رئال مادرید فوتبال کولوبو

ویکی‌پدیا، آچیق بیلیک‌لیک‌دن
Real Madrid
بۆتون آد رئال مادرید فوتبال کولوبو
قیسا آد رئال (Real)
قۇرولوش 1902
ایستادیوم سانتیاقو برنابئو، مادرید، ایسپانیا
Ground ظرفیت 85,454[۱]
Chairman فلورنتینو پرز
لیگ لالیگا
La Liga, 2nd
وب‌سایت Club home page
Current season

رئال مادرید (ایسپانجا:Real Madrid Club de Fútbol‎) آلتی مارس ۱۹۰۲ تاریخین‌ده قۇرولان،دۆنیانین مشهور ایسپانیا فوتبول کلوبو، فیفا طرفین‌دن ۲۰-جی عصرین ان یاخشی فۇتبول کلوبو سئچیلیب."رئال مادرید"،چوخ فۇتبول متخصصلری،داهی فۇتبول‌چولار،فۇتبول طرفدارلری و بوتؤولوک‌ده دونیا فۇتبول ایجتیمایتی طرفین‌دن دونیاین ان بویوک و ان اسرار انگیز فۇتبول کلوبو اولاراق قبول ائدیلمکته‌دیر."رئال مادرید" بئینلخالق آرنادا ان چوْخ کوبوک قازانامیش تاخیم دیر."بلانجوس" ۱۱ دفعه "یوفا چمپیونلار لیقاسی"نین،۲ دفعه "یوفا آوروپا لیقاسی"نین،۳ دفعه "یوفا سۇپر کوبوکو"نون،۳ دفعه "قیتلراراسی کوبوک"اون و ۱ دفعه "کلوبلاراراسی دونیا چمپیوناتی"نین غالیبی اوْلموش‌دور.

"رئال مادرید" دونیا سوییه‌سینده بیر برنددیر."دلویته" تشکیلاتینین معلوماتینا گؤره "رئال مادرید"،۶۵۰.۰۰۰.۰۰۰$ گلیرله دونیادا ان چوْخ گلیر الده ائد‌ن و ان بؤیوک بودجه‌یه مالیک اوْلان فۇتبول کلوبو اوْلماقلا یاناشی،3.300.000.000$ مارکا دَیَری ایله ده دونیانین ان دَیَرلی فۇتبول کلوبودور.نفوذلو "فوربس" ژورنالینین آچیقلادیغی رقه‌ملره اساساً ایسه "رئال مادرید" بۆتون دونیادا ان چوْخ فوْرماسی ساتیلان و دونیانین ان پوپولیار فۇتبول کلوبودور. بیر چوْخ آمار تشکیلاتلارینین آپاردیقلاری آراش‌دیرمالارا اساساً "مادریدلیلر"،دونیادا ان چوْخ طرفداری اوْلان ایکی کلوبدان بیری‌دیر. کلوب یوفا-نین ان گۆج‌لو تاخیملارینین حازیرکی رئیتینق جدولین‌ده بۆتون تاخیملاری گئری‌سین‌ده قویاراق زیروه‌ده قرارلاشیب."رئال مادرید" کلوبو "بارسلونا" و "آتلتیک بیلبائو" ایله بیرلیک‌ده یۆکسک ایسپانیا لیگین هئچ واخت ترک ائتمه‌یه‌ن تاخیم دیر.[۲].

تاریخی[دَییشدیر]

مادریدین رئال کلوبو ۱۹۰۲-جی ایلده قۇرولموش‌دور. ۱۹۲۸-جی ایلده قۇرولان ایسپانیا لیقاسیندا هئچ واخت آشاغی لیقایا دوشممیش‌دیر. اوریژینال آدی Sociedad Madrid Foot Ball Club اوْلموش، آنجاق کرال ۱۳-جو آلفونسو طرفین‌دن وئریلن آد نتیجه‌سینده آدین اوّلین‌ده رئال (کراللا علاقه‌لی) سؤزو آرتیریلمیش‌دیر.

