شینتوئیسم

ویکی‌پدیا، آچیق بیلیک‌لیک‌دن
پرش به ناوبری پرش به جستجو
شینتوئیسمین سمبولو

شینتوْئیسم، شینتوْ (ژاپونجا.神道، شینتوْ، «تانری لارین یولو») — ژاپونون عنعنه‌وی دینی. اسکی ژاپون‌لارین آنیمیست اینانج‌لارینا اساس‌لانیر و عیبادت اوبیئکت‌لری چوخ‌سایلی تانری‌لار و اؤلولولرین روحودور. سؤزون آنلامی ژاپونجا ایکی سؤزون بیرلشمه‌سیندن یارانمیشدیر. شین- تانری‌لار و یا روح‌لار، توْ ایسه یول دئمکدیر. بو دینین اینکیشافیندا بودیزمین بؤیوک تاثیری اولموشدور .  

  اسکی ژاپون‌لار اونلاری احاطه ائدن طبیعت حادیثهلری‌نین، بیتکی و حئیوان‌لارین، اؤلموش اجدادلاری‌نین روح‌لاری اولدوغونو دئییر، اونلارا پرستیش ائدیردیلر. اودور کی شینتوئیسمین کؤکلری چوخ اسکی‌لره دایانیر. شینتوئیسمده همچنین توتمیسم، آنیمیسم و دیگر ایبتیدایی دین‌لرین ده تاثیری آشکار شکیلده عکس اولونموشدور. تاریخ بویو شینتوئیسم داها چوخ بودیزم و کونفوسیوس‌چی‌لیگین ائتکی‌لرینه معروض قالمیشدیر.     

  بو دین کؤکلو یاپون دینی‌دیر و بوگونه‌دک بئله ده قالماقدادیر. حاضیردا ژاپون‌دا شینتوئیست‌لرین 80 مینه قدر معبدی، 119 میلیوندان آرتیق بو دینه اینانانی وار. ژاپوندان باشقا شینتوئیسم آنجاق هاوای‌دا و برزیل‌ده یاییلمیشدیر کی بو همین اراضی‌لرده یاپون کؤچمن‌لری‌نین چوخ اولماسی ایله ایلگیلی‌دیر. بو دین ژاپونون رسمی دینی اولموشدور. شینتوئیسمده اساس یئرلردن بیرینی ده، کامی‌لر اینانجی توتور. کامی‌لر حیات اوچون اؤنملی اولان کولک، یاغیش، آغاج، داغ، چای و برکت کیمی آنلامی وار. کامی‌لر اشیالارین شکلینی آلان موقدس روح کیمی دیلیمیزه چئوریله بیلیر. بعضی کامی بیر یئره عایید اولارکن، بعضی‌لری بؤیوک یئرلرین قورویوجو روحو اولور.

قایناق[دَییشدیر]

  • SSRİ dövründə rus dilinin təsiri ilə azərbaycandilli ədəbiyyatda yalnışlıqla "Şintoizm" və yapon dilində sözün "Şinto" şəklində tələffüz edildiyi yazılırdı, məs:ASE, VIII cild, Bakı, 1984-cü il, səhifə 452-də.