هفتوان تپه
هفتوان تپه –آذربایجان اراضی‌سینده، اورمیه گؤلو یاخین‌لیغیندا، سلماس شهری‌نین یئرلشیر. هفتوان‌تپه‌ده آرکولوژی قازینتیلار ج.بارنئی طرفیندن آپاریلمیشدیر. تدقیقات‌لار نتیجه‌سینده میلاددان قاباق اوچ مین‌ایل‌لیکدن باشالامیش اورتا عصرلر دؤورونه کیمی تاریخی کسیمی احاطه ائدن یئددی دؤور موعین‌لشدیریلمیشدیر
طبقه لرین آردیجیل‌لیغی خیردا ساپمالار نظره آلینمازسا حسنلی‌تپه اوچون قبول ائدیلمیش دؤورلرله اویغون گلیر.
هفتوان‌تپه بئش دؤورو سیخ تیکینتی فعالیتینی اوزه چیخاریر. بینالاردان بوز گیل معمولاتیندان و اؤزوندن اوّلکی عنعنه‌لری عوض ائتدیرن قیرمیزی گیل معمولاتیندان عیبارت سیرامیک تاپیلمیشدیر. اونلار ایری ساخلانج کوپلریندن، بوغازی و یا لولگی آچیق قابلاردان عیبارت‌دیر. قابلار دالغاواری خط‌لر و یا اوچ‌بوجاقلی‌لارلا بزه‌دیلمیشدیر.
اساس تیکیلی‌لر تپه‌نین باشیندا (ج.بارنئی اونلاری اورارتو دؤورونه عایید ائدیر) ائله‌جه ده اونون آلتیندا دؤرد دؤور طبقه‌سینده‌دیر. میلاددان قاباق 9-8. عصرلره عایید ائدیلن بیر نئچه قبیر سونونجو دؤوره مخصوص‌دور. اوزون تونج زنجیرلر، مونجوق‌لار و " چایدان " تیپلی قابلار حسنلی دؤرد دؤورو ایله سیخ علاقه‌لری اورتایا چیخاریر.
قایناق‌لار
[دَییشدیر]- س.قاشقای. ماننا تاریخی. باکی: 1993،
- ج.آ.بورنئی. هفتوان‌تپه. 1967،
- C.A.Burney. Excavation at Haftavantepe. 1968,