سونای

ویکی‌پدیادان، آچیق بیلیک‌لیک‌دن

سونای آذربایجان فولکلورو‌ندا یایین سونای‌لی گئجه‌لرینه دئییلیر. آذربایجان "آیین دوشونجه‌سینده" (اساطیری دوشنونجه‌سینده) آی’لا گونش سئوگیلی دیرلر. اونلارین سئوگیسی سونسوز دیر. اونلار هئچ زامان بیربیرلرینه چاتانمیرلار. سونای پاییز اعتیدالینا یاخین اوز وئریر. دئمک، بئله بیر چاغدا گئجه ایله گوندوز برابرلشیرلر. اودور کی، سونایین 14 گجه‌لیی دوغان چاغدا گونش ایسه باتیر. بئله‌لیک’له بو ابدی و سونسوز سئودالیلار بیربیرلرینی اوز-اوزه گوره بیلیرلر. اونلار بیربیرلرینی اوز-اوزه گوره‌ن آنلار چوخ آخیجی، داها سۆرعت له الدن گئدن آنلار دیر. او گئجه آیین سئودالی باخیشی هر یئری بورویور. نظره گلیر اسلی و کرم’ین سئوداسی و طالئیی سونایین سئوداسینین گرچکلنمیش داوامی دیر. اونلار دا بیربیرلرینی آزجاجیق زامان گورور و یئنه ایتیریرلر. بیربیرلرینه چاتاندای’سا اود توتوبان یانیرلار. گونشین یاندیریجی دوغالیغینا قاییدیر.

سونایین آییشیق گجه لرینده اللرینین آیناسینی آغیزلارینا ووراراق آواوا چالارلار. آواوا سسینه هامی توپلاشیب سونرا چئشیتلی اویونلار اوینارلار، قاری آروادلار، قوجا کیشیلر ده اویناماغا گلرمیشلر. بو گئجه‌نین ان اونملی اویونو مالاهارای دیر. بنووشه بنده دوشه اویونو دا اوینانار.

آذربایجان کندلرینده سونای دان سونرا ائلچی گئتمکلر، تویلار باشلانار’کن ایل بایرامیندا دا سونا چاتاردی.

سونای غرب مدنیتینده Harvest Moon آدی ایله تانینیر.

همچینین باخین[دَییشدیر]

قایناق[دَییشدیر]

آواوا رومانی، ناصر منظوری. بۇ رومان ایلک دفعه ۱۳۸۴ (۲۰۰۵)-ده تهراندا چاپ اوْلونوب.