قوردی دویونو

ویکی‌پدیا، آچیق بیلیک‌لیک‌دن
پرش به ناوبری پرش به جستجو
مقدونیه‌لی اسکندر قوری دویونونو چؤزور.

 قوْردی دۆیۆنۆ— افسانه‌یه گؤره فینیقیه دؤولتی‌نین حؤکمداری قوْردیون طرفیندن وورولموش موشکول بیر دویون اولوب مقدونیه‌لی اسگندر طرفیندن چؤزولموشدور. بورادان دا مجازی معنادا  " قوْردی دۆیۆنۆنون آچیلماسی "  ایفاده سی مئیدانا گلمیشدیر. 

  روایته گؤره فینیقیه‌ده  زئوس معبدی‌نین کاهینی خبر وئریر کی، ایلک کیم شهر قاپیسیندان ایچری داخیل اولارسا، او دا اؤلکه‌نین ان مؤحتشم حؤکمداری اولاجاقدیر. شهره ایلک اؤز آراباسیندا نامعلوم کندلی قوْردیون داخیل اولور و اونو فینیقیه حؤکمداری اعلان ائدیرلر. بو حادیثه یه شوکران‌لیغینی بیلدیرمک اوچون قوردیون اؤز آراباسینی زئوس معبدینه بخشیش ائدیر. قوردون اؤز آراباسینی زوغال آغاجی‌نین لیف‌لریندن حاضیرلانمیش کندیرله معبدین قوربانگاهینا باغلایاراق ائله دویون وورور کی، اونو هئچ کیم آچا بیلمه‌سین. بونو گؤرن کاهین بیان ائدیر کی، بو دویونو آچان کس بوتون آسیایا صاحیب اولاجاقدیر. آسیانی اؤزونه بیرلشدیریب بؤیوک بیر ایمپراتورلوق قوراجاقدیر. 

  بئله کی، فینیقیه‌نین پایتاختینی فتح ائدن بؤیوک سرکرده مقدونیه‌لی اسکندر معبده داخیل اولاراق قیلینجی ایله دویونو سؤکوب آتیر. کاهین بونا بئله بیر معنا وئریر: 

" او، جاهانا صاحیب اولاجاق! آما سیاست (دیپلوماسی) ایله دئییل، قیلینج گوجونه".