ویکی‌پدیا:سیاستلر و تعلیملر

ویکی‌پدیا، آچیق بیلیک‌لیک‌دن
پرش به ناوبری پرش به جستجو

ویکی‌پدیا هرکسین بیرلیکده قاباغا آپاردیغی بیر پروژه‌دیر و قوُروجولاری ایله قاتیلیمچیلارین اورتاق بیر آماجی واردیر:

ویکی‌پدیا پروژه‌سینین آماجی، گووَنیلیر، اؤزگور و احاطه‌سی ایله تاریخ‌ده‌کی ان بؤیوک بیلیک‌لیک یاراتماق‌دیر.

ایشده بوُ آماج ایزله‌دیگی چالیشمالارین یاردیمجی اولماسی اوچون ویکی‌پدیانین بعضی قانون-قوُراللاری واردیر. بوُنلارین بعضی‌لری هله قاباقلاماق مرحله‌سینده‌دیر.

قانون-قوُراللاری قاباقلاماغا داوام ائتدیگیندن اؤتری هر موختلیف ییخیجی و پیس‌نیّت‌لی ایستیفاده اولاسیلیغین قوُراللارا داخیل ائدیلمه‌سی چتین و ایمکان‌سیزدیر. بوُنا گؤره بعضی ایشلدن‌لر بوُردا یازیلی اولماسا بیله یازدیغی ویا دگیشدیردیگی یازیلار ایله ایلگی‌لی اولاراق گئنل ویکی‌پدیا روحونا اوُیمایان ائیلملر اولاراق گؤرونور و بوُندان اؤتری موتّهم اولونا بیلیر. یاخشی‌نیّت‌لی، مدنی و طرفسیز بیلیک‌لیک یازماغی آماجلایان ویکی‌پدیانین قاپی‌لاری آچیق‌دیر.

اساس قانونلار[دَییشدیر]

  1. ویکی‌پدیا بیر بیلیک‌لیک‌دیر. باشقا بیر شئی اولما آماجی یوخدور.
  2. یانلی اولمایین. مقاله‌لر طرفسیزلیک قانونو چرچئوه‌سینده نص‌لر و گرچک‌لره دایاندیریلاراق یازیلمالی‌دیر.
  3. تألیف حاقلاری‌نی پوزمایین. ویکی‌پدیادا تاپیلان هر مضمون GNU اؤزگور تصدیق مدرک ایله لیسانس‌لی‌دیر. ویکی‌پدیایا کؤچورولن تألیف حاقّی‌نا مشمول اولونان علاوه‌لر، ویکی‌پدیانین اؤزگور بیلیک‌لیک قانونونو ایله ضیددیر و قانونی مسأله‌لر آچا بیلیر.
  4. دوغرولانا بیلیرلیک. ویکی‌پدیانین اوخوجولاری اوخودوقلارینا گووَنه بیلمه‌لی‌دیرلر. بوُ آچیدان، بیلگینین هارالاردان ییغیلدیغی مقاله‌نین سونوندا بیر قایناقلار بؤلومونده ذیکر اولونمالی‌دیر.
  5. مقاله‌نین قایناغی اولمالی. اؤزگون چالیشمالار (قایناغی تاپیلمایان، داها اؤنجه یایینلانمامیش) اولماز.
  6. باشقا ایشلدنلره سایغی گؤرسدین. ویکی‌پدیاچی‌لار موختلیف اؤلکه‌لردن گلمیش و بام‌باشقا کولتوره و باخیش آچیسینا صاحیب اولا بیلیر. باشقالارینا سایغی گؤرستمک بیرلیک‌ده چالیشمانین آچاری‌دیر. آیری‌جا اوُنوتمایاق، ویکی‌‌پدیادا کیچیلتدیرمک و شخصی هوجوم یاساق‌دیر.