شرودینقرین پیشیگی

ویکی‌پدیادان، آچیق بیلیک‌لیک‌دن
شرودینقرین پیشیگی: بیر پیشیک، شۆشه قابدا بیراز زهر و بیر رادیواکتیو ماده باغلی بیر قوتونون ایچینده یئرلشمیشلر. ایچریده‌کی سنسور (قایقر سایغاجی) رادیواکتیولیک (رادیواکتیو بیر اتومون پارچالانماسی) تشخیص وئریرسه، زهرین قابی چکیش ضربه‌سی ایله سیناجاق و زهر پیشیگی اؤلدوره‌جک. کوپنهاق یوْرومو آنلاتدیغی اساسدا، پیشیک عئینی زاماندا هم اؤلو و هم دیری دیر. آنجاق، کیمسه قوتونون ایچینه باخدیغیندا، پیشیگی عئینی زاماندا هم دیری و هم اؤلو گؤره‌بیلمه‌یه‌جک. بلکه پیشیگی اؤلو یوخسا دیری گؤره‌جکدیر. بو آزماییش "هاچان دقیقاً کوانتوم سوپرپوزیسیونو قورتاریر و احتیماللاردان فقط بیری گئرچگه چئویریلر؟" سوروسونو اوْرتایا آتیر.

شرودینقر'ین پیشیگی (اینگیلیسجه: Schrödinger's cat) اوْتریشلی فیزیکچی اروین شرودینقر طرفیندن اوْرتایا آتیلان و کوانتوم مکانیکی ایله ایلگیلی بیر دۆشونجه آزماییشی دیر. بو دۆشونجه آزماییشی کوانتوم سوپرپوزیسیونونون پارادوکسونو آنلاتماغا چالیشیر. بو آزماییشده، بیر تصادوفی اتوم‌آلتی اوْلایین ایتیفاق دۆشوب-دۆشمه‌مه‌سی سوْنوجوندا، بیر فرضی پیشیگین، عئینی زاماندا هم دیری و هم اؤلو اوْلابیله‌جگی آنلادیلیر.

شرودینقر بو آزماییشی 1935-جی ایلده[۱] آلبرت آینشتاین ایله گئچیردیگی موباحیثه‌نین نتیجه‌سینده اوْرتایا آتمیشدیر.[۲]

قایناقلار[دَییشدیر]

  1. ^ Schrödinger, Erwin (November 1935). "Die gegenwärtige Situation in der Quantenmechanik (The present situation in quantum mechanics)". Naturwissenschaften. 23 (48): 807–812. Bibcode:1935NW.....23..807S. doi:10.1007/BF01491891. S2CID 206795705.
  2. ^ Fine, Arthur. "The Einstein-Podolsky-Rosen Argument in Quantum Theory". Stanford Encyclopedia of Philosophy. Retrieved 11 June 2020.

 

داها چوخ اوخو[دَییشدیر]