ویکی‌پدیا:ایداره‌چی ایستاتوسونا عریضه‌لر/Ziraksima
- آشاغیداکی سس وئرمه و بونونلا ایلگیلی دانیشیق دایاندیریلمیشدیر. خواهیش اولونور دَییشدیرمه ائتمه‌يه‌سینیز . آیری دانیشیقلار آیری صفحه‌‌لرده آپاریلمالیدیر .
Ziraksima (دانیشیق • چالیشمالار • یوْللاندیرمالار • باغلانسین • باغلانمالار • ایشلدن حاقلاری • آمار • پیشرفته آمار)
عزیز و حؤرمتلی ایشلدنلر
- حؤرمتلی یوْلداشلار و ایندیکی حؤرمتلی ایداره‌چی‌لر (Alp Er Tunqa، Amir a57، E THP و M.XIII)، سس وئرمه اۆچون سیزدن تشکور ائدیرم ، لؤطفا سوال یا باخیشینیزی منه بیلیدرمکدن چکینمه‌ین.Ziraksima (دانیشیق) ۱۱ سپتامبر ۲۰۲۱، ساعت ۰۸:۲۱ (UTC)
یاناشی (Support)
یاناشی.
- یاناشی.--Salman.oglu (دانیشیق) ۱۱ سپتامبر ۲۰۲۱، ساعت ۱۷:۲۲ (UTC)
- یاناشی.--Aymara93 (دانیشیق) ۱۲ سپتامبر ۲۰۲۱، ساعت ۱۴:۴۸ (UTC)
- یاناشی. Temporarily for six months --آلپ ار تونقا✉ ۱۳ سپتامبر ۲۰۲۱، ساعت ۰۴:۵۷ (UTC)
- یاناشی.Trkgs (دانیشیق) ۱۳ سپتامبر ۲۰۲۱، ساعت ۱۰:۴۵ (UTC)
- یاناشی --Bitim✉ (دانیشیق) ۱۵ سپتامبر ۲۰۲۱، ساعت ۱۵:۴۱ (UTC)
قارشی (Oppose)
قارشی.
باخیشلار (comments)
Ziraksima بی
سوال: بیر های سالان ایشلدن کیمه دئییلیر و قاباغیندا بیر ایداره‌چی اولاراق نه ایش گوره بیلرسینیز؟— بو ایمضاسیز یازی Alp Er Tunqa (دانیشیق • چالیشمالار) طرفیندن آرتیریلمیش‌دیر.
جاواب: های سالماقین موناسیب و غئیرموناسیب وضعیتی بیری-بیریندن فرقلی دیر: گئنیش جمعی پیام یازما، چاغیرما، سس‌ییغما، گیزلی های‌سالما و هدفلی یوخلاما غئیرموناسیب هایسالمالارین نووعلاریندان اولابیلر. مخصوص شرایطده محدود و طرفسیز پیام‌لار ایرادسیز دیر. عمومیتده، بیر کامیل توافوقا چاتماق اوچون آیری ایشلدنلری موذاکیریه چاغیرماق، خبردار اتماق و داها چوخ ایشلدنلرین ایشتیراکین الماق مقبولدور. اما اگر بیر مووضوع باره سینده دانیشیق اولوب و نتیجه‌سی دانیشیق باشلینین مقبولو اولماسا، و او نفر تازادان همان دانیشیقدان اوز مقبول نظرین آلماق اوچون باشقا ایشلدنلره پیام گوندریب و تازادان او دانیشیقی اوز طرفینده اولان ایشلدنلریله قاباقا آپارا، بو ایش غئیر موناسیب های سالماق حساب اولور. بیر ایشلدن های سالماق ایسته‌سه، اونون اوزونه گوره یولو وار. و یاخشی‌سی بودور کی آیدین و ادبلی اولسون و دانیشیقداکی سوزلری ایشلدنلرین دانیشیق صفحه‌سینده تیکرار ائتمه‌سین و های سالماق اوچون روباتلاردان فایدالانماسین. اما بوتون ایشلدنلر مومکوندور کی بو باره‌ده قانونلاری روعایت ائتمسینلر. اولارین قاباقین آلماق اوچون یاخشی‌سی بودور کی ادب ایله اولارینان دانیشاق و قانونلار باره‌سینده اولارا تذکور یازاخ. اگر داها بو تذکوره قولاق وئرمسه‌لر، حسابلارین باغلاماق اولار... اما منیم نظریمه ایکینجی تذکورده لازیم دیر.Ziraksima (دانیشیق) ۱۲ سپتامبر ۲۰۲۱، ساعت ۲۰:۱۲ (UTC)
سوال: بیر ایشلدنین دانیشیق صفحه‌سینده بیر پیام قویاندا اونو پینگ ائتمگه احتیاج واردیر یوخسا یوخ؟ ندن؟— بو ایمضاسیز یازی Alp Er Tunqa (دانیشیق • چالیشمالار) طرفیندن آرتیریلمیش‌دیر.
