ویکی‌پدیا:کند مئیدانی/آرشیو۶

ویکی‌پدیا، آچیق بیلیک‌لیک‌دن
پرش به ناوبری پرش به جستجو

شهرلر اوچون مقاله آدی[دَییشدیر]

عزیز قارداش اوجور کی بیلیرسیز و نئچه سری لر بونون اوستونده ویکی آز دا بحث آپاریلیب و اوردا دا قرار اولدی شهرلر مقاله سین رسمی آدلا یازاق و علتی ده بوندان عبارت اولدی کی فعلا حالدا بیزیم خالقیمیز شهرلریمیزین آدین محلی و دیلده تلفظ اولان یازیندان اختارمیر مثل (سراو) (خییاو) وایر بونلارین اساسیندا باخساز بیزیم تاریخ و هویتیمیز اوچون ویکی فا دا چوخلو نا اینصافچیلیق لار اولوب ایندی بو ویکی پئدیا فارسی شهرلر مقاله سینده بیر یئره یئتیریب کی منیم اوزوم اورمیه مقاله سینین اوستونده ویکی یه گلمه لی اولموشام و ایندی کی گوروسوز ایش بورایا چکیب ..هر حالدا نئچه گون بوندان قاباق شهداری زنجان سایتیندا یازمیش دیر زنجان در ویکی پئدیا کی اونون اوستونده کیلک ائدیردین موستقیم ویکی فا نین صفحه سی آچیلیردی ویکی فا دا زنجانین مردومی اوچون یازیلمیش دیر دیلری ترکی ،فارسی حال بو کی زنجان دا فارسیمیز یوخ دور مگر تورک لر کی فارس اولورلار و چوخ لو هویتی مسائیله مطرح ائدنن سونرا بو بیر یاخشی بیلگی وئرمییب ایر قدیمی دوستلارین خاطیرینده اولسا ویکی آز دا ابراهیمی بی ، سعید بی ، من و علم آختار بی ویکی میزین جستوجوگر موتورلارین آختاریشیندا اوسته گلمه سی طرح اولوندی و نتیجه ده بو کی بیزیم ویکی اوسته گلمیر دی مثل بورایا باخین [۱] البته بو مسئله ویکی آزین بحثی دیر سونرالار بونون اوستونده بحث لر اولوندی منیم اوزوم ویکی فا دا بیر صفحه جیلولوق آدیلا اچمیشدیم کی ایضا اونون تایین گلدیم ویکی آز دا آچدیق قرار اولدی سونرا ائلوین بی مقاله نی 150 موتور جوستجوگر ده تانیتدیردی تا ویکی فا دا جیلولوق مقاله سین آدین دییشدیرممیش دن قاباق بیزیم جیلولوق صفحه میز گوگلین آختاریشیندا ویکی فارسیندا رتبه سی یوخاردایدی ایندی بو موضوع عایید گوگلین بهترین مقاله سی دیر باخین:[۲] هر حالدا دانیشیق لاریمیز اساسیندا کی دوستلار ویکی آز دا ابراهیمی بی و سعید بی من و علم اختار و ائلوین بی تصمیم بونا اولدی کی مقاله لریمیزین آدی رسمی آدی اولا مقاله لرین ایچینده محلی آد یازیلا مثل بونا تای [۳] تا ویکی میز گوگل ده اوزی اوچون بیر یئر آچا حورمت لر --Amir a57(دانیشیق) 11:17, 10 January 2013 (UTC)

ایستیفاده چی‌لر بیزیم هدف نه دیر بیر ویکی یاراداق کی ایچریسینده علم وبیلگی اولا و اؤزوموزون مدنیتی میزدن خاقیمیزدان یازاق و ایراندا تحریف اولان سوزلری خالقین فیکریندن سیلک آمما بو نجور اولار کی ؟اوزامان کی بیر کس بیزیم ویکیه گلمسه بیز نئینیریق ویکینی دوردومور یازاق دوردوموز اوخویاق /ویکینین بیر قایداسی وار او دا بودور کی بیر تانیش آإ«آى ایستیفاده اولونا ندن بو قایدا وار بونون اوچون دیر کی باش چکنلر ویکیه باغلانسینلار تا معلومتلاری چوخالسین منجه بیز هر آد کی چوخ تانیش دیر ایستیفاده ائدخ تا خالقیمیز بیزیم ویکیه گلسین و دوز بیلگیلری بیزدن آلسینلار ، منجه اونملی مقالده یازیلانلار دی نه آدی بیز گرک مقالده یازیلانلارین اوستونده حساس اولاق . ایدین آدلار منجه رسمی آدلاردیر (آدلار)مثل( شرقی آذربایجان اوستانی)،بوردا آد شرقی آذربایجان دیر نه اوستان یازیسی اوستانلار شهریستانلاری اؤلکه‌لر بیزیم ادبیات دیر دَییشمک اولا بیلمز.پس گلین دوز فیکیرلشق.E THP (talk) 11:39, 10 January 2013 (UTC)

من‌ده کامیلن بون‌لا موافقم. بیزیم مقاله‌لری‌میزین آدلاری گرک همان آدلار اولا کی خالقی‌میز اونلاری آختاریش موتورلارین طریق‌ایله آختاریرلار. مقاله‌نین ایچین‌ده ایضافی توضیحاتی وئرمک لازیم‌دیر. آما گرک مقاله‌نین آدی همان رسمی آد اولا. البته گرک آذربایجان تورکجه‌سی‌نین قایدالاری‌دا لحاظ اولونا. مثلاً هئچ زامان بیزیم شهرستان سلماس آدین‌دا بیز مقاله‌میز اولمامالی‌دیر. سلماس شهرستانی بیزیم دیلی‌میزین قایدالاریله اویغون‌دور و البته شهرستان سلماسین آختاریشین‌دادا ائله همین سلماس شهرستانی‌دا نتیجه اولور؛ نیه کی تکجه بیردانا «ی» حرفی ایضافه‌دیر. البته منیم نظریمه بیز گرک سیاسی واحیدلرین‌ده آدلارینی ائله همان رسمی صورت‌ده یازاق. یعنی استان، شهرستان، بخش و دهستان تا فارسی موعادیل‌لری‌نین آختاریشی زامان، آذربایجان تورکجه‌سینه اولان موعادیل‌لری‌ده نتیجه اولسون. هرحال‌دا من توپلامین نظری‌نین تابعی‌ام. --Azoghlu (talk) 14:15, 10 January 2013 (UTC)

