علامه جعفری

ویکی‌پدیا، آچیق بیلیک‌لیک‌دن


علامه جعفری
Məhəmməd Təği Cəfəri.jpg
کیملیک
بوتون آد محمدتقی جعفری تبریزی
دوغوم تاریخی 1304
دوغوم یئری تبریز،
آتا-آناسی کریم جعفری تبریزی
سایت http://www.ostad-jafari.com/


علامه جعفری شهرتیله تانینان استاد شیخ محمدتقی جعفری (1304-1377) گؤرکملی فیلسوف، عالیم، فقیه و ادیب.

یاشاییشی[دَییشدیر]

علامه محمد تقی جعفری(ره) ۱۳۰۴-جو ایلده تبریزده دونیایا گؤز آچدی و تبریز، تهران، قوم و نجف اشرف شهرلرینده ایسلامی علملرین عالی تحصیلاتیندان سوْنرا بؤیوک عالیملرین محضرینده او جومله دن آیات عظام، میرزا فتاح شهیدی، شیخ محمدرضا تنکابنی، شیخ کاظم شیرازی، سید عبدالهادی شیرازی، سید ابوالقاسم خویی و سید محسن حکیم کیمی بؤیوکلردن فئیض آپاردی. ایندیه کیمی اوستادین اثرلریندن ۸۰ اثر چاپ اوْلونوب و اونلارین بعضیسی نین چاپی مثنوی شرحی کیمی کی ۱۵ جیلدده نئچه دفعه تجدید چاپ اوْلوب. هابئله اونلارین نیظارتی آلتیندا ۱۲ ایل بویوندا مولانا مثنویسی نین کشف الآیاتی ۴ جیلدده «دریادان دریایا» عونوانیندا یایلیبدیر.

اوستادین گؤرکملی اثرلریندن نهج البلاغه شرح و تفسیریدیر کی ۲۷ جیلدده چاپ اوْلوب. اوستاد جعفری نین آیری نفیس اثری مولانانین دوشونجه لری، شرق و غرب جهانبینی و فلسفه لری نن موقاییسه سی زمینه سینده دیر کی «مولانا و جهانبینی لر» عونوانیندا چاپ اوْلوب.

اینسان حاقلاری و اونون ایسلامدا اوْلان اینسان حاقلاری نن موقاییسه سینده، موفصّل و شرحلی کیتاب اوستادین قلمی اینن مونتشیر اوْلوب کی اونون تازا نظرلری ایسلامی کونفرانسدا مطرح و ایستیفاده اوْلوب. بۇ کیتاب اینگیلیسی دیلینه ترجومه و چاپ اوْلوب و ژاپونی دیلینه ده ناکویا دانیشگاهین اوستادلاری نین بیرینین الیله ترجومه اولماقدادیر.

اوستاددان ۶۰ دان آرتیق کیتابیدا هله چاپ اولماییب و گله جاقدا چاپ اولاجاق. کی بۇ ترتیب اینن چاپ اولمامیش اثرلری ۱۵۰ عونوان اولور. اوستادین کیتابلاری بۇ زمینه لرده دیلر: فیقه ، سیاسی علملر ، روانشیناسی، تربیتی علملر ، ایسلامی معاریف، ایسلامدا هونر و گؤزللیک نظریه سی، فلسفی و کلامی بحثلر کی دولودور تازا و بدیع نظریه لری نن.

دونیانین باشا باشیندان اونلارجا اوستاد و دوشونجه صاحیبلری اوستاد جعفری نن علمی موذاکره لری واریدی کی بۇ دانیشیقلارین ۵۰دن چوخو ۲ جیلد کیتابدا «دوشونجه لر تکاپوسو» آدیندا یاییلیب.

قایناقلار[دَییشدیر]