گئیدیکلری آغ فوْرمالارا گؤره لوس مرنگوس (آغلار) لقبی ایله ده تانینمیشلار. ایستادیوملاری سانتیاقو برنابئو ۱۹۴۷-جی ایلده آچیلمیش‌دیر. بۇ ایستادیوم تاخیمین ایلک باشکانینین آدینا قۇیولموش‌دور.

اۇغورلاری[دَییشدیر]

tumb
ديوید بكهام (23) وزين الدين زيدان (5)

رئال مادرید نَینکی ایسپانیادا هم ده بۆتون آوروپادا ان گۆج‌لو کلوبلاردان بیری‌دیر. هم لا لیگا-دا هم ده یوفا چمپیونلار لیقاسیندا ان چوْخ کوبوک قازانمیش کلوب رئال مادریددی.۱۹ کرال کلوبو ۳۲ دفعه ایسپانیا چمپیونو، ۱۱ دفعه یوفا چمپیونلار لیقاسینین غالیبی اوْلموش‌دور.

آوروپا چمپیون کلوبلار کوبوکونون قۇرولماسیندا ایلک آددیم آتان تاخیم اوْلدو و بۇ کوبوکون قۇرولماسی ایله بیرلیک‌ده ۵ فصل دالبادال بۇ کوبوکو آلاراق بیر داها الده ائدیلمه‌سی ایمکان‌سیز اوْلان رکوردا صاحب اوْلدولار. دونی‌دا هئچ کیم اینانماز کی، بیر داها هان‌سی‌سا کلوب آردیجیل اولاراق ۵ دفعه چمپیونلار لیقاسی کوبوکونا صاحب اوْلسون. او زامان رئال مادرید آلفردو دی ایستفانو، گنتو و فرانس پوشکاش کیمی داهی فۇتبول‌چولارین اوینادیغی افسانوی هئیته مالیک اوْلموش‌دور. ایسپانیا لیقاسی کیمی چتین بیر لیقادا ۳۲ دفعه چمپیونلوق الده ائتمکله آمار اولاراق کئچیریلمیش هر ۲ فصل‌دا ۱ دفعه چمپیون اوْلموش‌دور. رئال مادرید تاریخی عرضینده هئچ واخت لا لیگانی ترک ائتممیش‌دیر.

بارسلونا ایله رقابت[دَییشدیر]