من بو ایشینن هله‌لیک‌ده یاناشی‌یام آنجاق بیز تورکجه ویکی‌پئدیاسینا چالیشیریق. اونا گؤره گرک‌دیر تورکجه قایدا-قوراللار اساسیندا یازاق. بو ایش‌ده یالنیز شهرلرین آدینا گرک محدود اولا. بیرده‌کی ایر ایستریک یازاق استان آذربایجان شرقی‌نین موعادیلین تورکجه‌ده یازاق گرک‌دیر ایندی کی کیمین شرقی آزربایجان اوستانی یازاق (شرقی آذربایجان استانی یوخ). نییه کی بونا توافق اولونماییب و علم آددا دئییل کی هله‌لیک گئچنکی توافق دا بونا شامیل اولا. مقاله‌نین ایچریسینده‌ده گرک اصلی آددا یازیلا و آچیقلانا. --Arjanizary (talk) 15:24, 10 January 2013 (UTC)
من بونا تام قارشیام. شهرلرین آدی گرک ویکی‌نین رسمی دیلی "آزربایجان تورکجه" سینده اولا. بیز قوقئل آختاریشینا گوره فاشیسته خیدیمت ائده بیلمریک. " اسامی جغرافیایی را که به زبان‌های خارجی و یادگا تخت و تاز چنگیز و تیمور است باید به اسامی فارسی تبدیل کرد" بو محمود افشارین یولودور. بیز هانسیسا آختاریشا خاطیر حقیقتلری فدا ائده بیلمریک. اورنک اوچون "اسکو" آزربایجان تورکجه‌سینده اولور "اوسکو" تاریخی آدیدا "اوشقایا"دیر. بیز نه اوچون بونو اسکو یازمالییق؟ --Ebrahimi-amir (talk) 16:51, 10 January 2013 (UTC)
بیر مساله‌نیده آرتیریم. اودا بوکی دولتی آدی پارانتئز ایچینده آرتیرماغی یارارلی گورورم. اورنک اوچون اوسکو و یا اوش‌قایا (دولتی آدی: اسکو). بئله بیر دورمدا دَییشیلن آدلاردا بللی اولار. اورنک اوچون "سولدوز" (دولتی آدی: نقده) و.... بئله بیر دورومدا، دَییشمه‌لرله تانیش اولمایان ویکی‌نین اوخوجولاریدا هانسی شهرین اصلی آدی نه‌دیر، دولتی آدی نه‌دیر و ساییر بیلگی‌لرله تانیش اولا بیلر. اینانیرام کی قوقئل مساله‌سی‌ده میللتین ماراغی چوخالدیقجا اوز-اوزونه حل اولاجاقدیر. --Ebrahimi-amir (talk) 17:02, 10 January 2013 (UTC)
بیر باخیم‌داندا ابراهیمی بی دوز دئییر. --Arjanizary (talk) 18:47, 10 January 2013 (UTC)

عزیز ابراهیمی قارداش بیر کس دئمیر بیز ساتقین محمود افشارین سوزون تایید ائلیرک و او یولی گئدیریک عزیز قارداش سنین میلتین هئچ بیر شئی یوخدور بیز گرک بو ایشی ویکی میز ده لحاظ ائدک و علت ده بودور جست جوگر موتور لارین دیلرینده آذربایجان عرب الیفباسی یوخدور نه تنها بو کی عرب الیفباسی گوگل یوخدور بلکه ده هئچ بیرکس تورکی آختارمیر بو بیرنجی سی ایکی جی سی بو کی بیزیم نه اوچون بو آدلار تانیش دیر خوب سیز ایندی اوش قایا دئدیز مگر اوش قایا ایندی تلفظ اولونور؟؟اوندان علاوه سیز ایر بیر اسکولویا دئیرسیز اوز شهریزین آدین یاز قطعا (اسکو) یازاجاق نه اوسکو پس ایر سرشناسلیق مسئله سی ده اولسا بو آد یازیلیش دا هامیدان سرشناس دیر.منجه دوستلار بونا عایید دوزگون فیکر ائتسین لر بیز بوردا تک قالیب اوزموزه مقاله آچمییاجاییق گرک بو مقاله لری اوخویان اولا و بیرکس ده کی مقاله لری تاپا بیلمیه بیزیم اسکونون اصلی آدی اوسکو و یا اوش قایا اولماقین بیلمییجک نمونه سی آغالار باخسینلار ویکی آز دا 12 مین مقاله دن هانسی گوگل سایتیندا تانیمیش بیر مقاله دیر ....او ویکی آز دا کابرلرین سایی سی دیر کی جمع عرب الیفباسیندا 10 نفره یئتیرمیر بیزلر اکثریت هامی شاید دییه بیلرم بدون استثنا ویکی فادان ویکی آز ا گلدیک پس او وورود یئری نظرده آلین و بیلین بو علت در ندنی دیر--Amir a57(دانیشیق) 19:16, 10 January 2013 (UTC)

بیر ده قارداشلار بیز مقاله نین فقط آدین اوستونده بحثیمیز وار نه شهر آدین اوستونده مقاله نین ایچریسینده گرک محلی آد یازیلا اوسته ده لینک وئرمیشم--Amir a57(دانیشیق) 19:25, 10 January 2013 (UTC)
گؤزل دیر بیر ویکی یاراداخ کی تکجه فقط اؤزوموز اوخویاق دور هم و بیر بیرمیزله دانیشیق آپاراق.یعنی بیر نوعی اؤزوموز اوچون بیر وبلاگ یاراداق و شخصی آرزی لاریمیزی بوردا یئره یئتیرخ.گؤزل دیر.هامینیز چالیشقان قالین حیف دیر .حورمتلهE THP (talk) 20:33, 10 January 2013 (UTC)

سونوج[دَییشدیر]

ایستسک کی سؤز چوخا چکمه‌یه 2 ایش گؤره بیللیک:
1_ اصلی تورکجه آدلاری یازیب (مقاله‌نین اصلی) آدی و فارسجا آدلاری‌دا اولاری قایتاراق
2_ بیر محدود و معین زامان فارسجا آدلار مقاله‌نین آدی اولا و او محدود وقت قورتاراندان سونرا اوّلکی اؤنره قایتاراق ( اصلی آدلار تورکجه )
* تبصره: بو محدود وقت بوتون اصلی ایستیفاده‌چیلر ( E THP، موسا، Amir a57، Ebrahimi-amir و Arjanizary ) یاناشی اولسا تمدید اولونا

منیم باخیشیم بودور. انشاالله هم سعید و امیر بیلری و هم‌ ابراهیمی بی و هم‌ده موسا بی بَینسینیز. اوجور اولسا 2 اؤنر یاخجی نطره گلیر. باخیشینیزی دقیق دئیین دا بوردا قورتارسین. چوخ ایش وار کی گؤرک. وقتیمیز بوجور بحثلره کئچسه حیف اولار. --Arjanizary (talk) 10:13, 11 January 2013 (UTC)

تکلیف[دَییشدیر]

من فیکر ائدیرم بیزیم موشکول تاسوفله آیری یئردندیر. یانی او بیری ایستیفاده‌چیلری سس‌وئرمه‌نی آپارماق اوچون بورایا دعوت و.... فیکر ائدیرم دانیشیقلار دوزگون یولدا گئتمیرلر.))) من اوز نوبمده بیر هفته‌لیک بحثلردن کانار وضعیت اعلان ائدیرم. فیکر ائدیرم بیرهفته‌دن سونرا داها آچیق و گوزل دوشونجه‌لرله بیر-بیریمیزین یانیندا اولاجاییق. سیزلرده ایسته‌سه‌نیز بیر هفته تکجه چالیشماق اوستونده واقت قویایین. قدیم سیاقدا و قاباقدان قبول اولونان قایدالار (یازیلی اولماسادا بئله) اوستونده چالیشایین و نهایت بیر هفته‌ده‌دن سونرا یئنی‌دن بحث‌لره داوام ائده‌یین. فیکرلشمیش، منطقی و احساسلاردان اوزاق اولان بحث. هامینزا حورمتله --Ebrahimi-amir (talk) 16:19, 11 January 2013 (UTC)


