شائوشنگ ده چیخیش

شائوشنگ ده چیخیش (اینگیلیسجه: The Shawshank Redemption ) فرانک دارابونتون یؤنئتمنلییی و تیم رابینز و مورگان فریمنین اویونجولوغو ایله بیر درام جنایی فیلم دیر. سینما تاریخینین ان یاخشی فیلم لریندن بیری ساییلیر. بو فیلم استیون کینگ'ین "ریتا هیورث و شائوشنگ ده چیخیش" آدلی قیسا حیکایه سی اساسیندا دوزلیب دیر. و رابینز ایله فریمن ترتیب'له "اندی دوفرین" و "الیس رد " کاراکترلرین ایفا ائدیرلر.

1994 اینجی ایلینده اسکار اؤدولو مراسمینده بو فیلم یئدی اسکار اؤدولونه نامزد اولدو.( ان یاخشی فیلم .. ان یاخشی اویونجو.. ان یاخشی سناریو.. ان یاخشی فیلم چکیمی .. ان یاخشی تدوین.. ان یاخشی فیلم موزیکی.. ان ایی سس ایشلمه‌لری) اما هئچ بیرینی قازانا بیلمه‌دی. .

فیلمین روایتی

اندی دوفرین( تیم رابینز )گنج بیر بانک ایشچیسی اولاراق ائشی و اونون گیزلین سئوگیلیسین اؤلدورمک ندنی ایله شائوشنگ دوستاغیندا ابد جزاسینا دوستاقلانیر.او اؤزونو سوچسوز بیلیر اما حاکیمین قرارینا گؤره سوچلو تانینیر و ایللر بویو تکجه ایلنجه‌سی جامعه نین اشاغی قاتینین انسان لاری ایله دوموکلنمک اولور. و بونلار اونو هر زامان اینجیدن همجنس گرا لار و قاتل لردیرلر. آلیس بوید ردینگ( مورگان فریمن ) بیر قارا دریلی دوستاقلیق و فیلمین راوی سی دیر.و دوستاقدا هر لازیم اولان بیر شئیی حاضیرلادیغی اۆچون تانینمیش دیر.اندی نئچه آی سونرا تکجه اونلا دانیشیب و اؤزل بیر چکیج اوندان ایسته ییر."رد" ایلک باشدا دوشونور "اندی" چکیجی دوستاقدان قاچماق اۆچون ایسته‌ییر اما چکیجی گؤرندن سونرا اونون چوخ کیچیک اولدوغونو آنلاییر و بئله دوشونوب روایت ائدیر: دوستاغین دیوارین دئشمک بو چکیج ایله آلتی یوز ایل چکر.سونرالار اندی "رد"دن تانینمیش قادین اویونچوسو ریتا هیورثون بویوک بیر پوسترینی ایسته‌ییر و اونو اؤز سلولونون دیوارینا آسیر.دوستاغین باشچی‌سی اندی'نین سلولون آختاراندا انجیل کیتابین اندی'نین الینده گؤردوغو سببی ایله اونو پوستر اۆچون باغیشلاییر.سونرا انجیله اشاره ائدیب دئییر: چیخیش بو کیتاب دا دیر و سلولدان چیخیر. .

سونرالار دوستاغین باشچی‌سی اندی'نین موقعیت و بانک ایشچی‌سی اولدوغونو آنلایارکن اونو اؤز روشوت لری اۆچون قوللانیر.ایللر گئچیر و گنج بیر اوغلان شائوشنگ ده دوستاقلانیب اندی و رد ایله دوست اولور. و اندی'نین دوستاقلانماق حیکایه سین ائشیدنده اونولا باشقا بیر سلول دا دوستاقلاندیغی بیریسینین سؤزلرین آنلاتیر. او آدامین دئدیکلرینه گؤره اندی'نین ائشینین قاتلی اودور. دوستاغین باشچی‌سی اندی'نین سربست بیراخیلدیغین ایسته‌مه‌دییی اۆچون گنج اوغلانین اؤلدورولمه سینه امر ائدیر.بیر گون اندی رد ایله "زواتانئو" آدلی بیر آدا دا یاشاماق دویغوسونو آنلاتیر و رد اونو اومودلو اولدوغو اۆچون دانلاییر و اندی فیلمین مشهور دیالوقون دئییب رد دن اوزاقلاشیر.

