شهر افسانه‌سی
شهر افسانه‌سی –(اینگیلیس.urban legend ویا urban myth) چاغداش اویدورما نؤوعو؛ آغیزدان آغیزا یاییلان و دوغرولوغو شوبهه دوغوران موعاصیر افسانه‌لره وئریلن آد. بئله حکایه‌لرین همیشه اویدورما (گئرچکلیکدن اوزاق) اولدوغونو سؤیله‌مک اولماز، آنجاق اونلار تحریف اولونموش، شیشیردیلمیش، هیجان قاتیلمیش حکایه‌لردیر. شهر افسانه‌لری نین حقیقته بنزه‌مه‌سی‌نین باشلیجا سببی، اونلارین آراشدیریلماسی و یوخلانیلماسی اوچون خوصوصی بیلیک‌لرین طلب اولونماسی‌دیر. لطیفه‌لردن اونونلا فرقله‌نیر کی، اونلارداکی یومور یوکو (اگر وارسا) حکایه‌نین اساس مقصدی دئییل. شایعه‌لردن فرقی ایسه، کونکرت اینسان‌لارلا باغلی اولماماسیندادیر. عادتاً، هانسیسا شخصین، نقل ائدنله آز علاقه‌لی اولان کیمسه‌نین، " ایش یولداشی‌نین قوهومونون تانیشی‌نین " و س. باشینا گلمیش حادیثه کیمی نقل اولونور. شهر افسانه‌سی شیفاهی اونسیتله، یاخود اینترنتله اؤتورولن موعاصیر فولکلورون بیر حیصه‌سی‌دیر. اونون یاییلماسیندا باشلیجا مقصد ایسه "دهشتلی تهلوکه" حاقیندا اینسان‌لاری خبردار ائتمکدیر.
قایناق
[دَییشدیر]- اسماعيل جلاللی (صادقوف)، " اينفورماتيکا ترمين‌لری‌نين ايضاحلی لوغتی " ، 2017، " باکی " نشرياتی، 996 ص.