سَلام عَزیز ﺍیشتیراکچیٛلار، ﺍیجازە وئریرسَنیز مَندە بوُ بَحثە قوْشوُلماق ﺍیستَردیم. مَنجە بوُرادا مَسئلەيە عِلمی وَ پراتیک ياناشمالیٛسیٛنیٛز. ۱- يارنماسیٛ ﺍیستەنیلَن ویکینین آماجیٛ نەدیر؟ مَنجە ﺍوْنوُن هَدَفی بوُ ﺍوْلمالیٛدیٛر کی، بوُ دیلە بَللی حَددە تانیٛش ﺍوْلان ﺍینسانلار ﺍیستەدیکلَری موْضوْلار حاقیٛندا بیلگیلَنسینلَر. ۲- آيا بوُ ویکینین مَنسوُب ﺍوْلدوُغوُ ﺍینسانلار وَ يئرلَر حَقیقی‍دیرلَر يوْخسا ویرچوُلار دۆنيادا مؤوجوُدلار؟ هامیٛمیٛز بیلیریک کی بئلە بیر ﺍینسان توْپلوُسوُ وَ فیزیکی يئرلَر واردیٛر. ﺍَگَر بوُ دوْغوُ ﺍیسە، ﺍوْ زامان ﺍوْ ﺍینسانلاریٛن دوْغروُ گؤردۆگۆ ( بوُ دیلە مَنسوُب ﺍدبيات وَ کیتابلاردا؛ میثال ﺍیچین ﺍسماعیل جعفرزادە'نین ﺍَرک سؤزلۆگۆ) شئکیلدە يازیٛلمالیٛدیٛر. ۳- فَلسَفە بوُ پروْبلئمە نئجە باخیٛر؟ فَلسفی باخیٛمدان، گَرچَگی، ﺍَگَر بیلینیرسە، ساپتیٛرماق دوْغروُ دئيیلدیر. ﺍَگَر بیر پروْبلئم وار ﺍیسە، ﺍوْنوُ قالدیٛرماق لازیٛمدیٛر. بَعضی ﺍیشتیراک‌چیٛلاریٛن توْخوُندوُغوُ پروْبلئم مَنجە ﺍیسم‌لَرین دوْغوُ (ﺍوْریجینال) يازیٛلماماسیٛنا مانِع ﺍوْلمامالیٛدیٛر. ۴- آيا آختاریٛش پروْبلئمی وار میٛ؟ مَنجە آختاریٛش پربلئمی يوْخدوُر، زیرا بیرینجیسی، آختاریٛش موْتوْرلاریٛ سادەجە باشلیٛق آختارمیٛرلار. ﺍوْنلاریٛن ﺍیستیفادە ﺍئتدیگی ﺍلقوْریتم بوُ سادەلیکدە دئيیلدیر. سادە دئيیلیر ﺍیسە، بیر سؤزۆن، آختاریٛش موْتوْرلار ﺍیلە تانیٛنماسیٛ وَ تاپمیٛلماسیٛ سايت دوْمئينی و کَلمەنین ﺍیستیفادە ﺍئدیلمە سايیٛسیٛندان آسیٛلیٛدیٛر. ویکی‌پئديا ﺍصلی دوْمئين ﺍوْلدوُغوُ ﺍیچین، بیر سؤزۆن سیٛخ‌جا ﺍیستیفادە ﺍئدیلمیٛسی، ﺍوْنوُن موْتوْر طَرَفیندَن سیٛرالامادا داها ﺍیلک سیٛرالارا داشیٛنماسیٛنا سَبَب ﺍوْلوُر. آختاریٛش موْتوْرلاریٛن کاراکتئر (کوْد-پوْينت) مَحدوُديَت‌لَری يوْخدوُر. ﺍگَر سیز بیر کاراکتئری بیر پروْقراملا وَ يا بیر سايتدا يازابیلیرسینیز ﺍیسە، ﺍوْ زامان مۆطمَین ﺍوْلوُنوُز کی آختارما موْتوْرلاریٛ ﺍوْنلاریٛ تاپا بیلەجَکلَر. ویکی‌مئديا چؤزۆم يوْلوُ: هامیٛمیٛز بیلیریک کی، ویکی‌پئديادا بیر موْوضوْعدا ﺍوْلان مَقالە بیر نئچە دیلدە يازیٛلیٛر وَ ﺍوْ قوْنوُدا يازیٛلمیٛش مَقالە ویکی صَحیفەنین ساغ وَ يا سوْل پانئلیندە گؤستَریلیر. ﺍگَر بیر شَهَر حاقیٛندا آذَربايجان دیلیندە بیر مَقالە يازیٛلیٛر ﺍیسە، وَ باشقا بیر دیلدە دە ﺍوْ شَهَر حاقیٛندا بیر مَطلَب وار ﺍیسە، ﺍوْخوُيوُجوُ ﺍوْ دیلدە دە ﺍوْ مَطلَبی ﺍوْخوُيابیلَر. دوْلايئسیٛيلا، بوُرادا بیر ﺍینسانیٛن (آختاریٛجیٛنین)، بیر دە آختاریٛش موْتوْروُنوُن تأثیری واردیٛر. ﺍگَر فَرض ﺍئتسَک کی سادەجە فارسجا وَ يا ﺍینگیلیسجە بیلَن بیر ﺍینسان بیر شَهَر آدیٛنیٛ ویکی‌پئديادا آختاریٛر ﺍیسە، ﺍوْ دیلدە بیر مَقالە وارسا، ﺍوْخوُياجاقدیٛر. عَکس حالدا باشقا دیللَردە وار ﺍوْلان مَقالەلَرین تَرجۆمە ﺍئتمەسینە مَجبوُر ﺍوْلاجاقدیٛر. باشقا يؤندَن بوُ مَسئلەيە باخارساق، يَعنی آذَربايجانجا بیلَن بیر ﺍینسان بیر شَهَر آدیٛنیٛ آختاریٛر ﺍیسە، چوْخ ﺍحتیماللا هَمین دیلدە يازیٛلان مَقالەنی ﺍوْخوُما شانسیٛ چوْخدوُر. قالدیٛکیٛ، ﺍگَر بیر کَلمە ﺍیکی واريانت‌دا يازیٛلیٛر ﺍیسە، هَر هانسیٛ واريانت داها چوْخ وئب شَبَکەسیندە وار ﺍیسە، آراما موْتوْرلاریٛ ﺍوْ کَلمەنی وئب ﺍوْخوُجوُسوُنا ﺍوْنَریر. بۆتؤولۆکدە، مَنجە آذَربايجانجايا ﺍوْيغوُن ﺍوْلان شئکیدە يئر آدلاریٛنیٛن يازیٛلماسیٛ دوْغروُدوُر؛ يازار، پارانتئز آراسئندا ﺍوْ يئرین باشقا دیللَردە نئجە يازیٛلدیٛغیٛ وَ ﺍوْخوُندوُغوُنوُ توْضیح وئریلەبیرلَر. بیر ﺍیشتیراکچیٛنیٛن وئردیگی میثالیٛ تئکرار گَتیریرسَک، يَعنی "ﺍۆسکۆ" وَ يا "ﺍسکو"دا، مَقالە آدیٛ "ﺍۆسکۆ" يازیٛلیٛب، داها سوْنرا مَقالەنین ﺍیچیندە ﺍوْنوُن فارسجادا "ﺍوسکو" ، يادا تۆرکجەدە "Üskü " يازیٛلدیٛغیٛنیٛ ذیکر ﺍئتمَک ﺍوْلار. بئلەلیکلە ﺍوْخوُيوُجوُ وَ آراما موْتوْروُ بوُ واريانتلاریٛ بیر-بیری ﺍیلە موُقايیسە وَ يان-يانا گَتیرەبیلَجَکدیر. سیزە باشاریٛلار دیلَيیرَم. بو ایمضاسیز يازی Ufw 201 (موزاکیرهچالیشمالار) طرفیندن علاوه‌‌ ائدیلمیشدیر . </noinclude>