رئال مادرید ایله بارسلونا آراسینداکی رقابت بۆتون دونیادا ایزلنیلیر. بۇ رقابت دیکتاتور فرانسیسکو فرانکو دؤورونده "بارسلونا" طرفدارلارینین رئال مادریدی کرالین تاخیمی اوْلماق‌دا گوناهلان‌دیرماقلا باشلامیش‌دیر. ایسپانیا حکومتینه یاخین رئال مادرید ایله کاتالان بارسلونا طرفدارلاری آراسینداکی بۇ رقابت، ایکی تاخیم آراسینداکی اوْیونلاردان فۇتبول‌چو ترانسفر ینه قدر هر یئرده گئدیر. عمومیتله بۇ ایکی کلوب آراسیندا گئدن قارشی‌دورما ایسپانیا و کاتالون خالقینین آراسیندا گئدن محاربه کیمی قله‌مه وئریلیر. رئال مادرید بۇ محاربه‌ده از‌لی رقیبین‌دن اۆستون‌دو. آماری جهتتن اساساً تام امین‌لیکله دئمک اولارکی بۇ آمان‌سیز موباریزه‌ده کرال کلوبو اؤز از‌لی رقیبین‌دن اۆستون اوْلوب. رئال مادرید بۇ اوستونلویو ایندیکی دؤوره قدر قورویا بیلیب. بۇ اوستونلویو قوروماق نه هر بیر رئال مادرید فوْرماسی گئیینه‌ن اویونچونون بورجودور. رئال مادریدین "بارسلونا" ایله قارشی‌دورماسی همیشه کاتالون مطبوعاتی طرفین‌دن تنقید آتشینه توتولوب. اوْنلارین فیکرینجه رئال مادرید چوْخ اوْیونلاردا غیری-قانونی یوللارلا غلبه قازانیب. اما مادرید مطبوعاتینین دا اؤز همکارلارینا اله جواب وئرمک ایمکانی وار. چونکی چتین کی، آوروپادا ۱۱ دفعه چمپیونلار لیقاسینی قازانمیش بیر کلوب ایسپانیادا اؤز رقیبلری ایله باجارماسین. کرال کلوبو ان شرف‌لی تاریخه مالیک اوْلان آوروپا اژداهاسی‌دیر. هر ایل دونیادا ۱۵۰-دن چوْخ تله کانال رئال مادرید-بارسلونا اوْیونونو جانلاندیریر. بۇ اوْیونا دونیانین بۆتون قیطعه‌لرین‌ده باخیلیر. بۇ ایکی کلوب آراسیندا گئدن رقابت فۇتبول دئییله‌ن بؤیوک ایدمان نؤعونون محو اوْلماسینا قدر داوام ائد‌جک و همیشه آمان‌سیزلیق، دۆشمه‌ن‌چی‌لیک پرینسیپلرین‌ده کئچیریله‌جک.

سوْن دؤورلر[دَییشدیر]

سانتیاقو برنابئو ایستادیومو

۲۰۰۰-جی ایلده‌ن سوْنرا رئال مادرید دونیاداکی بۆتون تانینمیش فۇتبول اۇلدوزلارینی چوْخ یۆکسک قیمتله ترانسفر ائد‌رک قالاکتیکوس(کهکشانی لار) لقبی آلمیش‌دیر. اوّللر اوْلدوغو کیمی رائول گونزالس، فرناندو هیرو اؤز قایناقلارین‌دان ییلدیزلارینی یئتیشتیرمه باجاریغی هله ده داوام ائدرکن بۇ اوْیون‌چولار اوّلکی فصل‌دا ان چوْخ اۇلدوزو پاریل‌دایان اوْیون‌چولارین هان‌سی شرطلر آلتیندا اوْلورسا اوْلسون تقویّت ائدیلمه‌سی ده کلاسیک وضعیته گلدی. روبرتو کارلوس، داوور سوکر، کلارنس سیدورف و ایستیو مک‌منمن ایله باشلایان بۇ ترانسفر لر سریاسی فوتبال کلوبو بارسلونادان لوئیز فیقونون نجومی قیمته آلینماسییلا داوام ائتمیش‌دیر. بۇندان سوْنرا هر ایل بیر یا دا ایکی اۆست سیرا اۇلدوز ترانسفر ی، زین الدین زیدان، رونالدو، دیوید بکهام، مایکل اوون روبینیو کیمی آدلارلا داوام ائتمک‌ده‌دیر.

سوْن دفعه ۲۰۰۶-۲۰۰۷ ایچین اۇلدوزلار ترانسفر اوْلونموش‌دور. فرانک ریبری، فابیو جاناوارو کیمی ۲۰۰۶ دونیا کوبوکون‌دا اۇغورلو اوْیونلار آلینارکه‌ن اۇلدوزلار اۆچون نجومی قیمتلر تکلیف ائدیلیر. رئال مادریدین ان اۇغورلو ترانسفر لرین‌دن بیری کروواسیلی لوکا مودریچ‌دیر. او، رئال مادریده ۳۰ میلیون فونتسترلینقه ترانسفر اوْلونموش‌دور.

