ششه
ششه — تورک و تاتار میفولوژی‌سینده قولدور قوش. گئجه غئیب عالمیندن گلیب اوغلان اوشاغا ووراراق اؤلدورور و یا قاچیریر. گیردیگی ائوده‌کی اوشاق اؤلور. قیرخی چیخمامیش اوشاغین اوزریندن کئچدیگینده کؤرپه قاپقارا کسیلیب اؤلور. آلتی آیلیق اولمامیش اوشاغی ایسه دیمدیک‌لرییله اؤلدورر. اوشاق‌لارا بوغازلاریندان وورور. اونو توتان ششه آناسی و یا ششه آتاسی اولار. بئلجه دیگر ششه قوشلاری‌نین ضرر وئردیگی اوشاق‌لاری یاخشی‌لاشدیرار. یاراسا، ششه اولاراق بیلینر و اوندان چکینیلر. اوندان قورونماق اوچون ائشیک قاپی‌نین اوزرینه اؤلدورولموش یاراسا آسیلار. یاراسا قانادی ایله حامیله قادینا سو وئریلیر. یاراسا اؤلدورن کیمسه ششه آناسی اولاراق بیلینر.
اتیمولوژی
[دَییشدیر](شئش/شش/چئش) کؤکوندن تؤره‌میشدیر. اسکی تورکجه‌ده سوْجا/سوْیاو/سۆجؤ (موغولجا سوْژوْ/سوْجوس) سؤزلری ایینه، دیمدیک، بوینوز کیمی معنالارا گلیر. سۆکئ و شۆکئ سؤزلری ایسه کسکین آلت‌لری ایفاده ائتمکده ایستیفاده ائدیلر.
قایناق
[دَییشدیر]- Türk Əfsanə Sözlüyü, Dəniz Qaraqurd, Türkiyə, 2011, (OTRS: CC BY-SA 3.0) (türk.)
- Türk Mitolojisi Sözlüğü, Pınar Karaca (Şeşe) (türk.) Archived 2015-06-10 at the Wayback Machine.