ﺍینکوُباتوْر صَحیفەسینین تَرجۆمەسی:[دَییشدیر]

سايقیٛلیٛ ﺍَکتیو ﺍیشتیراک‌چیٛلار، ﺍینکوُباتوْر تَرجۆمەسینی گؤردۆم وَ بوُ سَبَ‌دَن دوْلايیٛدا سیزە تَبریک ﺍئدیرَم. بوُ ﺍیشە بیر قاتقیٛم ﺍوْلسوُن دیيە مَن‌دە ﺍینکوُباتوْر صَحیفەسینی تَرجۆمە ﺍئتمیشَم. ﺍوُيغوُن گؤرۆرۆسَنیز بوُ تَرجۆمەدَن دە ﺍیستیفادە ﺍئتمیٛنیزی ریجا ﺍئدَردیم.
ویکی‌مئديا ﺍینکوُباتوْروُنا خوْش گَلمیسینیز!
بوُرا ویکی‌مئديا ﺍینکوُباتوْروُدوُر، ﺍوْيئرکی پوْتئنسيال ویکی‌مئديانین ویکی‌پئديا، ویکی‌کیتاب، ویکی‌خَبَر، ویکی‌سؤزلۆک وَ ویکی‌يوْلجوُلوُق کیمی ویکی پروْژئلَرینین يئنی دیل وئرسيوْنلاریٛ حاضیٛرلانیٛب، يازیٛلیٛب، تئست ﺍئدیلیب وَ ویکیمئديا مۆَسیسەسی طَرَفیندَن ﺍئدینمەيە لايیٛق گؤرۆنمەسی تايید ﺍوْلوُنابیلَر. مۆَسیسە = فوْنداسيوْن
بوُنا رَغمَن کی بوُ تئست ویکی‌لَری هَلە ﺍوْز ویکی‌لَرینە صاحیب ﺍوْلمايیٛبلار، ﺍوْنلار هَر هانسیٛ گَرچَک ویکی‌مئديا پروْژئسی کیمی ﺍیستیفادە ﺍوْلوُنابیلَرلَر.
يئنی دیل وئرسيوْنلاریٛنداکیٛ ویکی‌بیلیميوُردوُ بئتا ویکی‌بیلیميوُردوُنا، وَ ویکی‌قايناق ﺍئسکی ویکی‌قايناغا گئدمَلیدیر. وئرسيوْن = سۆرۆم
سیز تامامیلە يئنی پروْژئ دئيیل، سادەجە قاباقجادان وار ﺍوْلان پروْژئنین يئنی ﺍئدیسيوْنوُنوُ باشلاتابیلَرسینیز. ﺍئدیسيوْن = نۆسخە
يئنی تئست ویکی‌سینی نئجە باشلاتابیلَرسینیز.
بیر پروْژئنین يئنی دیل ﺍئدیسيوْنوُنوُ باشلاتماق ﺍیچین بوُرادايسانیٛزسا، بۆتۆن ﺍینفوْرماسيوْنلاریٛ ياردیٛم: مانوُالدا تاپابیلَرسینیز.
لۆطفاً يئرَل خَط‌مَشى‌یمیزین دَرکیندە ﺍوْلوُنوُز. خَط‌مَشى‌= پوْلیسی
بیر نئچە ﺍوْنَملی قوُرال:
سیز بیر گئچَرلی دیل کوْدوُنا ﺍئحتیياجیٛنیٛز وار (مانوُالدا آچیٛخلانیٛبدیٛر)، يوْخوُنوُز ﺍیسە، بیریسی ﺍیچین باش ووُرابیلَرسینیز، يادا ﺍینکوُباتوْر پلوُسا گئده‌بیلَرسینیز. پلوُس= آرتیٛ
بیر تئست ویکی‌سینین بوُرادا باشلانماسیٛ ﺍوْنوُن داها سوْنرا ویکی‌مئديا طَرَفیندَن ﺍوْتوْماتیک ﺍوْلاراق قَبوُل ﺍئدیلمە آنلامیٛندا دئيیلدیر؛ ﺍنوُن ﺍؤنجە دیل کوْمیتەسی طَرَفیندَن تايید ﺍوْلوُنماسیٛ گَرَکیر. داها چوْخ بیلگی ﺍیچین باخیٛنیٛز يئنی دیللَر ﺍیچین ﺍیستَکلَرە
صَحیفەلَرین گَلَجَکدەکی گَرچَک بیر ویکی پروْژئسینە کؤچۆرۆلمەسینە ياردیٛم ﺍیچین، لۆطفَاً تئست دیللَری ﺍیلە ﺍیلگیلی آدلاندیٛرما کوْنوئنسيوْنلاریٛنا سايقیٛ گؤستَرینیز. بۆتۆن تئست صَحیفەلَرینیز (شابلوْنلار وَ کاتئقوْریلری قابساياراق) بَنزَرسیز (بیر ﺍوْنَک قوْللانماقلا—ﺍن آزیٛ دیل کوْدوُ؛ باخیٛنیٛز يوُخاریٛ) وَ ﺍوُيوُملوُ آدلاندیٛریٛلمالیٛدیٛر.
ﺍینکوُباتوْرداکیٛ تئست ویکی‌سینە نئجە قاتقیٛ وئرە بیلَرسینیز؟
حال‌حاضیٛردا بوُرادا تئست ویکی‌سی ﺍوْلان بیر دیل ﺍیلە ﺍیلگیلی بیلگیيە صاحیبسینیزسە، ﺍوْ تئست ویکی‌سینە قاتقیٛ وئرمَنیز قوُووَتلە ﺍوْزَندیریلیر. ﺍوْزَندیریلیر = تَشویق ﺍئدیلیر
بوُرادا بَعضی ﺍکتیو ویکیلَر واردیٛر:
بوُنلار تايید ﺍوْلوُنموُشدوُر وَ / يا ﺍوْلوُشدوُروُلموُشدوُر:
بوُنلار ﺍکتیودیرلَر وَ ﺍوْلابیلسین ﺍوْز سیتەلَرینی آلسیٛنلار:
بوُنلار ﺍوْلاسیٛلیٛقلا بوُرادا قالاجاقلار. ﺍوْلاسیٛلیٛقلا / ﺍحتیمالاً
ویکی‌مئديا ﺍینکوُباتوْروُنداکیٛ ویکی‌لَرین تام لیستی ﺍیچین، باخیٛنیٛز ﺍینکوُباتوْر: ویکی‌لَرَ
ویکیمئديا مۆَسیسەسی باشقا بیر نئچە چوْخدیللی وَ ﺍیچَریگی-پوُلسوُز پروْژئلَری ﺍیشلەدیر. ﺍیچَریک / مؤحتَوا
بو ایمضاسیز يازی Ufw 201 (موزاکیرهچالیشمالار) طرفیندن علاوه‌‌ ائدیلمیشدیر . </noinclude>