" یاشام ایله آنلاش ;یا دا اؤلومو قارشیلا " . . .

رد بو سؤزدن قایغیلانیب اندی'نین اینتیحار ائتمه‌سینی دوشونور.دوست لاری ایله دانیشیب او گون اندی'نین بیریسیندن ایپ آلدیغینی آنلاییر.اونلار بوتون گئجه اندی اۆچون قایغیلانیرلار.یارین صاباح دوستاقچیلار اندی'نین سلولونون بوش اولدوغونو آنلاییرلار و دوستاق باشچی‌سی عصبی حالدا پوستره ساری بیر داش فیرلایارکن اندی'نین کیچیک چکیج ایله دیواردا قازدیغی درین دئشییی گؤرور.اندی او دئشیکدن چیخیب اؤزو ایله ریشوت بلگه‌لری و دوستاق باشچی‌سینین جعل تانیتیم بلگه‌لرین آپاریر.بوتون روشوت پارالاری بانک لاردان آلیب زواتانئو یا قاچیر. اندی'نین طریقی ایله دوستاغین بوتون روشوت آلانلاری دا توتوقلانیرلار.سونرالار دوستاق باشچیسی اندی'نین انجیلین اؤز اوتاغیندا تاپیب اندی'نین چکیجی کیتاب دا گیزلتدیینی بیلیر.

اینجیلین ایلک صفحه سینده اندی دوفرین'ین امضاسی ایله بو سؤز یازیلیب: سیزه قاتیلیرام باشچی! چیخیش بو کیتاب دا ایدی.

سونرالار رد سربست بیراخیلیب و اؤنجه‌لر اندی یه وئردیی سؤزه گؤره اونون دئدیی یئره گئدیب اندی'نین دئدییی یئری دئشیر و اونون یازدیغی بیر مکتوب و رد اۆچون بیراخدیغی پارالاری تاپیر.مکتوب دا فیلمین باشقا گؤزل بیر دیالوقلاریندان اوخوروق.اومود ایی بیر شئی دیر.و هئچ ایی بیر شئی هئچ بیر زامان آرادان گئتمز.رد اندی'یه دئدییی آدایا گئدیب و اونو کهنه بیر قاییغ دوزلدره‌ک گؤرور.و فیلم بو یئرده قورتولور.

کاراکترلر تانیتیمی

آد	تانیتیم
اندرو "اندی دوفرین" ( تیم رابینز 'ین اویونجولوغو ایله)	باش رل و فیلمین قهرمانی.او باشاریجی بیر بانک ایشچی‌سی دیر و بیردن بیره ائشی'نین اؤلدورولمه‌سی ندنی ایله توتوقلانیر.دوفرین دوستاغین چتین شرایطی ایله آلیشیر و اومودو هئچ بیر زامان توکنمیر.
الیس بوید "رد" ردینگ (مورگان فریمن 'ین اویونجولوغو ایله)	فیلمین راوی سی و دوستاقدا اندی'نین دوستو دور. چوخ اومودلو بیریسی دئییل. اما فیلمین سونوندا "زواتانئو" آداسینا گئدیب اومود دییه بیر شئییه اینانیر.مورگان فریمن بو فیلمده اویونجولوق اۆچون اسکار اؤدولونه نامزد اولدو اما اونو " فارست گامپ" فیلمینده " تام هنکس " آدلی بیر اویونجویا اودوزور.
باشچی ساموئل نورتون (باب گانتن 'ین اویونجولوغو ایله)	فیلمین منفی کاراکتری و رشوت آلان بیریسی دیر.
بروکس هاتلن ( جیمز ویتمور 'ون اویونجولوغو ایله)	ساوادلی و قوجا بیر دوستاقلیق و دوستاغین کیتاب ائوی'نین باشچی‌سی دیر. بروکس اندی'نین کیتاب ائوینده ایشله‌دییی سورک‌ده اونونلا دوست اولوب سونرالار دوستاقدان بیراخیلدیغیندا اؤزونو اؤلدورور.
بایرون هادلی کاپیتان (کلنسی براون 'ین اویونجولوغو ایله)	هادلی کاپیتان فیلمین منفی کاراکترلریندن بیریسی دیر. فیلمین سونوندا نورتون ایله ایش بیرلیک ائتدییی اۆچون توتوقلانیر.
تامی ویلیامز (گیل بیلاز 'ین اویونجولوغو ایله)	گنج بیر دوستاقلیق دیر و اون‌دوققوز ایل اندی دن سونرا دوستاغا گلیر.چوخ سئویملی بیریسی دیر و اندی و باشقالاری ایله دوست اولور.اندی اونا یازیب اوخوماق اؤیرتیر و او اندی'نین دوستاقلانماق حیکایه سین ائشیدنده باشقا بیر سلول دا بیر دوستاقلیغین تامی'یه آنلاتدیقلارینی دئییر.او آدامین دئدیینه گؤره اندی'نین ائشی و گیزلین سئوگیلیسینین قاتیلی او دور.تامی دوستاق باشچی سینین امری ایله اؤلدورولور.

