پرش به محتوا

قالیتیم (بیلگی سایار بیلیمی)

ویکی‌پدیادان، آچیق بیلیک‌لیک‌دن
بیر اوست کلاس‌دان الده ائدیلن بیر آلت کلاسین قالیتیم (وراثت) شماسی.

قالیتیم (اینگیلیسجه: inheritance)، بیر کلاسین اؤز آنا (اوست) کلاسیندان میراث آلماسیدیر. بعضی یازیلیم دیل‌لری عملده قاریشیقلیقلارا ندن اولدوغو اوچون یالنیز بیر سویه‌لی میراث آلماغا (اؤرنک اولاراق جاوا) ایذین وئریر. بو دیل‌لرده چوخلو قالیتیم یئرینه اینتئرفئیس (interface) آدلانان آبجکت‌لر قوللانیلا بیلر و چوخلو قالیتیمین وئردیغی اؤزللیک‌لر (خصوصیتلر) یان تأثیرلر اولمادان قوللانیلا بیلر. چوخلو قالیتیما امکان وئرن یازیلیم دیل‌لرینده ایسه بیر کلاسین بیردن چوخ کلاسدان بیرباشا میراث آلماسی مومکوندور. (c++ و c# کیمی دیل‌لرده اولدوغو کیمی).

گئچمیش[دَییشدیر]

۱۹۹۶-جی ایلده تونی هوارئه بیرلشمه‌لر، اؤزللیکله‌ده بیرلشمه‌لرین آلت کلاس‌لاری حاققیندا بیر نئچه فیکیر ایره‌لی سوردو. او، اونلاری اورتاق (مشترک) کمیت‌لره مالیک اولان، آنجاق بیر دییشن اتیکت ایله سئچیلن و دییشنلره اؤزل کمیت‌لری ایچه‌رن بیرلشمه‌لر کیمی تانیملادی. بوندان ایلهام‌لاناراق، ۱۹۶۷-جی ایلده اولئ-ژوهان داهل و کریستیان نیگارد فرقلی کلاس‌لارا عایید اولان، آنجاق موختلیف کمیت‌لره مالیک اولان آبجکت‌لرین معین‌لشدیریلمسینه ندن اولان بیر تاساریم اورتایا قویدولار. اورتاق کمیت‌لر داها یوکسک کلاس‌دا توپلانیر و یوخاری کلاس‌لار اؤزلری داها یوکسک کلاسا عایید اولا بیلیرلر. بو دورومدا، بیر آلت کلاسین ده‌یه‌رلری موختلیف اوست کلاس‌لارا عایید اولان ایسته‌نیلن ساییدا اؤن حیسه‌لری و آلت کلاسا عایید اولان آنا حیسه‌نی ایچه‌رن کومپوزیت آبجکت‌لر ایدی. بو فیکیر ایلک اولاراق سیمولا ۶۷ یازیلیم دیلینده حیاتا کئچیریلمیشدیر و سونرادان Smalltalk، C++، Java، Python و بیر چوخ باشقا دیل‌لره یاییلدی.

چئشیتلر[دَییشدیر]

تکلی قالیتیم (تکلی وراثت)
چوخلو قالیتیم (چوخلو وراثت)

پارادایم و یازیلیم دیلینه گؤره آیری-آیری چئشیتلر وار.

تکلی قالیتیم

آلت کلاس‌لار تک بیر سوپر کلاسین اؤزللیک‌لرینی میراث آلیر. بیر کلاس باشقا بیر کلاسین خصوصیتلرینه صاحیب اولور.

چوخلو قالیتیم

تک بیر کلاس بیردن چوخ سوپر کلاسا مالیک اولا بیلر و بوتون سوپر کلاس‌لاردان اؤزللیک میراث آلیر.

اتک یازیلار[دَییشدیر]

قایناقلار[دَییشدیر]

تورکیه تورکجه‌سی ویکی‌پدیاسی‌نین ایشلدنلری طرفیندن یارانمیش«Kalıtım (programlama)»، مقاله‌سیندن گؤتورولوبدور. (۲۶ مارس ۲۰۲۴ تاریخینده یوْخلانیلیبدیر).