یاشاسین. آنجاق یازیلاریمیزی ساده‌جه یازساق(اؤزلجه خوش گلمه دئمک صحیفه‌سینده) یاخشی اولار. سیزی چالیشقات گؤرمک‌دن سئویندیم. چالیشمالارینیز داواملی اولسون. --Arjanizary (talk) 18:07, 12 January 2013 (UTC)
عزیز یولداش، هرکس ترنسلیت‌ویکی‌ده ترجومه اوچون چالیشا بیلر. سیز ده قاریشیب یئنی ترجومه‌لر آرتیریب یا قاباق ترجومه‌لری یاخشیلاتساز، سئوینریک. اما اؤز نوبه‌م‌ده سیزدن خواهیش ائدیرم اورتوقرافی قایدالاری‌له یازین. اورتوقرافی قایدالارینا گؤره، فقط کلمه‌نین ایلک هیجاسیندا حرکه لازیم‌دیر و سونراکی هیجالاردا لازیم دئییل، یعنی مثلاً «ﺍوْلوُنموُشدوُر» یئرینه گرک «ﺍوْلونموشدور» یازاسیر. هم‌ده Iı سسی اوچون ساده‌جه «ی» یازمالی‌ییق و اونا اوشاق درسلیکلریندن سونرا آیری یئرده حرکه لازیم دئییل. سیز ایشلتدیگینیز «یٛ» حرفی چوخلو یازی‌تیپلرینده یوخدور و مثلاً منه مربع کیمی گؤستریلیر. حؤرمت‌له، موسا(دانیشیق) 01:09, 13 January 2013 (UTC)

سايقیٛلیٛ ﺍیشتیراک‌چیٛلار،
بوُرادا بیر نئچە مَطلَبی ذیکر ﺍئتمَلیگَم. ﺍوْرتوْقرافی سئمیناریٛنیٛن آلدیٛغیٛ قَرارلاریٛ وَ بوُ قَرارلاریٛ وئرَنلَرە بۆتۆن سايقیٛم ﺍیلە بیرلیکده، ﺍوْنلاریٛ بیر نئچە لئوئل‌دە دوْغروُ گؤرمۆرَم وَ بوُ پلاتفوْرم‌دا (ویکی‌پئديادا) ﺍوُيقوُلانماسیٛنیٛ ﺍیشین ﺍهَمیيَّت ﺍیلە باغداشدیٛرا بیلمیرَم. لۆطفاً قَراریٛ وئرَنلَری تانیٛيیٛرسیٛنیٛز ﺍیسە مَنیم بوُ ﺍیرادلارئمیٛ ﺍوْنلارا دا چاتدیٛریٛنیٛز.
۱- دۆنيانیٛن ﺍَن قوُراللیٛ دیللَریندَن بیئرﺍوْلان تۆرکجەيە سئمیناریٛن آلدیٛغیٛ قَرارلار ياراشمیٛر، زیرا چوْخ چَترَفیللی، هَم دە چوْخ قايداسیٛزدیٛر.
۲- سئمیناریٛن سئچدیگی ﺍلیفبا نە ﺍوْ زاماندا وار ﺍوْلان عَرَب ﺍلیفباسیٛ (کاراکتئرلَری) ﺍیلە ﺍيغوُن‌یدی، نە ﺍیندیکی ﺍوْلانلارلا. بئلەکی، ﺍوْنلار وار ﺍوْلان ﺍلیفبا کارکتئرلَرینی سئچەبیلَردیلَر (قاززاق وَ يا ﺍوُيغوُر تۆرکجەسی ﺍیچین يارادیٛلمیٛش کارکتئرلَردَن)، آما نَدَنسە سادَجە فارسجايا ﺍوُيقوُلانمیٛش کاراکتئرلَردَن ﺍیستیفادە ﺍئتمیشلَر. هامیٛمیٛزیٛن بیلدیگی کیمی ﺍۆنلۆ (سَسلی) حَرفلَر تۆرکجەدە خئيلی ﺍؤنَملیدیر وَ سادەجە بیر حَرف ﺍیلە کَلمەنین مَعناسیٛ تامامیٛيلا دَيیشیر.
۳- بَس بَللی‌دیر کی ﺍوْ سئمیناردا بیر کامپيوُتئر ﺍوُزمانیٛ يوْخ ﺍیدی (حَتّی بیلیشیم دۆنياسیٛ ﺍیلە يئتَری شئکیلدە ﺍیلگیلَنَن يوْخ ﺍیدی). هامیٛنیٛز بیلیرسینیز کی يازیٛلیٛم (پروْقرامینق) دۆنياسیٛ ۰ وَ ۱ ﺍیلە يارانمیٛشدیٛر. بوُ دۆنيادا ﺍَگَر ﺍیکی آيتئم بیر-بیری ﺍیلە فَرقلی ﺍیسە (نە قَدَر آز ﺍوْلسادا) ﺍوْنلار ﺍیچین فَرقلی ۰۱ کوْمبیناسيوْنوُ ﺍوْلمالیٛدیٛر. ﺍَگَر سیزین ﺍیکی فَرقلی سَسینیز وار ﺍیسە، ﺍوْنلاریٛ فَرقلی کوْد-پوْينت ﺍیلە کاراکتئریزە ﺍئتمَلیسینیز کی، هَر هانسیٛ بیر پروْقرام ﺍوْنلاریٛ بیر-بیریندَن آيیٛرابیلسین. ﺍَگَر سیز "وْ، ؤ، و وَ ۆ" ﺍیچین بیر کاراکتئردَن ﺍیستیفادە ﺍئدیرسینز ﺍیسە، کامپيوْتئر ﺍوْنوُ آيیٛرد ﺍئدەبیلمەيَجَک، زیرا کوْد-پوْينلاریٛ عِينی‌دیر. سیز بوُنوُ "ووْرد ﺍوْفیس"دە دئنەيە بیلَرسینیز. فَرض ﺍئدین کی، سئمیناریٛن قوُراللاریٛ ﺍساسیٛندا بیر يازیٛنیٛز وار وَ ﺍیستَيیرسینیز کی پروْقرام ﺍیلە (ﺍوْتوْماتیک ﺍوْلاراق) بیر سَسلی دياکرئتیک کاراکئری دَيیشَسینیز. بوُ ﺍیش مۆمکۆن ﺍوْلماياجاقدیٛر. زیرا دؤرد کاراکتئر ﺍیچین بیر کوْد-پوْينت‌دان ﺍیستیفادە ﺍئتمیشسینیز. دوْلايیٛسیٛيلا، يارنان پروْبلئملَر ﺍیچیندَن چیٛخماق مۆمکۆن دئيیلدیر. بوُنوُ "ی، ي، گ ،َ ڲ، قَرە'دَکی ە وَ سياه'داکیٛ ه" کاراکتئرلَرینە دَە تَعمیم وئرمَک ﺍوْلار.
زامانیٛمیٛزداکیٛ دۆنيادا (ﺍئلئکتروْنیک دۆنيادا) بیر دیلین ﺍَکتیو ﺍوْلماسیٛ ﺍیچین بوُ دۆنيانیٛن قوُراللاریٛنا ﺍوُيوُم گؤستَرمەلیدیر. بوُ دۆنيا سادەجە بیر بیلگینی تايپ ﺍئتمَک دئيیلدیر! ﺍیندی بیر يازیٛنیٛ سَسە چئویرمَک ﺍوْلوُر وَ بیر يازیٛنیٛ سَسلی شئکیلدە دینلَمَک مۆمکۆندۆر. ﺍما سئمیناریٛن آلدیٛغیٛ قارارلار ﺍیلە بوُ جۆر تئکنوْلوْژیلَری دیلمیزە ﺍوْيقوُلاما ﺍینایٛلماز چَتینلَشیر؛ زیرا بوُ يازیٛ قايدالاریٛ ﺍَساسیٛندا کاراکتئرلَری بیر-بیریندَن آيیٛرماق مۆمکۆن دئيیلدیر.
بۆتؤلۆکدە، مَنجە ﺍَگَر بوُ پلاتفوْرمدا بیر جیددی ﺍیش آپاریٛلماق ﺍیستَنیلیر ﺍیسە، هَر ﺍیشتیراکچیٛ بوُ قوْنوُيا دیقَّت گؤستَرمەلیدیر. بیلمیرَم ﺍوْ قوُراللار نە زامان يازیٛلیٛبدیٛر، آنجاق ﺍوْنوُ تئکینیک باخیٛمیٛندان ویکی‌پئديادا ﺍوُيقوُلاما مَنجە ساقیٛنجالیٛدیٛر.
موُسا بَگین ﺍیشارە ﺍئتدیگی قوْنوُ ﺍیلە ﺍیلگیلی ﺍوْلاراق سؤيلَمەلیگَم کی، يوُخاریٛداکیٛ ﺍوْلان آرقوُمئنت‌لَر ﺍیلە بیرگە، سئمیناردا آلیٛنان قَرار دياکرئتیک عَلامتلَرین يازماسیٛنیٛ گَرکلی گؤرمۆر. مَن بوُرادا "گَرَک يوْخدوُر" عیبارَتینی " ﺍیلزام يوْخدوُر" آنلايیٛرام، دوْلايیٛسیٛيلا، ﺍوْنلاریٛ يازماقدا ساقیٛنجا گؤرمۆرَم. "یٛ" سَسی ﺍیلە ﺍیلگیلی ﺍوْلاراق، سؤيلەمَلیگَم کی، مَنیم ﺍیستیفادە ﺍئتدیگیم لئياوت تۆرکجەيە عايید کاراکتئرلَر ﺍیچین تَرکیبی کاراکتئرلَردَن ﺍیستیفادە ﺍئدیر (بوُ دا سیزین قاباقجا مَنە توْوصيەلَرینیز ﺍَساسیٛندا گَرچَکلَشدیریلمیشدیر) وَ کارە (مۆرَبع) نین گؤرۆنمەسی ﺍیشلَتدیگینیز فوْنت ﺍیلە ﺍیلگیلیدیر. سیز کامیل وَ ﺍیستاندار فوْنت‌لاردا (تايمز نيوُ روْمَن، آريال وَ توْهوْما کیمی فوْنت‌لار) دئيیندیگینیز پروْبلئمی گؤرمَزسینیز. آنجاق "بیر سَس - بیر کوْد-پوْينت" قوُرالیٛ رِعايَت ﺍوْلدوُغوُ ﺍیچین سیز هَر زامان ﺍوْنوُ ﺍوْتوْماتیک دَيیشتیرمە شانسیٛنیٛز وار. ساپوْرت ﺍوْلنمايان کوْد-پوْپينتلاریٛ ﺍوْ فوْنتا آرتیٛردیٛغیٛنیٛز زامان کاراکتئرلَری دۆزگۆن شئکیلدە گؤرَجَک. مَنیم يازدیٛغیٛم يازیٛنیٛ سیز هَر زامان لاتین، يوُنان وَ کریل ﺍلیفباسیٛنا دؤغروُ فوْرمدا ﺍوْتوْماتیک شئکیدە کؤچۆرَبیلَرسینیز.
سايقیٛيلا،بو ایمضاسیز يازی Ufw 201 (موزاکیرهچالیشمالار) طرفیندن علاوه‌‌ ائدیلمیشدیر . </noinclude>

