سراسکند
Hashtrud
سراسکند هشترود | |
|---|---|
City | |
.jpg) Bayazid Bastami Tomb | |
  Hashtrud | |
| Coordinates: 37°28′40″N 47°03′03″E / 37.47778°N 47.05083°Eموختصات: 37°28′40″N 47°03′03″E / 37.47778°N 47.05083°E | |
| اؤلکه |  ایران |
| اوْستان | شرقی آذربایجان اوستانی |
| بؤلگه | سراسکند بؤلگه‌سی |
| بؤلوم | مرکزی بؤلوم |
| جمعیت (2016 Census) | |
| • جمع | ۲۰٬۵۷۲ [۱] |
| ساعات قورشاغی | یوتی‌سی +3:30 (IRST) |
| • یای (DST) | یوتی‌سی +4:30 (IRDT) |
سراسکند یا دا هشترود (هشتری) — شرقی آذربایجان اوستانینین مرکزی-جنوبی شهرلرین‌دن بیری و سراسکند بؤلگه‌سی نین مرکزی‌دیر. بۇ شهر متوسط صورت‌ده ۱٬۱۵۰ متر دنیزلرین سطحین‌دن اوجالیغی واردیر. هشترود (سراسکند) میانه شهری‌نین قوزئی‌باتی‌سیندا یئرلشیب و میانه شهری ایله ۱۰۱ کیلومتر فاصیله‌سی وار، هابئله هشترود تبریزین گونئی‌دوغوسوندا یئرلشیب و تبریز شهری ایله ۱۱۴ کیلومتر فاصیله‌سی وار. هشترود شهری ۶٫۲۴ متر مربع مساحتی واردیر.[۲] بۇ شهرین ۱۳۹۰–جی هجری شمسی ایلین‌ده ۱۹٬۹۰۳ نفر جمعیتی واریمیش و بۇ باخیم‌دان اوستانین اون‌دوردونجو شهری ساییلیرمیش.[۳]
هشترودون داغ‌لاری سهند داغ‌لاری‌نین امتدادین‌دا چکیلیب‌دیرلر و بۇ شهرین غرب ناحیه‌سین‌ده واقع اوْلوب‌لار. بۇ داغ‌لارین آراسین‌دان تکجه بئش داغین اوجالیغی ۲٬۰۰۰ متردن یوخاری‌دیر کی اونلارین ان اوجاسی آغ‌داغ‌دیر و ۲٬۹۵۰ متر اوجالیغی واردیر. بۇ داغ‌لارین مۆختلیف لایه‌لرین‌ده معدنی کانی‌لر ذخیره اوْلوب‌دور. هشتری نئچه فرعی چایین طریق‌ایله سوالیر کی اونلارین ایچین‌دن قرنقی‌چای -کی قیزیل‌اوزنین شاخه‌لرین‌دن‌دیر و بۇ شهرین کنارین‌دان سووشور- منطقه‌نین ان بویوک چایی‌دیر. هشتری و اونون اطرافین‌دا نئچه معدنی ایستی‌سو بولاقلاری واردیر.[۲]
ایرانین بیرینجی تقسیمات کشوری قانونی اساسین‌دا هشترود مراغا شهریستانی و غربی آذربایجان اوستانینین تابعه‌سی‌دیر. ۱۹۴۸اینجی میلادی ایلین‌ده مراغادان آیریلیب و تبریز شهرستانی و شرقی آذربایجان اوستانینا قوشولدو. سوْنون‌دا ۱۹۶۰اینجی میلادی ایلین‌ده شرقی آذربایجان اوستانینین مستقل شهرستان‌لاری‌نین بیری‌سی عنوانین‌دا تانیندی. بۇ شهرین یاشایان‌لاری‌نین آذربایجان تورکجه‌سینه دانیشیب و اونلارین مذهب‌لری، اون‌ایکی‌امامی شیعه مذهبی‌دیر.[۲] سرّس کند ، ۱۳۴۰ دا آدی آذران اولوب و سونرا آدین فارسلادیب هشترود آدین سچسیب لر . سرس کند ، یعنی روستای سرس ، ولی فارسی منابع لر ، اشتباه و یالنیش دان یازیللار سر اسکندر یعنی سر اسکندر !!