بیز قایدالار اساسیندا قاباغا گئتمه‌لییک. ویکیپدیا:یازی قۇرال‌لاری بیزیم تکجه یول گؤرسدنیمیزدیر. ویکیپدیا:یازی قۇرال‌لاری اساسیندا «آذربایجان» دوغرودور و «آزربایجان» کیمی یازماق یانلیش دیر. بیر ده بو کی بیز دونیانی اؤز گؤزوموز ایله گؤرمه لی‌ییک. بیزه آذربایجان دئییلدیکده Iranian Azerbaijan نی اوّلده ذهنیمیزه گلیر. بیزده آذربایجان یانی Iranian Azerbaijan و آذربایجان جومهوری‌سی یانی Republic of Azerbaijan .Matreeks (دانیشیق) ۳۰ جولای ۲۰۱۵، ساعت ۱۵:۱۷ (UTC)[پاسخ]
منجه‌ده مقاله‌لرده نه ایران آذربایجانی، نه ده گۆنئی آذربایجان بلکه تکجه آذربایجان یازمالیییق، آنجاق آذربایجان مقاله‌سی‌نین باشیندا، بۆتون اۆستده‌کی آدلار مطرح آدلاردان بیری اوْلاراق، بیر دفعه یازیلمالی‌دیر. اوْندا اعتدال، اعتبار رعایت اوْلوب و فیلتر اوْلماغا بیر بهانه قالماز.--Koroğlu (دانیشیق) ۳۰ جولای ۲۰۱۵، ساعت ۱۸:۴۳ (UTC)[پاسخ]
یولداش لار سیز ایکی کوره اؤلکه لرینه شوروی کوره سی و آمئرکا کوره سی دئییرمیسینیز؟ یا افغانستان تورکیستانی دئییرمیسینیز یوخسا جنوبی یا گونئی تورکیستان یا قافقازا شوروی قافقازی و ایرانا یاخین قافقازی دئییرمیسینیز؟ بیر بؤلگه ایکی یه بؤلوننده اصلی یؤن یا جهت لردن او بؤلگه لرین آدی نین ایلکینه یا سونونا آرتیرارلار. گونئی آذربایجان H.ALIZADE Q (دانیشیق) ۱۹ آقوست ۲۰۱۵، ساعت ۰۸:۴۵ (UTC)[پاسخ]
منجه، بیر یان‌دان بیز فارس دئییریک و اوْنلا تانیشیق، کنگر یادا بصره یوْخ، بیرده کؤرفز تۆرکجه سؤزجوک یوْخ، یوْنانجادان آلینتی و عربجه خلیج کیمی اؤزگه سؤزدور.[۱] اوْنا گؤره منجه فارس خلیجی داها یاخشی‌دیر.--Koroğlu (دانیشیق) ۳۰ جولای ۲۰۱۵، ساعت ۱۶:۵۶ (UTC)[پاسخ]
منبع و ایستیناد هر ایکیسی عربجه دیرلر نه فارسجا! منیم نظریمه قایناق و منبع هر ایکیسی ایستیفاده اولونا بیلر، آمّا منبع کلمه‌سی بیراز قودرتلی کلمه‌دیر و آنلامی داها یاخشی یئتیریر. و خالق دیلی آراسیندا یئرینی داها چوخ آچمیشدیر. Matreeks (دانیشیق) ۳۱ جولای ۲۰۱۵، ساعت ۲۳:۲۹ (UTC)[پاسخ]
عزیز یولداش‌لار «گئچمیش» آنادولو تورکجه‌سینده geçmiş یازیلیر و قوزئی آذربایجان تورکجه‌سینده keçmiş. بیر مرندده اؤز اطرافیمیزدا بونو تورکیهلیلر کیمی «گئچمیش» دئییریک و نه قوزئیلی‌لر کیمی «کئچمیش»! ایندی بیلمیرم بو ساده‌جه بیزیم لهجه‌میزدیر و دوزو گرک «کئچمیش» یازاق، یوخسا ائله بیزیم ایراندا تورکجه‌میزده تورکیهلیلر کیمی دوزو «گئچمیش»دیر و لازیم دئییل او تای‌لیلارا باخیب «کئچمیش» یازاق؟! جواب وئرن اولسا ممنون اولارام. موسا(دانیشیق) 22:25, 15 November 2012 (UTC)