حورمتلي Ufw 201! هاميميز بيليريك كي بو قايدالارا يئني‌دن باخماق لازيمدير. آنجاق بونون اوچون سمينار قورولماق لازيمدير. بونلار دا ويكي‌پئديا ايستيفاده‌چيلري‌نين گورَوي ساييلمير. بو بيزلري ساده‌جه سونوجسوز بير بحثه چيخارا بيلر. چونكو بوردا بيز اورتاق بير دوشونجه‌يه چاتماق ايمكانيميز يوخدور. هاميميزيندا ايستيدلال‌لاريميز بير طرفدن دوزدور، آنجاق بونلارلا قاباغا گئتمك اولماياجاق. چونكو بيز ايلك گوندن اوزوموز بير قايدا قويدوق اونونلادا قاباغا گئديك، سونرالار همين قايدالار اوستونده سوزوموز چيخدي، و سون‌سوزو دئمك اوچون هئچ بير شئي يوخ‌ايدي! بورا بير علمي بيليك‌ليك‌دير. بوردا بيز هامينين اينامين كسب ائده بيلن قايدالارا احتياجيميز وار. اينديكي يازي قايدالاري‌دا قايداسيزليق و اوزباشيناچيليغدان چوخ ياخشي‌دير هئچ، بيزيم اوچون سونسوزده حيساب اولونور. بونا اساسن بوردا االيميز ائله‌ده آچيق دئييل. بعضي كيچيك شئيلري دَييشمك اولور، آنجاق بويوك بير قايداني دَييشمك ايمكانسيزدير. حورمتله --Ebrahimi-amir (talk) 09:33, 13 January 2013 (UTC)

