دیوید بویی

ویکی‌پدیا، آچیق بیلیک‌لیک‌دن
دیوید بویی ، 2006 ایلینده

دیوید رابرت جونس 2016-1947 (David Robert Jones) یا دا بیلینَن آدییلا دیوید بویی (David Bowie) اینگیلیسلی ماهنی اوخویان(موغننی)، موسیقیچی، اویونچو، اوینایان(دانسچی) آکتور و حاضیرلایاندیر. 1947 ژانویه سی نین 8نده بریکستون دا آنادان اوْلوب، 1947 ژانویه سی نین 10جو گونونده وفات ائتمیشدیر.

1969 ایلینده Space Oddity آلبومو ایله اینگیلیس لیستلرینده 5 ساییلی سورپریز بیر گیریش ائتمیشدیر. 1970لی ایل‌لرین باشیندا 'The Man Who Sold the World', 'The Rise And Fall Of Ziggy Stardust And The Spiders From Mars' کیمی افسانه آلبوملار دوزلتمیشدیر.

'The Hunger', 'The Man Who Fell to the World' و 'Merry Christmas, 'Mr. Lawrence', 'The Prestige', 'Twin Peaks: Fire Walk with me' کیمی فیلملرده ده رول آلمیشدیر.

سومالی کؤکنلی مانکن ایمان عبدالمجید ایله ائولی اوْلان داوید بویی سایی‌سیز آلبوم دوزلتمیش و بیرچوخ اینجه صنعتچی یه ایلهام قایناغی اوْلموشدور. گؤزلری‌نین بیربیریندن فرقلی ایکی رنگده اولماسی بعضی کیتله لر طرفیندن حئیرانلیق قازانمیشدیر. 1962 ایلینده بیر یولداشی ایله گیردیگی ساواشدا گؤزوندن یارالانمیش، گئچیردیگی بیر سریال اوپئراسیون سونوجو اوست کیپریگی و ایری‌سی باشقاسیندا فرقلی بیر گؤرونومه صاحیب اوْلموشدور.

تاریخده اَن اؤنملی صنعچیلردن بیری اولاراق گؤستریلیر و بۇ گونه قدر لئیدی قاقا، جورج مایکل، مادونا کیمی سایی‌سیز اوْلدوزا اؤرنک اوْلوبدور. بیرچوخ اؤنملی آلبوم و ماهنی یا ایمضا آتمیشدیر.


1.5 ایل‌دیر کانسئرله (سرتانلا) ساواشان دیوید بویی ، 2016 ایلین ژانویه سی نین 10جو گونونده دونیایا گؤز یومموشدور.

سون باشاری‌لاری  [دَییشدیر]

بویی، رولینگ استونسون "تاریخده کی اَن یاخشی 500 آلبوم" لیستینده 6جی سیرادادیر و "تاریخده کی اَن یاخشی 500 ماهنی " لیستینده ده 5 ماهنی‌سی گؤرونور. بویی، عئینی درگی‌نین "تاریخده کی ان یاخشی اوخویانلار" لیستینده 23.جو سیرادا یئر آلاراق، بی بی سی نین یاپدیغی "ان بویوک 100 اینگیلیس" لیستینده ده 21.جی سیرادا یئر آلمیشدیر. بویی، چالیشمالاری بویونجا 140 میلیون جیواری آلبوم ساتیشی الده ائتمیشدیر.
ام تی وی (MTV) و بلندئرین گئچیردیگی سَس ییغما دا، تاریخده کی ان یاخشی سس اوخویانلاری آراسیندا یئر آلان صنعتچی، وان پول (OnePoll) سَس ییغماسیندا راک تانری‌لارین‌دان بیری اولاراک گؤستَریلمیشدیر. 2008 ایلینده یاشام بویو باشاری گرَمی (Grammy) اؤدولو آلمیشتیر. بلئندئر دَرگی‌سی دیوید بویی نی بوتون زامان‌لارین اَن اؤنم‌لی راک داهیلری آراسیندا گؤستئرمیشدیر. GQ دَرگی‌سی اؤزونو اَن یاخشی گئیینَن کیشیلردن بیری اولاراق تانیتدیرمیشدیر. کیو (Q) درگی‌سی دیوید بویی نی 20. یوز ایلین اَن اؤنملی و اَن تانینمیش 6.جی صنعچی‌سی سئچمیشدیر. بویی، 1997 ایلینده اینگیلسین ان پوللو ماهنیچی‌سی اوْلموشدور. VH1، پلئی قیرل (Playgirl) و بلندر(Blender)ین تاریخده اَن قادین سئون کیشیلر لیستینده ده یئر آلمیشدیر. آیریجا دیوید بویی، 1981 ایلینده کویین قوروپو هیتی اوْلان باسقی آلتیندا (Under Pressure ) آدلی ماهنیدا آننی لئنوکس (Annie Lennox ) ایله بیرلیکده دوئت اوخوموشدور. ماهنی اینگیلیسده و آرژانتینده 1جی سیرایا چیخمیشدیر.

دیوید بویی، بیر اویونچو اولاراق دا اَلَشدیرمنلردن (مونتقیدلردن) یوکسک پوان‌لار توپلامایی باشارمیشدیر. یئره دوشَن کیشی (The Man Who Fell to Earth) فیلمینده کی پئرفورمانسی اونا ساتورن اؤدولو قازاندیرمیشدیر. زوولاندئر (Zoolander, 2001) فیلمی ایله ام تی وی فیلم اؤدولونه آدای گؤستَریلمیشدیر. ام تی وی، عئینی شکیلده اؤزونو ویدئو کلیپلرده کی باشاریسین‌دان دولایی ویدئو وانقوارد (Video Vanguard) اؤدولو ایله اونورلانیبدیر (ایفتیخار قازانمیشدیر).

دیوید بویی‌نی ایفتیخارلاندیرماق آدینا تورونا یئنی راست‌لانان بیر اؤرومجَه یه دیوید بویی دن ائسینلَنَرَک (ایلهاملاناراق) Heteropoda davidbowie آدی قویولموشتور. بویی‌یه هالیوود بولواریندا 1997 ایلینده بیر اوْلدوز وئریلمیشدیر. بویی، 2003 ایلینده اؤزونو تکلیف اوْلونان شؤوالیه لیک عونوانی نی گئری چئویرمیشدیر.

اؤلومو[دَییشدیر]

دیوید بویی 69 یاشیندا 18 آی بویونجا کانسئرله (سرتانلا) موجادله ائتدیکدن سوْنرا وفات ائتمیشدیر.

قایناقلار[دَییشدیر]