منه بو سورغو قاباغا گلدی، آنجاق سیز دئدیگیز آدا سؤزلوگونه باخاراق بیلدیم کی گئچمیش اصلی کلمه‌دیر و کئچمیش‌ده وار آمما اونون بیر آیری یازیلیشی‌دیر. میثال اوچون: اوچون سؤزو کی ایچینده یازیلیر آنجاق اصلی‌سی اوچون‌دور. فارس دیلینده‌ده هوله سؤزو کی حوله‌ده یازیلیر آنجاق هوله چوخراف یازیلیر. --Arjanizary (talk) 09:31, 16 November 2012 (UTC)
اللریز آغریماسین. ائله‌ده «گئچمیش» سؤزجویو دوزدور و ائله بونو ایشلدریک. موسا(دانیشیق) 11:07, 16 November 2012 (UTC)
کئچمیش. من گئچمیش عوضینه ادبی دیلده اولان کئچمیش له موافیقم --Ebrahimi-amir (talk) 14:08, 16 November 2012 (UTC)
ادبی آذربایجان تورکجه‌سینده کئچمک keçmək دوغرو و گئچمک geçmək یانلیش حساب اولونور. بیز بوردا بعضی محلی لهجه‌لریمیزی قاتمامالی‌ییق. تورکیه تورکجه‌سینده geçmek دئییلیر آمّا ادبی آذربایجان تورکجه‌سینده keçmək یازیلیر. دئمه‌لی دوغروسو کئچمیشه باخ اولور. Matreeks (دانیشیق) ۳۱ جولای ۲۰۱۵، ساعت ۱۷:۲۹ (UTC)[پاسخ]
ماتریکس بی، بۇ قوْنودا بیر دفعه قاباقجا دانیشیلیب‌دیر و قاباقکی ایشلدن‌لرین باخیش‌لارینا احترام قوْیماق اۆچون اؤزلری ایندی اوْلماسالار دا اوْنلارین باخیشین یازمالیییق. بیزیم آذربایجان جومهوریتی‌نین تورکجه‌سی ایله چوخلو فرق‌لری واردیر (آذب ویکی‌نین آچیلیش ندنی ده بۇ دیل فرق‌لریدی) و منجه آذربایجان جمهوریتی ایله تورکیه جمهوریتی تورکجه‌سی‌نین آراسیندا یئرلشین بیر دیل‌دیر. بیزیم آذربایجانین چوخلو بؤلگه‌لرینده تورکیه کیمی گئچمیش دئییلیر و بیز ائلیمیزین آغیزینا اوْلدوقجا اعتماد ائتملی‌یییک.--Koroğlu (دانیشیق) ۳۱ جولای ۲۰۱۵، ساعت ۱۷:۵۵ (UTC)[پاسخ]
عزیز یولداش. بیزیم آذربایجاندا تکجه تورکیه‌نین مرزینده آذربایجانلیلار یاشاماییرلار. غربی آذربایجانین بعضی لهجه‌لرینده و بیراز دا شرقی آذربایجاندا گئچمیش دئییلیر. آمّا موغان، اردبیل، مشکین، ساراب، میانا، اهر، خالخال زنجانا کیمی، آستارا بوتون گیلان، همدان ابهر کئچمیش دئییرلر. بیز لهجه‌میزی قاتمامالی‌ییق. بیزیم ادبی دیلیمیز نسیمی لر، فضولی لر و شاه ایسماعیل صفوی لر کیمی‌لرین شعرلری و نثرلری اساسیندا قورولموشدور. مثلا تبریز لهجه‌سینده بیلمیرمه دئییلیر بولمورم. گئتمک اولور گئتماخ. بیز ادبی شیوه‌نی نظرده آلمالی‌ییق. بیزیم قرامریمیز هر یئرده بیر دیر. آذربایجان جومهویتینده ایشلنن دیل و بیزیم ایشلتدیگیمیز دیل قرامر و دیلین سیستمی باخیمیندان تام بیر دیر و تکجه کلمه فرقلیکلری وار. یازی قورال‌لاریندا دا کئچمک یازیلیب و گئچمک یانلیش دیر. یازی قورال‌لاری بیزه هر زامان دوغرو یولو گؤستریر. بئله شئی لرده ده سس وئرمه معناسیز دیر. بوردا بئش نفر اورمیه‌لی اولسا بیر نفر اردبیللی، اورمیه لهجه‌سی کئچه‌جک ویکیه و یا عکسینه! محلی لهجه لر ویکیه داخیل اولمامالیدیرلار. یازی قورال‌لاریندا یازیلمیش شئی‌لره گؤره ده سس وئرمک سس آلماق سهو دیر. Matreeks (دانیشیق) ۳۱ جولای ۲۰۱۵، ساعت ۱۸:۱۸ (UTC)[پاسخ]
