ویکی‌پدیا:ایداره‌چی قایدالاری
ویکی‌پئديا ایستیفاده‌چیلرینه ياردیم ائتمک، مقاله مؤلفلری‌نین ایشینین تشکیلینی حیاتا کئچیرمکدیر. ایداره‌چی بیرده، ایستیفاده‌چیلرین مقاله‌لری تعیین اولونموش قايدالار اساسیندا ياراتمالارینا نظارت ائدیر، عینی قونولو و آنلامسیز مقاله‌لرین يارادیلماسی‌نین قارشیسینی آلیر.
ایداره‌چی دورومونا عریضه — يالنیز سس وئرمه ایختیيارینا مالیک، تجروبه‌لی ایستیفاده‌چی طرفیندن تقدیم ائدیله بیلر.ایستیفاده‌چی دورومونا عریضه تقدیم ائتمکله ایستیفاده‌چی ویکی‌پئدياداکی عومومی فعالیتی ایله ياناشی سس وئرمه زامانی قايدا-قوُرالا نظارت ائتمه‌گی، تئکنیکی دستک وئرمه‌گی و ياراناجاق موباهیسه‌لری ویکی‌پئديا قايدالارینا اويغون حل ائتمه‌گی اؤز اؤهده‌سینه گؤتورموش اولور.
ایداره‌چیلرین گونده‌لیک گؤرمه‌لی اولدوقلاری ایشلر
[دَییشدیر]ایداره‌چیلیک دورومونا ویکی‌پئدياداکی فعالیته گؤره وئریلمیش موکافات کیمی باخماق اولماز. ایداره‌چی "ویکی‌پئديانین فخری ایستیفاده‌چیسی" دئيیل.
ایداره‌چی ایلک نؤوبه‌ده ویکی‌پئديايا خیدمت ائتمک وظیفه‌‌سینی اؤهده‌سینه گؤتورموش ایستیفاده‌چیدیر:
- . ایداره‌چیلر سون ديَیشیکلیکلر صحیفه‌‌سینی تئز-تئز يوخلامالیدیرلار. بونونلا اونلار يئنی واندالیزم فعالیتلرینی آشکار ائده و لازیمسیز مقاله‌لری سیله بیلرلر.
- . ایداره‌چیلر تئز-تئز سیلینه‌جک مقاله‌لر صحیفه‌‌سینی يوخلامالی و سیلینمه‌سی تکلیف اولونان مقاله‌لری يوخلاياراق سیلمه‌لی و يا ساخلامالی، قايدايا سالمالیدیرلار.
- . ایداره‌چیلر تئز-تئز قورولونان صحیفه‌‌لرین دانیشیق صحیفه‌‌لرینی يوخلامالی و اورادا يازیلان تکلیف و يا ایرادلارا جاواب وئرمه‌لیدیرلر.
- . ایداره‌چیلر تئز-تئز قارالاما حالیندا اولان مقاله‌لری يوخلامالی، مومکون اولدوقجا اونلاری قايدايا سالمالی و بونونلا دا قارالاما بؤلمه‌لرینن سیياهیسینی آزالتمالیدیرلار.
- . ایداره‌چیلر ویکیپئدیيانین بوتون خیدمتلری‌نین نورمال ایشینی تعمین ائتمه‌لی، دانیشیق‌لار زامانی باش وئرن موباهیسه‌لری ویکیپئدیيا قايدالارینا اويغون اولاراق حل ائتمه‌لیدیرلر.
يئنی ایداره‌چیلره مصلحتلر
[دَییشدیر]- . سیزه ایداره‌چیلیک تکلیف اولونورسا، ایلک نؤوبه‌ده فیکیرلشین - بو سیزه لازیمدیرمی؟ نظره آلین کی، ایداره‌چیلیک بؤيوک امک و واخت طلب ائدیر. ایداره‌چی آیری ایستیفاده‌چیلردن فرقلی اولاراق ویکی‌پئديادا داها چوخ واخت کئچیرمه‌لی و بوتون واجیب دانیشیق‌لاردا و سس وئرمه‌لرده ایشتیراک ائتمه‌لیدیر.
- . بیر ایداره‌چی عینی زاماندا بوتون ایشلری گؤره بیلمز: هم مقاله دَییشسین، يوکله‌نن شکیللری نظارتده ساخلاسین، شابلون ياراتسین، بیرده باش وئرن موباهیسه‌لرین حل اولونماسیندا ایشتیراک ائتسین. اودور کی، ایداره‌چیلیگه باشلامازدان اول ایلک نؤوبه‌ده هانسی ایشلری گؤره‌جه‌يینیزی پلانلاشدیرین.
- . بوش مقاله‌لر و بؤلمه‌لر ياراتمايین، ایستیفاده‌چیلره ایستئهزالی سؤزلر يازمايین. اونوتمايین کی، آیری ایستیفاده‌چیلر سیزدن نومونه گؤتورورلر.
- . فعالیتینیزده سربست اولون، هئچ کیمین تأثیری آلتینا دوشمه‌گین و کیمینسه خوشونا گلمه‌يه چالیشمايین. اونوتمايین کی، فعال ایستیفاده‌چیلر ویکی‌پئديادا باش وئرنلری و بوتون دانیشیق‌لاری ایزله‌يیرلر.