همان سئمینارین آلدیغی قرارلارینادا باخساز بیر سیرا سؤزلرده سؤزبیرلیگی آزدیر. دوزدور بیر سیرا قوُراللاری دَییشملی‌دیرلر آنجاق بو بیزیم وظیفه‌میز دئییل. هر دیل‌ده بئله ایش اولار. فارسجادا ء ایله ی حرفلری کی اولجه همزه سورادان یا حرفی سئچیلدی. منیم باخیشیمدا پیس قانون، قانونون اولماماغیندان داها یاخشی‌دیر. نییه کی بیرلیک یارالدیر. ایر او قانونلار چئویریلسه بیزده اولارا تابع اؤز یازدیقلاریمیزی دَییشه‌بیلریک. --Arjanizary (talk) 10:23, 13 January 2013 (UTC)
ائله‌دير. بوندان باشقا يولوموز يوخدور. --Ebrahimi-amir (talk) 11:00, 13 January 2013 (UTC)
بلی عزیز یولداش، اورتوقرافی قرارلارینین ایشکال‌لاری اولماغینا هامیمیز بیر فیکیرده‌ییک، اما یولداشلار دئدیکلری کیمی پیس قانون هئچ قانون‌دان یاخشی‌دیر و بوردا یازیلار بیرلیگی اوچون اونلارا مجبوروق. دئدیگینیز بیلگی‌سایار نوکته‌لرینی ده من اؤزم بیلگی‌سایار موهندیسی اولدوغوم اوچون تماماً بیلیرم و قاباقجادا آزکانوئرت پروقرامینی یاراداندا دا بوتون بو موشکول‌لرله باش‌باشا وورموشام. اما هله‌لیک بو یاریمچیلیق قانونلاردان سونرا هئچ بیر چاره‌میز یوخدور.
فونت مسئله‌سینی ده میثال اوچون دئدیم. دوزدور من بونلاری باشاریرام و گئدیب زنگین کاراکتئرلی فونت قوروب و بو پروبلئم‌لری حل ائده بیلرم، اما عموم ایستیفاده‌چیلردن بو انتظار اولا بیلنمز. اونلار گلیب یازیلار ایچینده چوخلو کاره گؤرسه‌لر، قورخوب گئدرلر! اونا گؤره هله‌لیک بو پروبلئملرله گئچینمه‌لی‌ییک تا گؤرک نه اولور. اگر گؤزل طراحی باشاران بیر کس تاپیلسا و تورکجه دیلیمیزه اؤزل بیر فونت یارادا بیلسه کی هم دیلیمیزه اویغون و گؤزل اولسون، و هم‌ده بوتون دیلیمیزه مخصوص کاراکتئرلری ایچینده اولسون، ویکی‌پئدیامیزین فونتینی اونا دَییشه بیلریک (نئجه کی ایندی نئچه واخت‌دیر عربجه‌ویکی و فاویکی‌ده اؤزل فونت‌لارا دَییشیبلر). موسا(دانیشیق) 17:07, 13 January 2013 (UTC)

وظیفه‌لر[دَییشدیر]

یولداشلار ایستیردیم بیر اؤنر وئرم. اودا بو کی ایر ایسته‌سزسه بیر اؤتملی و اولویتلی ایشلری اؤز آرامیزدا بؤلک. میثال اؤچون بیری آنا بؤلمه‌لری یارالدا (باشقا ویکی‌لره تای). یاداکی بیر اؤزل صحیفه‌لری یارلدا. اولجه ایشلر بَللی اولا سورا بؤلونه. اوندا یاخشی اولار. هم‌ده کی بیری بیریمیزه یاردیم ائده بیلریک. برنامه‌ایه ایش گؤرسک یاخشی اولار. هم وقتیمیز تلف اولماز هم‌ده کی اولجه اولویتلی ایشلری گؤرریک. تشکورله. --Arjanizary (talk) 18:02, 12 January 2013 (UTC)

من گورولري بولمكله ياناشي دئييلم. چونكو اينسانين آزادليغين آلير ائله بيل. محدود اولور. من شخصن بولوملري ياراتماغا ماراقلي بير اينسانام و هئچ كيم دئمه‌دن بونا چاليشيرام، او بيرلرينده بونا قاريشماسي مني اينجيتمير هئچ چوخدا سئوينيرم.))) آزويكي‌ده اولان زامان Ərəb əlifbalı bölümü üçün həftəlik birgə iş كيمي بير اورتاق چاليشماق مكاني ياراتميشديق. علاقه‌لي اولانلار چاليشا بيلرديلر [۴]. ))) ايندي هر كيم بئله دوشونور كي هر هانسي بير بولومده گئريليك وار (كي چوخلو بولوملرده وار) و بو اورتاق بير چاليشماقلا ياپ ياخشي قاباغا گئدر اونو اورتاق بير چاليشما كيمي تعريفله‌يه بيلر، كند مئيدانيندا يازا بيلر و بو باره‌ده ماراقلانانلاردا اونا يارديمچي اولا بيلرلر. بوجور آزادليق مساله‌سيده حل اولونا بيلر. ياني هر كيم سئويرسه بير اورتاق چاليشمادا ايشتيراك ائده بيلر و يا ائتمز. هامينيزا حورمتله --Ebrahimi-amir (talk) 05:11, 13 January 2013 (UTC)
بيرگه ايش اوچون لازيم اولان صحيفه‌ني يارادديم و بولوملريده بيللنديرديم. اونلاري آرتيرماق و يا اسكيلتمك اولار. ویکی‌پئدیا:هفته‌لیک بیرگه ایش و ویکی‌پئدیا:هفته‌لیک بیرگه ایش/2013/1.هفته . بونلاردا لازيم اولان دَييشيلمه‌لرده گئده بيلر. بيرده ت.ر ويكي كيمي هر كيمين ايشي بير ايداره‌چي طرفيندن اوزل شاخيصلر اساسيندا دَيَرلنديريليب، قيزيل، گوموش و يا بورونج مئدالي وئريله‌ بيلر (هر هفته‌اوچون). بونلارادا دوشونمك لازيمدير. هر هفته هانسي ايداره‌چي بو ايشي بوينونا آلماق و يا بوتونلوكده بير ايداره‌چي بونو گورمك اوچون سئچيلمك لازيم اولا بيلر. هر حالدا بونلار تكجه ايره‌ليليش اوچون يارالي اولسالار داوام ائده بيلرلر. و مئدال و يا اولدوز وئرمه‌لر هر هانسي بير مساله‌يه سبب اولسالار اوندا اونون باره‌سينده يئني‌دن دوشونمك لازيم اولاجاقدير.
بونلار آغير-سنگين ائديب دوزگون يول سئچمك اوزو بويوك بير ايشدير. هامي نظرين يازسين تا داها ياخشي بير يول توتايين. حؤرمتله --Ebrahimi-amir (talk) 05:45, 13 January 2013 (UTC)
بؤلمسک‌‌ده اؤنملی ایشلری باشلایاق گؤرک. سیزین اؤنرینیزده یاخشی‌دیر. نییه کی کیچیک مقاله یاراتماغین یئرینه بیر یاخشی مقاله یارالداق. بیرده چئویرمه ایشینده اؤز دیلیمیزه یاخیین اوسلوبلاری ایشلتسک چوخ یاخشی اولار. میثال اوچون سیویلیزاسیا‌ سؤزو کی بیر آز فیکیرلشندن سونرا آنلادیم اینگیلیسجه‌دن آلینمیش civilization سؤزودور. بو سؤزون یئرینه تانیش مدنیت یوخسا تمدن سؤزو یاخشیراق اولابیلر. یا دا سوقرات و پلاتون کی علم آددیلار و یاخشی‌دیر کی سقراط و افلاطون یازاق. بوجور بیرگه ایش اولسا هره بیر یالنیش گؤرسه چئویرر و مقاله‌نین آنلاماغی آرتیقراق راحاتلاشار.
بیرده من ایستیردیم اینگیلیسجه‌ده کی کیمین آنا بؤلمه‌لری یارالدام. ایر موشکول گؤرموسوز باشلاییم. --Arjanizary (talk) 10:07, 13 January 2013 (UTC)
من او مقاله‌نين باشدان بير نئچه بندين جورلاميشام. قالانين جورلاماق لازيمدير. ت.ر ويكي‌دن آزربايجان توركجه‌سينه (لاتينا) چئوريليب، سونرا عرب اليفباسينا. اونو گوره‌ده اونو نئچه دفعه دَييشديرمك لازيمدير تا هر شئي قايداسيندا اولسون و اوخوجولار يازيلاري چتينليك چكمه‌دن باشا دوشسونلر.))) سيز آنا بولمه‌لري يارادين منده چاليشارام گئجه سيزه قوشولام. حورمتله --Ebrahimi-amir (talk) 10:22, 13 January 2013 (UTC)

