هوشنگ آذراوغلو
هوشنگ آذراوغلو (۱۳۱۷ بندرانزلی - ۱۳۹۸ اورمو) موسیقیچی، موغننی، تورکییه نین آلتین کله بک (آلتین کپه نک) اؤدولونو قازانان ایلک آذربایجانلی، سینما و تییاترو اویونچوسو، ایران میللی تاخیمینین گولشچیسی ایدی.گنج یاشلاریندا آنا-آتاسینی الدن وئره رک تهرانا کؤچدو. سونرالار ایستانبولا کؤچوب تورکییه نین دئولت رادیو تیلویزییاسیندا ایشه باشلادی. ان آدلیم اثری علی سلیمی نین بسته له دییی «سیزه سلام گتیرمیشم» ماهنیسیدیر. آذربایجانیمیزین بو ایفتیخاری عؤمرونون سون ایللرینی اورمو شهرینده سوواراق 1398-جی ایلین خورداد آیینین 29-ندا دونیاسینی دییشدی.