شابلون:ویکی‌پئدیا:هفته‌نین سئچیلمیش مقاله‌سی/36. هفته 2012
  یئرین تک دوغال اویدو، اویدوسودور (قمر طبیعی). گونش سیستمی ایچین‌ده بئشین‌جی بویوک دوغال اویدودور. دونیاایله آی آراسین‌دا اورتالاما مرکزدن مرکز اوزاق‌لیق ۳۸۴٫۴۰۳ کیلومئتر، یانی دونیانین چاپی‌نین یاقلاشیق اوتوز قاتی قدردیر. آیین چاپی ۳٫۴۷۴ کیلومئتردیر، بودا دونیا چاپی‌نین دوردده بیرین‌دن بیرآز چوخ‌دور. دولایی‌سی‌لا آیین حجمی دونیانین حجمی‌نین ۲%ایدیر. کوتله‌سی دونیا کوتله‌سین‌دن ۸۱،۳ قات دا‌ها دوشوک‌دور. سطحین‌ده کوتل چکیم ائتکیسی یئر چکیمی‌نین یاقلاشیق ۱۷%ایدیر. آی، دونیانین یورونگه‌سین‌ده بیر تورونو ۲۷،۷ گون‌ده تامام‌لار. دونیا، آی و گونش گئومئتری‌سین‌ده گورولن پئرییودیک دییش‌مه‌لر سونوجون‌دا هر ۲۹،۵ گون‌ده تکرار ائدن آیین ائوره‌لری اولوشور.
آی اینسان‌لارین اوزرین اینیش یاپاراق یورودوک‌لری تک گوک جیسمی‌دیر. یئر چکیمین‌دن قورتولوب اوزایا چیخان و آیین یاخینین‌دان گئچن ایلک یاپای نئسن سووئت‌لر بیرلییی‌نین لونا ۱ اویدوسودور. آی سطحی‌نین چارپان ایلک اینسان یاپی‌سی نئسن لونا ۲ اویدوسودور. نورمال‌دا گورون‌مه‌ین آیین اوته‌کی سطحی‌نین ایلک فوتوگراف‌لارینی ایسه لونا ۳ اویدوسو چکمیش‌دیر. بو اوچ اویدودا ۱۹۵۹ ایلین‌ده اوزایا گوندریل‌میش‌دیرلر. آی سطحی‌نین ایلک یوموشاق اینیش یاپابیلن اوزای آراجی لونا ۹ و آی یورونگه‌سینه گیرن ایلک اینسان‌سیز اوزای آراجی لونا ۱۰ دیر. بو ایکی اویدودا ۱۹۶۶دا اوزایا گوندریل‌میش‌دیرلر.آمئریکا بیرلش‌میش شیتات‌لاری‌‌نین آپوللو پروگرامی ۱۹۶۹ و ۱۹۷۲ ایل‌لری آراسین‌دا ۶ باشاریلی اینیش‌له، گونوموزه قدر اینسان‌لی گورولری باشاران تک اوزای پروگرامی‌دیر. آیین دوغوردان اینسان‌لار طرفین‌دن اینجلنمه‌سین آپوللو پروگرامی‌نین بیتیشی‌ایله سون وئریل‌میش‌دیر. . (آی...) |