میرزا طاهر تبریزی
میرزا طاهر خوشنویس یا میرزا طاهر تبریزی (دوغوم:1267ش تبریز؛ اؤلوم:1355ش تهران). عبدالرحمان اوغلو میرزا طاهر تبریزی، تبریز شهرینده آنادان اولدو. سونرا آدلیم نسخ یازانلاردان اولدو. او چوخلو قورآن و باشقا مذهب کیتابلارین خوش خط ایله تحریر ائدره ک، میرزا طاهر خوشنویس آدی ایله مشهور اولدو.نسخدن باشقا نستعلیق و سینیخ نستعلیق خط لرینده اوستادایدی.قالارلی و آدلیم اثرلریندن بؤیوک قورآن لا دیلمانجی نین خطاطلیغی و فیض الاسلام تفسیری نین خولاصه سی دیر.بو قورآنین متنی نسخ و دیلمانجی نین نستعلیق خط ایله یازیب.
چوخ ساییدا قورآنلارین خطاطلیقیندا باشقا ، نهج البلاغه، صحیفه سجادیه، منتهی الامال، و معالم الاصول کیمی علمیه حوزه سی نین بیر نئچه درسلیک کیتابینی دا گؤزل خطی ایله یازمیشدیر.
طاهر یئددی یاشیندا تحصیلاتینی ایلکن اؤز آتاسی نین یانیندا قورآن اوخوماقلا باشلادی.سونرا صرف و نحو علمینی اؤیرئندی.و خطاطلیغا چوخلو ماراق گوستریب و چوخلو تمرین ائدیب و اوستادسیز و موعلیم سیز خطاطلیغین اوصل و قایدالارینی اؤیرئندی.
9 یاشیندا بیرینجی خطی کیتابینی چاپا وئردی.1283نجی ایلده بیرینجی قورآن کیتابی نین خطاطلیغین 13 یاشیندا ایلکن باشلادی.بو قورآنین یازیلماسی دؤرد ایللر زمان آپاردی.مشروطه اینقیلابیندا 17 یاشلی طاهر خط تعلیم وئرمک اۆچون فیوضات مدرسه سی رشدیه مدرسه سی و مموریال مدرسه سینه دعوت اولوندو.
1332 نجی ایلده حیدر بابایه سلام اوستاد شهریارین منظومه سی میرزا طاهر خوشنویسین خطی ایله چاپ اولوب و اؤلکه ده یاییلیب. میرزا طاهر خوشنویش 15 ایل میلی مدرسه لرده خدمت ائتدی. 35 ایل اولاراق تبریز مدرسه لرینده خطاطلیف هونرینی اؤیرتدی. 1349 نجی شمسی ایلینده تهرانا کؤچوب عمرون سونونا قدر تهراندا یاشادی. 1355نجی ایلده حیاتینی ده‌ییشدی. تهرانین بهشت زهرا مزارلیغیندا قویلانسادا 29 ایل سونرا مزاری تبریزین مقبرة الشعراسینا کؤچوروله‌رک بۇ مکاندا توپراغا تاپشیریلدی.
قایناق
[دَییشدیر]- تبریز بلدیه سی طرفیندن یازیلان کتیبه داغ گؤلونه عاید