موریس وست

ویکی‌پدیا، آچیق بیلیک‌لیک‌دن
پرش به ناوبری پرش به جستجو

موریس وست (دوغوم: 29 آوریل 1916، اؤلوم: 9 اوکتوبر 1999) اوسترالیالی یازیچی.

یاشاییش و یاراداجیلیق[دَییشدیر]

موریس وست، اوسترالیالی یازیچی، 1916-جی ایلده ملبورن شهرینده دونیایا گلدی. تحصیلاتین ملبورن و تاسمانی شهرلرینده بیتیردی. تاسمانی شهری‌نین عالی اوخوللاریندا، یئددی ایل عرضینده، اینیگیلسجه، فرانسه‌جه و اوروپا ادبیاتی تاریخی قونولاریندا درس دئدی.

ایکینجی دونیا ساواشیندا، دنیز قووه‌لری سوتوانی کیمی خیدمته گیردی و 1943-جو ایله‌جن خیدمت ائتدی. بو تاریخده اوسترالیانین باش ناظیری، ویلیام موریس هوگ-ون مونشیسی کیمی سئچیلدی.

بیر ایلدن سونرا ملبورن شهری‌نین اصلی رادیو دوراغی‌نین سوروملوسو اونا تاپشیریلدی. او سونرالار اوسترالیانین رادیو ضبط و یاییمی قونوسوندا ان بویوک انجومنین قوروجولاریندان اولدو. 1954-جی ایل بو انجومنیین سوروملولوگون عوهده‌سینه آلدی و اینگیلیسجه اولان نوماییشنامه‌لرینی رادیویی نوماییشنامه‌کیمی تقدیم ائتمکله بویوک اوغورلار قازاندی.

1956-جی ایلده موریس وست یازیچیلیق ایشینه باشلادی و ایکی ایلده یئددی داستان و نوماییشنامه یازدی و بویوک شوهرت قازاندی. "شئیطانین وکیلی" کیتابین 1959-جو ایلده یایدی. بو کیتاب اوخوجولار و اینتیقادچیلار طرفیندن گئنیش صورتده آلیندی و ایکی ایل عرضینده اوچ میلیون ساتیشی اولدو.

حال حاضیردا موریس وست-ین ایگیرمیدن چوخ اثری واردیر.[۱]

قایناقلار[دَییشدیر]

  1. وکیل شیطان کیتابی، موریس وست، فارسجایا چئورین: ماه منیر مینوی، بهجت یایین ائوی، تهران 1388