قوردلار وادی‌سی
| قوردلار وادی‌سی | |
|---|---|
| یارادیجی | عثمان سیناو |
| اساس | قوردلار وادی‌سی (۲۰۰۳–۲۰۰۵) |
| مالیک | سینقراف (۲۰۰۳–۲۰۰۴) پانا فیلم (۲۰۰۴–۲۰۱۷) |
| یازیلی یایینلار | |
| کیتاب(لار) | قوردلار وادی‌سی اونودولماز سؤزلر - دیالوقلار (۲۰۰۵) |
| فیلم و تلویزیون | |
| فیلم(لر) | قوردلار وادی‌سی عراق (۲۰۰۶) قوردلار وادی‌سی قلادیو (۲۰۰۹) قوردلار وادی‌سی فیلیسطین (۲۰۱۱) قوردلار وادی‌سی وطن (۲۰۱۷) |
| تلویزیون سئریالی | قوردلار وادی‌سی (۲۰۰۳–۲۰۰۵) قوردلار وادی‌سی ترور (۲۰۰۷) قوردلار وادی‌سی پوسو (۲۰۰۷–۲۰۱۶) |
| آماتور چکیملر | قوردلار وادی‌سی بیاز (۲۰۰۹) |
| موزیک | |
| اساس موزیک | قوردلار وادی‌سی وول. ۱ (۲۰۰۴) قوردلار وادی‌سی وول. ۲ (۲۰۰۴) قوردلار وادی‌سی وول. ۳ (۲۰۰۹) |
| دیگر | |
| مربوط فیلملر و سئریاللار | مورو: لعنت اولسون ایچیمدکی اینسان سئوگی‌سینه (۲۰۰۸) |
| باش کاراکتر | پولاد علمدار (نجاتی شاشماز) |
| دۇروم | بللی دئییل |
| رسمی وئب‌سایت | |
| www.kurtlarvadisi.com www.kurtlarvadisipusu.com www.kurtlarvadisigladio.com | |
قوردلار وادی‌سی (آنادولو تورکجه‌سی: Kurtlar Vadisi)، عثمان سیناوین یاراتدیغی و راجی شاشمازین قلمه آلدیغی، تورکیه‌نین سیاسی قوْنولاری‌نی اله آلان تورک مافیا سئری‌سی دیر. سئری‌نین سئریال و فیلملرینده بیر چوْخ مشهور اوْیونچو اوْینامیشدیر.
موزیکلری‌نین چوْخو گؤکهان کیردار طرفیندن یاپیلمیشدیر. سئری‌نین ایلک ۵۵ بؤلومونده یاپیمجی و یؤنتمن عثمان سیناو، ۵۶-۹۷ بؤلوملری آراسیندا یاپیمجی راجی شاشماز، یؤنتمن مقامینا ایسه سردار آکار اوتورموشدور. ۹۷-جی بؤلومده کی فینالدان سوْنرا قوردلار وادی‌سی ترور آدی ایله ۲ بؤلوم ایزله‌ییجی قارشی‌سینا چیخمیشدیر. بۇ سئریالین یاییندان قالدیریلماسی سوْنراسی قوردلار وادی‌سی پوسو آدلی سئریال ایله ۳۰۰ بؤلوم بوْیونجا ایزله‌ییجی قارشی‌سینا چیخمیشدیر. ۲۰۱۳-جو ایلده شاشماز قارداشلاری‌نین آنلاشماماسی نتیجه‌سینده راجی شاشماز و باهادیر اؤزدنر، سئریالین سناریستلیگی و یاپیمجیلیغیندان ایستیعفا ائتمیشدیر. یئرلرینه داها تجروبه‌سیز اوْلان جاهید کایااوغلو کیمی شخصلر گتیریلمیش و بۇنون نتیجه‌سینده ریتینقلر دۆشمه‌گه باشلامیشدیر. قوردلار وادی‌سی پوسونون سوْن بؤلومو اوْلان ۳۰۰-جو بؤلومده ریتینقلر ۴لره قدر دۆشموشدور. سئری‌نین سوْنا چاتماسیندان ۱ ایل سوْنرا ت‌رت ۱ ده یایینلانان قوردلار وادی‌سی وطن فیلمی ایسه ۵٫۴۳ ریتینق آلمیشدیر.[۱] ان چوْخ ریتینق آلان سئریال بؤلوملری ۲۳ ریتینق خالی ایله قوردلار وادی‌سی‌نین فینالی اوْلان ۹۷-جی بؤلوم و ۲۵٫۴۳ ریتینق ایله قوردلار وادی‌سی پوسونون ۴۵-جی بؤلومودور. سئری؛ قوردلار وادی‌سی‌نین ایلک مؤوسومو بوْئونجا اودگونو گۆنلری، دیگر تام مؤوسوملاردا و سئریاللاردا ایسه سوگونو گۆنلری یایینلانمیشدیر. سئری‌نین توْپلام ۳۹۹ بؤلوملو ۳ تلویزیون سئریالی‌نین یانی سیرا سئریالا عایید ۴ سینما فیلمی، ۱ آماتور فیلمی چکیلمیش و ۱ کیتاب یازیلمیشدیر.