حضرت رقیه

ویکی‌پدیا، آچیق بیلیک‌لیک‌دن
پرش به ناوبری پرش به جستجو

حضرت رقیه (س) حضرت امام حسینین (ع) 61 هیجری قمری ایلینده «شام»دا شهید ائدیلمیش قیزی.

یاشامی[دَییشدیر]

حضرت رقیه (س) اباعبدالله‏ الحسینین(ع) قیزی، اوچ یا دؤرد ایل كربلا واقیعه‌سیندن قاباق موقدس مدینه شهرینده دونیایا گؤز آچدی. تاریخی منبعلرده آناسی‌نین آدی دوزگون یازیلماییب. بیر احتیمالا گؤره آناسی‌نین آدی «ام‌ولد» ایدی.

هر حالدا، ایمام حسین (ع) موقدس مدینه‌دن كؤچوب مكّه‌یه ساری و اوردان‌دا كربلایه گئدنده، بو دؤرد یاشلی قیز دا او حضرتین او بیری بالالاری كیمی بو بؤیوك سفرده واریدی و وطندن اوزاقلیغی و یاشاییشین بوتون چتینلیقلارینی تحمّول ائله‌دی.

ایمام حسینین(ع) شهادتیندن سونرا كربلا واقعه‌سینین او بیری قالانلاری كیمی، یزید قوشونونون اسیرلیغینا توشدو و كربلادان كوفه‌یه و اوردان‌دا شاما آپاریلدی. نئچه گون شامدا قالاندان سونرا و یزید و یزیدیلرین قدّارلیقلارین گؤروب اسارت گونلرین عزابینا دؤزندن سونرا، دمشقده وفات ائله‌دی.

او حضرتین وفاتی‌نین هیجری قمری ایلی 61-جی ایلین صفر آییندا اولماسیندا شكّ یوخدور، آما بو كی صفرین هانسی گونونده وفات ائدیب، دقیق خبر یوخدور. تكجه بعضی تقویملرده صفرین بئشی او حضرتین وفات گونو یازیلیب.

موناسیبدیر كی رحمتلیق شیخ ‏عباس ‏قمى(ره)، منتهى‏الآمال كیتابیندا "كامل‏ بهایى" كیتابیندان ایمام حسینین (ع) بو خیردا قیزی‌نین باره‌سینده نقل ائله‌دیغی مطلبه ایشاره ائدك:

نبوّت خانیدانی‌نین خانیملاری، اسارت زمانیندا كربلادا شهید اولان كیشیلرین حالینی، اؤز اوغول و قیزلاریندان گیزلی ساخلیردیلار و هر اوشاغا وعده وئریردیلر كی آتان فیلان سفره گئدیب و قاییداجاق، تا بو كی اونلاری یزیدین ائوینه گتیردیلر. دؤرد یاشلی خیرداجا بیر قیز گئجه یوخودان آیلیب دئییر: منیم آتام حسین(ع) هاردادی؟ ایندی اونو یوخودا گؤردوم. چوخ پریشانیدی. آروادلار و اوشاقلاری هامیسی آغلاماغا باشلادیلار و واوئیلا سسی گؤیه قوزاندی. یزید یاتمیشدی، یوخودان آییلیب و جریانی سوروشدو. جریانی اونا خبر وئردیلر. او ملعون دئدی گئدیب آتاسی‌نین موبارك باشین گتیره‌لر و اونون كنارینا قویالار. او حضرتین موبارك باشین گتیریب دؤرد یاشلی قیزین یانینا قویدولار. سوروشدو بو نه‌منه‌دی؟ دئدیلر آتاوین باشیدی !

خیرداجا قیز قورخدو و آغلاماغا باشلادی و بو قورخو اونو ناخوشلاتدی و نئچه گون عرضینده جانین حقه تسلیم ائله‌دی.

معروفدیر كی حضرت رقیه شام خرابه‌سینده دونیادان گئتدی. او حضرتین مزاری ایندی دمشقین بیر قدیمی بازارچاسی «اموی» مسجیدیندن بیر آز آرالیدادیر و حسینی حرمین عاشیقلری اونون زیارتینه گئدرلر.

قایناقلار[دَییشدیر]