شیخ شهاب الدین مجموعه سی
شیخ شهاب‌الدین اهری مقبره‌سی اهر شهرینده شرقی آذربایجان اوستانیندا یئرلشیب بو یئر اهرلی شیخ شهاب‌الدین محمودون خانقاهی و مقبره‌سی دیر. هابئله مجموعه خانقاه، مسجد، اوجا ائیوان، مناره‌لر و بیر نئچه غرفه تیکینتی‌لرین بیرلشمه‌سیندن اولوشوب. بو مجموعه ده 1374 جی شمسی ایلینده ادب و عرفان موزه‌سی یارادیلیب دیر.
بو مقبره صفویه دؤورونده و چوخلو گومانلار اساسیندا بیرینجی شاه عباس وقتی شیخ شهاب‌الدین اهری قبری اوستونده تیکیلیب آنجاق بیر سیرا آثارلار صفویه دن اونجه ایلخانی دئوریندن قالیر. شیخ شهاب الدین اهری مسجیدی، صحنین دوغو سمتینده تیکیلیب و دئمک بیر چوخلو گچبری و نقاشلیق تزئیناتی وار مسجدین دورد دوره دیوارلاری اوستونده بوتون ال یازمالار وار کی اونلارین آراسیندان شیخ بهایی، اوچونجی شاه عباس و هابئله ابوالقاسم نباتی‌نین ال یازمالاری تانینمیش دیر.[۱] بو مقبره‌نین بیر نئچه بولوم‌لری 1391 جی ایلین زلزله‌سینده زیان گؤرموش کی تزه‌دن سهمانلاماق حالیندا دیر.
گالئری
[دَییشدیر]-
شیخ شهاب‌الدین اهری کومپلکسیندن بیر گؤرونتو
قایناقلار
[دَییشدیر]- ^ شرح حال شیخ شهاب، موزه ادب و عرفان اهر، ۱۳۸۶