صولت الدوله قشقایی
| صولت الدوله قشقایی | |
|---|---|
 | |
| آد | صولت‌الدوله اسماعیل خان قشقایی |
| دوْغوم تاریخ | 1880(۱۲۵۷) فارس ایالتی، فیروزآباد- ایران |
| اؤلوم تاریخ | 1932 (۱۶ مهر ۱۳۱۱) تهران- قصر زیندانی |
| اؤلوم سببی | زینداندا قتله یئتیریلمیشدیر |
| میللیت | قاشقای تورکو |
| ایش | قاشقای ائلی‌نین ائلخانی - سیاستچی |
| حیات یوْلداشی | خدیجه بی بی |
| اۇشاقلاری | فرخ بی بی، مُلکی بی‌بی، محمد حسین خان، ملک منصور خان، ناصر خان، خسرو خان |
صولت‌الدوله اسماعیل خان دراب خان اوغلو قاشقای (فیروزآباد، فارس ایالتی، قاشقای ائلی، 1880 - 1932، تهران، قصر زیندانی) — قاشقای ائلی نین ائلخانی.
یاشاییشی
[دَییشدیر]هله 1905-1911-جی ایللر مشروطه اینقیلابینی دستکله‌ین قاشقای‌لار و اونلارین رهبری صولت‌الدوله بؤیوک باشاری‌لار الده ائتمیش، اؤز سیلاحلی قووّه لری ایله خالق انجومن‌لرینی و شیراز اهالیسینی عکس اینقیلابی قووّه‌لرین هوجوموندان مودافیعه ائتمیشلر. قاشقای‌لار 1.دونیا موحاریبه‌سی ایللرینده اینگیلیس موستملکه‌چی‌لرینه قارشی عوصیان ائدن تنگیستان و دشتیستان موجاهیدلرینه، فارس ایالتی‌نین دموکرات تشکیلات‌لارینا دا یاردیم گؤسترمیش، صولت‌الدوله‌نین رهبرلیگی آلتیندا فارس ایالتینی اینگیلیس ایشغالیندان خیلاص ائتمیش و حتّی 1920-جی ایلده اینگیلیس‌ین ایشغالچی قوشون‌لاری‌نین ایران اراضیسینی ترک ائتمه‌سینده موهوم رول اوینامیش و بونونلا دا ایران دئییلن مملکتین خالق‌لاری‌نین موباریزه‌سی تاریخینده سیلینمز ایزلر بوراخمیشدیر. هئچ تصادوفی دئییل کی، اینگیلیس‌لرین تحریکی ایله قاشقای‌لارین لیدری، وطنپرور قهرمان صولت‌الدوله اینگیلیس نؤکری رضا شاه طرفیندن 1932-جی ایلده قصر زیندانینا سالیناراق قتله یئتیریلمیشدیر.
عاییله‌سی
[دَییشدیر]اسماعیل خان خدیجه آدلی قادینلا عاییله قورموشدو. ناصر خان، ملک منصور خان ،محمدحسین خان، خسرو خان آدلی اوغلان‌لاری واردی.