چمپیونلوقلار[دَییشدیر]

۱۹۶۰؛ ۱۹۹۸؛ ۲۰۰۲.
۱۹۸۴/۸۵؛ ۱۹۸۵/۸۶.
  • ایسپانیا لیقاسی (لا لیقا) چمپیون‌لوغو: ۳۲
۱۹۳۱/۳۲؛ ۱۹۳۲/۳۳؛ ۱۹۵۳/۵۴؛ ۱۹۵۴/۵۵؛ ۱۹۵۶/۵۷؛ ۱۹۵۷/۵۸؛ ۱۹۶۰/۶۱؛ ۱۹۶۱/۶۲؛ ۱۹۶۲/۶۳؛
۱۹۶۳/۶۴؛ ۱۹۶۴/۶۵؛ ۱۹۶۶/۶۷؛ ۱۹۶۷/۶۸؛ ۱۹۶۸/۶۹؛ ۱۹۷۱/۷۲؛ ۱۹۷۴/۷۵؛ ۱۹۷۵/۷۶؛ ۱۹۷۷/۷۸؛
۱۹۷۸/۷۹؛ ۱۹۷۹/۸۰؛ ۱۹۸۵/۸۶؛ ۱۹۸۶/۸۷؛ ۱۹۸۷/۸۸؛ ۱۹۸۸/۸۹؛ ۱۹۸۹/۹۰؛ ۱۹۹۴/۹۵؛ ۱۹۹۶/۹۷؛
۲۰۰۰/۰۱؛ ۲۰۰۲/۰۳؛ ۲۰۰۶/۰۷؛ ۲۰۰۷/۰۸.۲۰۱۲
۱۹۰۴/۰۵؛ ۱۹۰۵/۰۶؛ ۱۹۰۶/۰۷؛ ۱۹۰۷/۰۸؛ ۱۹۱۶/۱۷؛ ۱۹۳۳/۳۴؛ ۱۹۳۵/۳۶؛ ۱۹۴۵/۴۶؛ ۱۹۴۶/۴۷؛
۱۹۶۱/۶۲؛ ۱۹۶۹/۷۰؛ ۱۹۷۳/۷۴؛ ۱۹۷۴/۷۵؛ ۱۹۷۹/۸۰؛ ۱۹۸۱/۸۲؛ ۱۹۸۸/۸۹؛ ۱۹۹۲/۹۳؛ ۲۰۱۰/۱۱؛
۲۰۱۳/۱۴
۱۹۸۸؛ ۱۹۸۹؛ ۱۹۹۰؛ ۱۹۹۳؛ ۱۹۹۷؛ ۲۰۰۱؛ ۲۰۰۳؛ ۲۰۰۸؛ ۲۰۱۲
  • بؤلگه چمپیونلوقلار: ۱۸
۱۹۰۳/۰۴؛ ۱۹۰۴/۰۵؛ ۱۹۰۵/۰۶؛ ۱۹۰۶/۰۷؛ ۱۹۰۷/۰۸؛ ۱۹۱۲/۱۳؛ ۱۹۱۵/۱۶؛ ۱۹۱۶/۱۷؛ ۱۹۱۷/۱۸؛
۱۹۱۹/۲۰؛ ۱۹۲۱/۲۲؛ ۱۹۲۲/۲۳؛ ۱۹۲۳/۲۴؛ ۱۹۲۵/۲۶؛ ۱۹۲۶/۲۷؛ ۱۹۲۸/۲۹؛ ۱۹۲۹/۳۰؛ ۱۹۳۰/۳۱.
  • ایسپانیا لیقاسی کوبوکو: ۱
۱۹۸۴/۸۵.
  • لاتین کوبوکو: ۱
۱۹۵۵/۵۶.

ایستینادلار[دَییشدیر]

  1. "Real Madrid reveal £330m design for new Bernabeu stadium". BBC. Retrieved 1 November 2015
  2. [۱] Общий баланс игр за все годы

خاریجی کئچیدلر[دَییشدیر]

قایناق‌لار[دَییشدیر]