سو چرشنبه‌سی
سو چرشنبه‌سی — نوروز بایرامی‌نین ایلک چرشنبه‌سی. بو چرشنبه‌نی " یالانچی " ، " ازل چرشنبه " ، " سولار نوروزو " دا آدلاندیریرلار. سو چرشنبه‌سینده سو و سو منبع‌لری تزه‌له‌نیر، آرخلار قایدایا سالینیر، سو حؤوضه‌لرینده آبادلیق ایشلری گؤرولور، سو ایله باغلی موختلیف شنلیک‌لر کئچیریرلر.سو چرشنبه‌سی سویا تاپینما اینامی ایله باغلی‌دیر. هله گون دوغمامیشدان هامی سو اوستونه گئدیر، ال-اوزونو یویور، بیر-بیری نین اوزرینه سو چیله‌ییر، سو اوستوندن آتلانیر، یارالی‌لارین یاراسینا سو چیله‌ییرلر. خالقین اینامینا گؤره سو چرشنبه‌سی گونو " تزه سو " دان کئچن‌لر، آزارینی، بئزارینی اونا وئرن‌لر ایل بویو خسته‌لیکدن اوزاق اولارلار. همین گون سو اوستونده موختلیف مراسیم‌لر کئچیریلیر، قدیم تورکلرده سو تانری‌لاری ساییلان آبان و یادانین شرفینه نغمه‌لر اوخونور. سو ایله باغلی اینانج‌لاردا دئییلیر:
- سوفره یه سو داغیلماسی آیدینلیق‌دیر،
- سو ایچن آدامی قفیل وورمازلار،
- سو ایچن آدامی ایلان چالماز،
- لال آخان سودان کئچرکن سویوم ایره‌لیله دئیرلر
بیر چوخ آتالار سؤزونده ده سویون موقدس‌لیگی عکس اولونور:
- سو اولان یئرده دیریلیک اولار،
- سو احسان‌دیر،
- سو موردارلیق گؤتورمز،
- سویو چیرک‌لندیره‌نین نعشینی یوماغا سو تاپیلماز.