جاواب:چوخ گوزل و داها عقیللی بیر شابلون {{پینگ}} دیر. بو شابلون پیام یولاماق سیستیمی دیر و چوخ ساده و گئچرلی بیر شابلوندو.
ایشلدنلرین دانیشیق صفحه‌سینده هر نه دانیشیق یازیلسا صفحه‌نین اوست سول بوجاقیندا زنگ آیکونونون قیراغیندا بیر اعلان گوسترر و ایشلدن اونو گوروب و بیلر کی، بیر یئنی پیامی وار. اوجور کی بیلیرسیز ایشلدنلرین ایشلدن صفحه‌لرینین آدینی ایکی آچیق([[) و ایکی باغلی(]]) موطلق کاراترینین (علامتینین) ایچریسینده یازیلسا گینه‌ده او ایشلدنه ایشاره ائتماق حساب اولور و ویکی سیستمی او ایشلدنی خبردار ائدر. {{پینگ}} شابلونودا بیر خیطاب ائتمه و یا خبردار ائتمه سیستیمی دیر و ایشلدنلرین اوز سلیقه‌لرینه گوره هر هانسی حالت اویغون اولسا فایدالانا بیللر. ایمضاسی فرقلی ایشلدنلر بو شابلوندان فایدالانسالار مخصوص ایمضالاری گوستریلمز. بو شابلون همیده بونو گوستریر کی بیر دانیشیق شخصین باره‌سینده دیر. ایشلدنلرین ترجیحلرینه باغلی بیر موریدلرده وار مثلن بو کی آیا ایشلدن ایستیر اعلانلاری ایمیلیله اعلان اولسون یا یوخ و بو ترجیحلری «ترجیحلر» قیسمتیندن تنظیملشدیرماق اولار. {{پینگ}} شابلونوندا نئچه ایشلدنی بیر بئرده چاغیرماق و یا خیطاب ائتماق اولار.Ziraksima (دانیشیق) ۱۲ سپتامبر ۲۰۲۱، ساعت ۲۰:۱۲ (UTC)
سوال: ائ سسی‌نین یازیلیشی‌نین تورکجه و غئیر تورکجه کلمه‌لرده نه فرقی واردیر؟— بو ایمضاسیز یازی Alp Er Tunqa (دانیشیق • چالیشمالار) طرفیندن آرتیریلمیش‌دیر.
