رسول قربانی مقدم

ویکی‌پدیا، آچیق بیلیک‌لیک‌دن
پرش به ناوبری پرش به جستجو

رسول قربانی مقدم (دوغوم: ۱۳۴۶ مراغه) بیر ایران آذربایجانلی شاعیر، موعلیم، ژورنالیست و یازیچیدیر.

یاشاییشی[دَییشدیر]

1346 - جی گونش ایلینده ماراغا شهرینده دونیایا گؤز آچیب. 1363-جو ایلدن چالیشمالارینی باشلاییبدیر. او شعرلرینده اسیر تخلوصونو ایشلدیر. مراغه‌ده چاپ اولونان رصد هته‌لیگین چشمه آدلی تورکجه بولومونون مسئولودور. او بیر مودت مراغه رادیوسوندا چالیشیبدیر. سویوق چایی قیراغیندا یئرله شن - خود اشتغالی آدلانان بؤیوک آلیش - وئریش مرکزینده آچدیغی ( گئنیش ساحه لی تورک مدنیت تورک اوجاغی )-دا او زامانادک بیرینجی دفعه اولاراق آنا دیلی کیلاسلاری قوروب ماراقلی قیزلی - اوغلانلی چوخلو گنجلره آنا دیلی درسلرین یانیندا تاپدالانمیش میللی حاقلاری دوشوندوردو.

مراغه‌ده مکتب و بیلیم یوردوندا بوراخیلان دومان و بیرلیک درگیلری اونون ایشلریندن ساییلیر. او 78-جی ایلده ( کانون پرورش فکری کودکان و نوجوانان ) اداره سینده ایشه باشلاییب سونرا داها گئنیش چالیشماق اوچون عایله سی ایله بیرگه تبریز شهرینه کؤچدو. شعرلریندن صفرخان، سون ناغیل، بؤیوک آذربایجان، کوچه میز، سهند اته یی، شهرلرینین گلینی، مکتبسیز دیل، تورک مکتبی، خوخو نو آد آپارماق اولار. ‏رسول قربانی مقدم کانون پرورشده بیرینجی دفعه اولاراق اوشاقلار اوچون منیم یووام هاردادیر آدلی کیتابی چاپا چاتدیریبدیر و کانونون واسیطه سی ایله بوراخیلان ( جیرجیرک ) آدلی درگیسینده ده آنا دیل بؤلومونون مسئولو اولموشدور. او ایندی تهران شهرینده یاشاییر.

شعرلریندن[دَییشدیر]

مدرسه‌ده موعلليم يئنه دؤيدو اليمدنباجارماديم فارسيني ايراد توتدو ديليمدن
دئديم آغا موعلليم وورما، گؤينه‌دي اليمنه‌دير آخي گوناهيم توركودور منيم ديليم
ياپيشدي قولاغيمدان دئدي بوراخ توركونواو قالدي ائوينيزده اونوت گئتسين كؤكونو
قوي بؤيويوم بير اؤزوم اولاجاغام موعلليماوندا چوخ ايش گؤره‌جك بو گون گؤينه‌ين اليم
كيلاسيمدان گله‌جك ائليميزين اؤز سسياولاجاقدير او زامان توركون‌ده مدرسه‌سي



قایناقلار[دَییشدیر]