سکینه آخوندزاده

ویکی‌پدیا، آچیق بیلیک‌لیک‌دن
پرش به ناوبری پرش به جستجو
سکینه خانیم آخوندزاده
Sakina akhundzadeh.jpg
چالیشما ساحه‌سی دراماتورق، یازیچی
دوْغوم تاریخی 1865
قوبا (شهر)ی
اؤلوم تاریخی 1927
باکی شهری
میلیت آذربایجان تورکو
اؤلوم سببی آسم خسته‌لیگی
شوهرت سببی آذربایجانین ایلک قادین دراماتورقو
تاثیر قویموش {{{تاثیر قویموش}}}

سکینه خانیم میرزه هئیبت قیزی آخوندزاده (1865-1927)، ایلک قادین دراماتورق، یازیچی میرزه هئیبت آخوندزاده‌نین قیزی. سکینه خانیم آذربایجانین ایلک قادین موعلیمه‌لریندن‌دیر. یازیچی‌لیقلا، او جومله‌دن دراماتورژی ایله ده مشغول اولموشدو. 

یاشاییشی[دَییشدیر]

  سکینه خانیم 1865-جی ایلده قوبادا آنادان اولموش و ایبتیدایی تحصیلینی اورادا آلمیشدیر. آتاسی میرزه هئیبت  " فدا "  تخلوصلو ایله شعیرلر یازیردی و آ.آ.باکیخانوفون تشکیل ائتدیگی  " گولوستان "  ادبی مجلیسی‌نین عوضوو ایدی. 1900-جو ایلده عاییله‌سی ایله بیرلیکده باکی‌یا کؤچن سکینه خانیم حاجی زئین‌العابدین تاغی‌یئوین قیزلار مکتبینده شریعت و ادبیات درسلرینی تدریس ائتمیشدیر. باکیدا و قوبادا خالقین معاریف‌لنمه‌سی یولوندا بؤیوک ایشلر گؤرموش، قیز مکتب‌لری‌نین آچیلماسما، تحصیل آلان شاگیردلره مونتظم اولاراق مادّی یاردیم گؤسترمیشدی. 

یارادیجی‌لیغی[دَییشدیر]

  سکینه میرزه هئیبت قیزی آخوندزاده تئاتر هوسکارلاری ایله یارادیجی‌لیق علاقه‌لری ساخلامیشدی.  "علمین بهره‌سی "  پیئسینی و " گلین و قاینانا "  کومدی‌سینی یازیب. میلّی فولکلوروموز اساسیندا  "ابوالفض و رعنا "  حکایه‌سینی قلمه آلمیش، بو اثر اساسیندا ایسه عئینی‌آدلی اوپرا لیبرتوسو ایشله‌میشدی. س. آخوندزاده تورکیه ادبیاتیندان دا ماراقلی اثرلری دیلیمیزه چئویرمیشدی. نامق کمال یارادیجی‌لیغیندان حاضیرلادیغی  " بخت‌سیز بالا " ،  " ظولمون ثمره‌سی "  آدلی درام‌لاری اوزون ایل‌لر آذربایجان صحنه‌سینده حسین عربلینسکی‌نین، عباس میرزه شریف‌زاده نین ایشتیراکی ایله تاماشایا قویولموشدو. سکینه خانیم آخوندزاده مشهور فرانسه بسته‌کاری لئو دِلیبین  " لاکمه "  اوپراسی اساسیندا  " ظولمون ثمره‌سی "  آدلی درام اثرینی یازمیشدی. بو اثر ایلک دفعه  1914-جو ایلده تیفلیسده تاماشایا قویولاراق اوغور قازانمیشدی. سکینه خانیم آخوندزاده مشهور فرانسه بسته‌کاری لئو دِلیبین  " لاکمه "  اوپراسی اساسیندا درام اثری یازمیشدی. بو اثر  " نیجات "  تروپپاسیندا، 1920-جی ایل‌لرین اوّل‌لرینده میلّی درام تئاتریندا موختلیف صحنه قورولوشوندا تاماشایا قویولموشدو. 1927-جی ایلده اوزون سورن آسم خسته‌لیگیندن باکیدا دونیاسینی دَییشن سکینه خانیم آخوندزاده بی‌بی‌هئیبتده دفن اولونموشدو. 

  سکینه خانیمین یازدیغی اثرلر او دؤورون رپرسیالاریندان قورخان قارداشی ابراهیم بیگین قیزی ریحان توپچوباشوفا طرفیندن یاندیریلمیشدیر. همین دؤورده ریحان خانیم توپچوباشوفا آذربایجان رسام‌لار ایتیفاقی ایداره هئیتی‌نین صدر موعاوینی ایدی. 

تئاتر صنعتینده تؤهفه‌لری[دَییشدیر]

  سکینه خانیم آخوندزاده  " علمین بهره‌سی " ،  " گلین و قاینانا " ،  " بخت‌سیز بالا " ،  " ظولمون ثمره‌سی " ،  " حاق سؤز آجی اولار " ،  " شاهزاده ابوالفض "  و بیر چوخ پیئس‌لرین مؤلیفی‌دیر." ظولمون بهره‌سی "-نی حسین عربلینسکی 1914-جو ایلده تیفلیسده، عباس میرزه شریف‌زاده 1917-جی ایلده و 1922-جی ایلده باکیدا تاماشایا قویوبلار. اساس رول‌لاردا اؤزلری و کاظم ضیا، اسماییل طالبلی، یئوا اولِنسکایا، یونس نریمانوف اویناییبلار.  " بخت‌سیز بالا "  دا بو دسته‌لرین، دیگر اثرلر ایسه قیز گیمنازیاسی طلبه‌لری نین ایشتیراکی ایله گؤستریلیب.[۱] 

  اثرلری[دَییشدیر]

  •  " علمین بهره سی " (1904) 
  •  " ظولمون ثمره سی "  ( " لاکمه " دن تبدیل "  
  •  " گلین و قایینانا "  
  •  " شاهزاده ابوالفض و رعنا خانیم "  (1918)
  •  " بخت‌سیز بالا "  

اتک یازی‌لار[دَییشدیر]

  1. Üç əsrin yüz otuz ili. (Akademik Milli Dram Teatrı bu gün). Bakı, “QAPP-POLİQRAF” Korporasiyasi, 2003, 264 s. PDF