منجوان بؤلومو
Minjavan District
منجوان بؤلومو | |
|---|---|
بؤلوم | |
 عاشیقلینین اطراف چیفتلیکلری نین یازلی گؤرکمی. |
منجوان بؤلومو یا دا مینجاوان بؤلومو، دوغو آذربایجان اوستانینین بؤلوملریندن دیر کی خوداآفرین بؤلگه‌سینده یئرلشیبدیر. بو بؤلومون مرکزی عاشیقلی کندی دیر. بو بؤلومون شهری یوخدور و اوچ قصبه دن عیبارتدیر، دوغو دیزمار قصبه‌سی، دوغو منجوان قصبه‌سی، باتی منجوان قصبه‌سی، منجوان بؤلومونون قصبه لرین تشکیل وئریرلر.
جمعیت[دَییشدیر]
بو بؤلومون جمعیتی ۲۰۰۶-اینجی میلادی ایلین آمار ساییسی اساسیندا ۱۲۹۹۳ نفر ۲۹۴۸ عائیله ده ایمیش.[۱] بیر آمار ساییسی ۱۳۹۰-گونشلی ایلینده بؤلومون جمعیتین ۱۲۵۲۴ نفر اعلام ائدیب کی ۷۹ کندده ساکین دیلار. بوندان علاوه ، ۲۲ کندده ایندیه جان بوشالیبلار و متروکه اولوبلار.[۲]
تاریخچه[دَییشدیر]
دهخودا لوغت‌نامه‌سی، ایرانین جوغرافیایی فرهنگی نین دؤردونجو جیلدینه ایستیناد ائدرکن،[۳] منجوان بؤلومونون وضعیتینه گؤره ۱۳۲۰ گونشلی ایلینده بئله یازیر، منجوان تبریز بؤلگه‌سی نین خوداآفرین بؤلگه‌سینده‌کی ایکی قصبه‌دن بیری دیر. بو قصبه اهرین قوزئی باتی قیسمتینده یئرلشیبدیر و قوزئی دن آراز چایینا، گونئی دن حسن‌آباد قصبه‌سینه مئشه پارا، دوغودان کیوان قصبه‌سینه و باتی دان دوغو دیزمار قصبه‌سینه و آراز چایینا محدود اولور. هاواسی قوزئی قیسمتده ایستی و گونئی قیسمتینده معتدل ایستیه مایل دیر. بو قصبه‌ده‌کی کندلرین چوخونلوغو کلیبر، قره سو و ایلفنا چایلاریندان ایستیفاده ائدیرلر. بو قصبه ۶۳ بؤیوک و کیچیک کنددن تشکیل تاپیبدیر و جمعیتی ۸۴۶۴ نفر حودودوندا دیر. ان اؤنملی قرای لاریندان: ستان، عاشیقلی، داش‌باشی و جانانلی دن آد آپارا بیلریک.[۴]
باشباخانلار هیئتی ۱۳/۹/۸۹ تاریخین موصوبه سینده منجوان بؤلومونون تأسیس اولونماقین عاشیقلی کندینین مرکزیتیله تصویب ائتدی.[۵]
قایناقلار[دَییشدیر]
- ^ "ایران نفوس ساییسی، ۱۳۸۵ (۲۰۰۶)". ایران. 2011-11-11-ده اوریجنال (اکسل)-دن آرشیولشدیریلمیشدیر.
- ^ "archive copy". 2015-12-22-ده اوریجنال-دن آرشیولشدیریلمیشدیر. 2018-09-25-ده یوخلانیب.
{{cite web}}: CS1 maint: archived copy as title (link) - ^ فرهنگ جغرافیایی ایران، آبادیها، زیر نظر حسینعلی رزم آرا، تهران: سازمان جغرافیایی کشور، ۱۳۲۹، ج ۴
- ^ "archive copy". 2014-03-06-ده اوریجنال-دن آرشیولشدیریلمیشدیر. 2018-09-25-ده یوخلانیب.
{{cite web}}: CS1 maint: archived copy as title (link) - ^ "archive copy". 2014-03-06-ده اوریجنال-دن آرشیولشدیریلمیشدیر. 2018-09-25-ده یوخلانیب.
{{cite web}}: CS1 maint: archived copy as title (link)