جاواب:هر دیلین اوزونه گوره بیر یازی قاعیده‌لری وار. بیزیم ویکیمیزیده هللیکده بو قاعیده‌لره باغلی، کلمه‌لری و یازیلاری قاباقا آپاریر. (ائ) یا (e) سسی‌نه گوره ده بو بؤلومده قاعیده‌سی آچیخلانیب. بو قاعیده اساسیندا بوجور یازیلیب کی: (e) سسی خاریجی کلمه‌لرده (آلینما کلمه‌لرده) اگر کلمه‌نین باشلانیشی و اورتاسیندا اولسا یازیلماز. اما بعضی یازیلاردا بو قاعیده‌نی واز گئچنلرده وار. بو شخصلرین ترجیحلری و ایستیدلاللاری بودور کی، (az) و (tr) تورکجه‌سینه تای گره (ئ) یازیلا و بو ایش اوخوماقی راحت شکلیده قاباقا آپارار.Ziraksima (دانیشیق) ۱۲ سپتامبر ۲۰۲۱، ساعت ۲۰:۱۲ (UTC)
سوال: بیر آی‌پی یوخسا یئنی ایشلدن بو ایکی مقاله‌نی یارادیبدیر (وحید احسانی - محمد دوزگون) اونلاری بیر ایداره‌چی عونوانیندا نئجه حل ائدرسینیز ؟
حورمتله آلپ ار تونقا✉ ۱۲ سپتامبر ۲۰۲۱، ساعت ۰۶:۰۶ (UTC)
جاواب: آی‌پی ایله گیریش ائدن ایشلدنلره ال تاپماق چتین بیر ایش‌دیر. چونکی آی‌پی هئچ واخت ثابیت اولماز و هر گیریشیله دییشیلر. بو ایکی مقاله بیر بیوقرافی مقاله‌سی دیر و بیوقرافیلارین اوزلرینه گوره ویکی سیاستی وار.
- وحید احسانی صفحه‌سی نین لاپ بویوک موشکولو آیری دیللده یازیلما موشکولودور. بعضی مقاله‌لرین بیر بؤلومو مومکوندور ترجومه‌یه گوره آیری دیلده یازیلا و سونرا ایشلدنین طرفیدن او آیری دیل ده کی یازیلار دا چئوریله اما بو مقاله بوتون آیری دیلده یازیلیب و بو بیر موشکول ساییلیر. سونراکی موشکوللری قایناقسیزلیق، آدلیملیق و دیل باغلانتی‌سیزلیقی دیر.
- محمد دوزگون مقاله‌سی آیری دیلده یازیلمایب اما چوخلو یازیلاری ایشتیباه دیر. و یوخاریداکی مقاله‌یه تای قایناقسیزلیق، آدلیملیق و دیل باغلانتی‌سیزلیق موشکولونو اوزیله داشییر.
اما بو مقاله‌لرین باره‌سینده بیر ایداره‌چی باخیشیندان گوردوغوم ایش بو اولا بیلرکی مقاله دانیشقندا موشکولره ایشاره اولسون و ایشلدنه زامان وئرماقیله بو مقاله‌نین دوزگونلشدیرماقیان کومک ائدیم. بیوقرافی مقاله‌لری چوخ حساس اولابیلر چونکی بویوک پوتانسیله صاحیبدیر کی اسپم اولوب و بعضی نفرلر اوزلرنه گوره رزومه یارادسینلار.
اما چوخ زامانلار بو ایشلری یئنی ایشلدنلر گورولر و اولارین تازاکار اولماقلاری بو ایشین سببی دیر. یئنی ایشلدنلر ایله نجور دانیشیب و قاباقلارینا چیخماق چوخ اهمیتلی بیر مووضوع دی. اولاری‌ایله نه‌قدر یاخشی و قوناق کیمی و ادبلی قاباقلارینا چیخساق بو ویکینین باشی اوجا اولماقینا کومک اولار. بیر نوکته‌ده‌کی منیم نظریمه گره چوخ دیقت ائداخ بو دور کی بیز تورک دیلینده دانیشانلارین چوخو مکتب و مدرسه‌ده، آکادمیک شکلیده تورکی یازماق و دانیشماقی اورقشممیشوق.
بونودا بیلیرم‌کی بیر سایی غرضلی اینسانلار آماده برنامه و پلانیله بو ویکیده چالیشیلارکی بو ویکینی بیر اسپم ویکی‌یه چئویرسینلر. اسپم ایشلدنلر تمام ویکیلرده وار، اما کیچیک ویکیلرده بویوک موشکوللر سبب اولا بیلیلر.Ziraksima (دانیشیق) ۱۲ سپتامبر ۲۰۲۱، ساعت ۲۰:۱۲ (UTC)
۵ یاناشی سسله متادا ایداره‌چی ایستاتوسو وئریلدی. --آلپ ار تونقا✉ ۲۵ سپتامبر ۲۰۲۱، ساعت ۰۵:۱۹ (UTC)