ویکیپئدیيا ایستیفاده‌چیلرینه موناسیبت
[دَییشدیر]- . ایداره‌چی ایستیفاده‌چیيه مراجعت ائدرکن رسمی و ائتیک قايدالاری گؤزله‌مه‌لیدیر. مراجعت ائله اولمالیدیر کی، ایستیفاده‌چی اؤزونو تحقیر اولونموش و يا لازیمسیز حیسس ائتمه‌سین، عکسینه اونون ویکیپئدیيادا مقاله ياراتماسینا و رئداکته‌لرینه شاد اولدوقلارینی حیسس ائتسین.
- . ایداره‌چیلر ویکیپئدیيا قايدالارینا هر زامان ریايت ائتمه‌لی و آیری ایستیفاده‌چیلره نومونه اولمالیدیرلار.
- . يئنی ایستیفاده‌چیلردن بوتون قايدالارا و مقاله ياراتما اصوللارینا ریايت ائتميی طلب ائتمک دوزگون دئيیل. يالنیز موعيين تجروبه‌سی اولان و ویکیپئدیيا جمعیتینده آرتیق تانینان ایستیفاده‌چیلردن مقاله‌لری اینتئرویکی، کاتئقوریيا و بؤلمه‌لر عذره يارادیلمالارینی طلب ائتمک اولار.
- . ایداره‌چی ایستیفاده‌چی ایله دانیشیق آپارارکن صبرلی اولمالیدیر. هر هانسی قرار قبول ائتمزدن اؤنجه قايدالاری بیر داها نظردن کئچیرمه‌لیدیر.
- . ایداره‌چی‌نین ویکیپئدیيا قايدالارینی بیلمه‌سی و بو قايدالار اساسیندا فعالیت گؤسترمه‌سی مجبوریدیر.
- . ایداره‌چی شخصاً اونا اولونان مراجعتلره، ياخین # گون عرضینده موناسیبت بیلدیرمه‌لیدیر. ایداره‌چی سواللاری جاوابلاندیرا بیلمکده چتینلیک چکیرسه، بو باره‌ده قارشی طرفه معلومات وئرمه‌لیدیر. يالنیز مراجعتلرده ائتیک قايدالارین پوزولماسی حاللاری اولدوقدا ایداره‌چی جاواب وئرمه‌يه بیلر. ایداره‌چی قئيد اولونان مدت عرضینده آکتیو دئيیلسه، آکتیو ایداره‌چیلر ایمکان داخیلینده همین مراجعتلری جاوابلاندیرمالیدیرلار.
- . بضا ایستیفاده‌چیلرین سواللاری هئچ بیر معنا کسب ائتمیر. بو زامان ایداره‌چی سوالین دوزگون وئریلمه‌دیگینی ایستیفاده‌چیيه بیلدیرمه‌لی، موباهیسه‌يه سبب اولا بیله‌جک عومومی سواللاری اؤزو جاوابلاندیرمالیدیر. سوال و يا شرح تخریبات کاراکتئرلیدیرسه ایداره‌چیيه بو سوالی سیلمک ایختیياری وئریلیر.
- . ایداره‌چی هر هانسی موباهیسه‌لی مسئله‌‌ده و يا سسوئرمه‌ده بوتون فعال ایستیفاده‌چیلرین دانیشیق صحیفه‌‌لرینه داخیل اولاراق تبلیغات آپارمامالیدیر. تبلیغاتدان سپاما بیر آددیمدیر. سپامی ایسه اینسانلار خوشلامیرلار.
ایستیفاده‌چی‌نین بلوکلانماسی
[دَییشدیر]- ویکیپئدیيا قايدالارینی پوزان، واندالیزمله مشغول اولان ایستیفاده‌چی بلوکلاما قايدالارینا مووافیق اولاراق يا درحال بلوکلانمالی، يا دا اونا سهوینی گؤسترمکله بلوکلانماسی‌نین مومکونلويو حاقیندا خبردارلیق ائدیلمه‌لیدیر. خبردارلیغا محل قويماياراق واندالیزمی داوام ائتدیرن ایستیفاده‌چی ایداره‌چی‌نین تعیین ائتدیگی مدته بلوکلانا بیلر.
- ایداره‌چی هر-هانسی ایستیفاده‌چینی بلوکلايارکن اونون دانیشیق صحیفه‌‌سینده بلوک سببینی و مدتینی يازمالیدیر! بو يازی ایستیفاده‌چی‌نین فعالیتی‌نین شفافلیغینی تعمین ائدر، عینی زاماندا آیری ایستیفاده‌چیلر بلوکلامانین سببینی تحلیل ائده‌رک گله‌جکده بو جور فعالیتدن چکینرلر.
شیکايت ایله قارشی
[دَییشدیر]اگرکی فیکر ائدیرسیز بیر ایداره‌چی سیز‌له یا آیری بیر ایستیفاده‌چی له موناسیب اوزه گلمیب سون دفعه همان ایدارچی‌یله دانیشیب و موشکولی آرادان گوتورون،اگر موشکول آرادان گوتورولمدی ایدارچی باش‌وورما‌لارینا موراجعت ائدین . ak:Wikipedia:Administrators