلامية.
قایناق[دَییشدیر]
- ^ الرساله تلویزیونو (جمعه گونو 21 مارس 2014).
- ^ مرجع شيعي يصدر فتاوى للسنّة وينكر قصة كسر ضلع فاطمة العربية، تاريخ الولوج 1 أكتوبر 2010
- ^ [۱] Archived 2016-11-09 at the Wayback Machine.آية الله حسين المؤيد Archived 2016-11-09 at the Wayback Machine. الرشيد، تاريخ الولوج 1أكتوبر 2010