اویونجولار

• تیم رابینز (اندرو «اندی» دوفرین)
• مورگان فریمن (الیس بوید «رد» ردینگ)
• باب گانتن (دوستاق باشچی سی ساموئل نورتون)
• کلانسی براون (بایرون هادلی کاپیتان )
• گیل بیلاز (تامی ویلیامز)
• مارک رولستون (باگز دیاموند)
• جیمز ویتمور (بروکز هاتلن)
• پل مک‌کرین (نگهبان تراوت)

اؤدول لر

• فرانک دارابونت و نیکی ماروین ان یاخشی فیلم اۆچون اسکار اؤدولو نون نامزدلییی
• مورگان فریمن ,ان یاخشی ارکک اویونچوسو اۆچون اسکار اؤدولو نون نامزدلییی
• فرانک دارابونت , ان یاخشی سناریو آلماسی اۆچون اسکار اؤدولو نون نامزدلییی
• راجر دیکنز , ان یاخشی فیلم چکیمی اۆچون اسکار اؤدولو نون نامزدلییی
• ریچارد فرانسس-بروس, ان یاخشی فیلم تدوینی اۆچون اسکار اؤدولو نون نامزدلییی
• توماس نیومن, ان یاخشی فیلم موزیکی اۆچون اسکار اؤدولو نون نامزدلییی
• ان یاخشی سس ایشله مه لری اۆچون اسکار اؤدولو نون نامزدلییی
• فریمن اۆچون ان یاخشی رل ایفاسینا گؤره گلدن گلاب اؤدولونون نامزدلییی
• دارابونت ان یاخشی سناریو اۆچون گلدن گلاب اؤدولونون نامزدلییی
• فریمن باش رل دا ان یاخشی ارکک اویونچوسو اۆچون "Screen Actors Guild Awards"اؤدولونون نامزدلییی
• رابینز باش رل دا ان یاخشی ارکک اویونچوسو اۆچون

"Screen Actors Guild Awards" اؤدولونون نامزدلییی

• دارابونت ان یاخشی اکشن فیلم اۆچون

"Academy of Science Fiction, Fantasy & Horror Films" اؤدولونون نامزدلییی

• دارابونت ان یاخشی یازار اۆچون

"Academy of Science Fiction, Fantasy & Horror Films" اؤدولونون نامزدلییی

• فرانسیس-بروس ان یاخشی فیلم تدوینی اۆچون

"American Cinema Editors" اؤدولونون نامزدلییی

• ریچارد فرانسیس-بروس

"Camerimage" دن قیزیل قورباغا اؤدولو

• برتی دبورا آکویلا ان یاخشی اویونجو سئچیمی اۆچون

"Casting Society of America" اؤدولونون نامزدلییی

• راجر دیکنز ان یاخشی فیلم چئکیمی اۆچون

"American Society of Cinematographer" اؤدولونون قازانماسی

• فرانک دارابونت ان یاخشی فیلم اۆچون یابانجی دیلده

"Awards of the Japanese Academy" اؤدولونون قازانماسی

• زیچارد فرانسیس بروس برونج قورباغا اؤدولونون قازانماسی

"Camerimage" دن

• باشقا ۶ نامزدلیک و باشقا ۱۳

اؤدول قازانماسی

گؤرونتولر

•