سیاهه فارسجا سؤزدور.(مطمئنم) اونون موعادیلی عربجه قائمة و اینگیلیسجه لیست اولور. تورک دیل کورومو(تورکیه‌ده) لیست و لیسته‌نی قبول ائدیب. آنجاق بیر سیرا سؤزلر وار کی بئچیت، دیزیم و سیریت وار کی تانیش دئییل. یاخشی دیر اونو اونوداق و ایزله‌دیکلریم چوخ یاخشی اولور. یعنی او یارپاق‌لار/صحیفه‌‌‌لر کی اولاری گؤدورم. چوخ یاخشی آنلامی گؤستریر و لیست یا سیاهه ده کی تورک سؤزو دئییل‌لر ایستمیر. --Arjanizary (talk) 14:04, 16 November 2012 (UTC)
بیز ایرانین اوستانلارینا ایشاره ائدنده اوستان کلمه‌سیندن ایستیفاده ائده بیلریک و باشقا اؤلکه‌لرینکیلرینه ایالت کلمه‌سیندن. مثلا: زنجان اوستانی، تگزاس ایلالتی، ایزمیر ایالتی. Matreeks (دانیشیق) ۱ آقوست ۲۰۱۵، ساعت ۱۱:۴۴ (UTC)[پاسخ]
منجه ایکی کلمه بلدیه ، ایالت بیزیم قدیم سوزجوک لردن دیر کی دیلیمیزده ایشلنیب اوستان کلمه سی یئنی بیرکلمه اولسا دا تانیش اولسا دا هم بو کی فرهنگستان زبان و ادب فارسی نین وارداتی بیر کلمه لرین دن دیر هم بو کی (پهلوی) دیلیندن آلینمیش بیر سوزجوک من نهایت بو سوزجوک له مخالیفم آنجاق بونو دا دئملییم سانجاق دا ایشلتمک بیر آز غئیر طبیعی گلیر اوندا گرک مقاله لرده یازاق باتی آذربایجان سانجاقی کی راوام دئییل آمما ایالت سوزجوگو ایندی ایستفاده اولونماسادا تانیش اویغون هابئله چوخلو شهرلریمیزه بو آدلارا ساختمان و مئیدان وار میثال ایالت مئیدانی اورمودا--Amir a57 (دانیشیق) ۱ آقوست ۲۰۱۵، ساعت ۱۲:۳۴ (UTC)[پاسخ]
اسکیلیک، یئنی‌لیگه دئییل. منجه عربجه ایالت ایله فارسجا اوستان‌دان، بیزیم ملتیمیز اوستان‌لا داها چوخ تانیش‌دیر. بیرده اوستان ایله ایالت آنلام‌لاری فرق‌لی‌دیر. چونکو ایالت فدرال و خودمختار بؤلگه‌لره، اوستان دا بسیط اؤلکه‌لرین بؤلگه‌لرینه دئییلیر. منجه ساده اؤلکه‌لرده (ایران، فرانسه، چین و ...) ده اوستان فدرال اؤلکه‌لرده (اوستورالیا، آمریکا، هیند و ...) ده فا ویکی کیمی ایالت یازمالیییق.--Koroğlu (دانیشیق) ۱ آقوست ۲۰۱۵، ساعت ۱۷:۴۳ (UTC)[پاسخ]
بیزه هانسی تاریخی مقطع ده فدرالیق وئریب لر بو دا اولا 2 جی سی ؟؟؟آذربایجان فئدرالیق وئردیلر قالدی باتی آذربایجان بابا بو سوزلرلره اوزونوزو توجیه ائتمه ین ایتیب باتمیش دیلین لوغتین گتیریب ضوروندان بو دیله سوخمایین مین دنه لوغت بو دیلده ایشتباهی ترجومه اولوب صفحه نی ذخیره ائت اولوب صفحه نی ساخلا - آذربایجانی جنوبی اولوب - آذربایجان ایران و هابئله ....... من بیلمیرم نیه بونا گیر وئریب سیز پهلوی شونیست لر قورخمایین مندن سیزدن یاخشی دوشنوردونلر ایالت معناسی نمنه اولور و بونا گوره ده یوخ عربجه اولماغینا گوره اونو دییشیب لر .--Amir a57 (دانیشیق) ۱ آقوست ۲۰۱۵، ساعت ۱۸:۰۳ (UTC)[پاسخ]