دیللر[دَییشدیر]

منیم باخیشیمدا دیللرین آدین بئله یازاق. عربجه، تورکجه، اینگیلیسجه، ایسپانیاجا، روسجا، فارسجا، آلمانجا،اینالیاجا و س. نییه کی هم کیچیک هم‌ده آنلامی وئریر. (فارسجا: فارسی، عربی، ترکی| اینگیلیسجه: Turkish, Arabic, English) و س. داها لازیم دئییل دیل سؤزونوده یازاق( عرب دیلی، فارس دیلی، تورک دیلی، اینگیلیس دیلی و س) نه دئییرسیز؟ --Arjanizary (talk) 20:39, 16 January 2013 (UTC)

مقاله‌ده بیر دیلین قارشیلیغین یازیندا اوجور یاخشی دیر. اورنک اوچون: آلمانجا:..... و یا من آلمانجانی باشاریرام. ولی بولوملرده "آلمانجادا یازان یازیچی" عوضینده "آلمان دیللی یازیچی" کیمی یازینی دوغرو حیساب ائدیرم. آزویکیده بئله یازیلیردی، منده عادتا بئله یازیرام. بونون ادبی دیلده هانسیسا ایرادی وارسا اونو جورلاماق اولار. --Ebrahimi-amir (talk) 20:48, 16 January 2013 (UTC)

دیل شابلونلاری[دَییشدیر]

سالام بَی‌لر. دیل شابلونلاری نئجه ایشله‌ییرلر؟ من اوستورالیا مقاله‌سینده اوندان ایستیفاده ائتمه‌گه چالیشدیم آنجاق آلینمادی. بیر باخین گورون مساله هاراسیندادیر. ایشله‌میرلرسه یئنی‌دن یاراداغین. حورمتله --Ebrahimi-amir (talk) 12:58, 17 January 2013 (UTC)

سلاملار. او شابلونون اینترویکیلریندن بئله گؤرونور کی قایناقلاردا ایشلنن شابلون‌دور. یعنی قایناغین یا ائشیک باغلانتی‌نین سونوندا گلیر و اونون اینگیلیزجه دیلینده اولماغینی بیلدیریر. (ایچینده ایکی نوقطه اولماغی سهودیر). بیر سؤزجویون اینگیلیزجه‌سینی بیلدیرمک اوچون Template:اینگیلیسجه ایشلنیر. موسا(دانیشیق) 15:16, 17 January 2013 (UTC)
تشکورلر موسا بَی.--Ebrahimi-amir (talk) 18:03, 17 January 2013 (UTC)

سس وئرمه‌لر[دَییشدیر]

هامينيزا سالاملار. بوگون In fact-ين ویکی‌پئدیا:سؤزجوکلر صحيفه‌سينده سس‌وئرمه‌لرين گوردوم [۵]. اونون چاليشمالارينا باخديقدا بللي اولور كي او آزربايجان توركجه‌سين ادبي صورتده يازا بيلمير. بونا باخماياراق من اونون بحثلرده شيركت ائتمه‌سينه اعتيراض ائتمه‌ميشم. اونون بورايا گلمه‌سي و اوزل مقاله‌لر باره‌سينده آپارديغي چاليشمالاردا هاميميزا بلليدير. بيرده اونلارين بيزيم ويكي‌ميز علئيهينه قروپلاشماريدا آيدين صورتده بيليريك و من اونو بوردادا يازميشام. بونلارين هاميسي اساسيندا من بو ايستيفاده‌چي‌نين سس وئرمه‌لرين اعتيبارسيز حساب ائديرم. اونون باره‌سينده بو قروپلاشمالارين اصلي اويه‌سي اولدوغو كيمين ده هانسيسا قرار وئره بيلريك. ايسته‌ييرم سيزلرينده نظرلرينيزي بيليم. --Ebrahimi-amir (talk) 05:26, 19 January 2013 (UTC)

بو يازيئيز بونا ربطي يوخدور ؟! In fact (talk) 05:45, 19 January 2013 (UTC)
اینفکت بیزیم یاخشی ایستیفاده چیلردن دیر یاخشی بیلگی‌لری فا ویکیده ویکیه آرتیریب‌دیر.چالیشانلیقی منجه فعلی حالدا او قدر دئییل کی ائده بیله فیکیرین اونملی یئرلرده و سس وئرمه صورتده یایا.من بعضی یازدیقی بحث‌لره باخدیم و بو ایستیفاده‌چی نین آزربایجان تورکجه‌سینده یازماقی نورمال حالتده گؤرمدین امید ائدیرم یازی قایدالاری اوخویالار و قایدالارا باخاراق دَییشیکلیک ائده‌لر.سس وئرمه‌لرده، منجه بیزیم همان آزویکیده اولان قانونلار بوردا گرک فعلی حالتدا ایستیفاده اولونا/منجه اینفکت یولداشیمیز چالیشمالارین دامنه‌سین بیرآز آرتیرسین و یانلیز بیرنئچه خاص مقالده چالیشماسا یاخشی اولار.بو منیم فیکیرلریم دیر هم ویکی‌نین مصلحتی اوچون هم ایستیفاده‌چی لر اوچون مصلحت.حورمتلهE THP (talk) 12:53, 19 January 2013 (UTC)
سعی بَگین سؤزو ایله مؤافقم. من شخصاً بو یولداشیمیزی تانیمیرام، اما آذویکی‌یه باخاراق گؤرونور کی چالیشقان ایستیفاده‌چیلردن‌دیر و بوردا دا بلکی یئنی گلمک اوچون هله فقط اؤزل مقاله‌لرده چالیشماقلاری واردیر. انشاءالله بیر آز چالیشماق ساحه‌سینی آرتیرار و سس وئرمک‌ده ده بیر پروبلئم قاباغا گلمز. موسا(دانیشیق) 14:18, 19 January 2013 (UTC)
ایستیفاده‌چی میز اینفکت‌ین چالیشماسیندان بعضی بیلگی لر وئرمک ایستیرم شاید فیکیر یایماقیمیزدا یاخشی رول ایفا ائده.
  1. آز ویکی:لاتین الفبادا چالیشغان عرب الفبادا چالیشغان .لاتین الیفبا بیزه باغلی اولماماسی اوچون اونو آچیخلا میرام /عرب الیفبا ،اینفکت عرب الیفبادا یانلیز بیر نئچه مقالده چالیشیب البت اونون عرب الیفبادا بوتون لوکله چالیشماسی حدود 80 دَییشدیرمه اولار کی بو دَییشدیرمه لرین ایچینده دیر و دیقت ائتمک له بونو بیلرسسیز کی چالیشمالارین چوخی همین بوردا اولان سیاحه دیر.یعنی فارس کورفزی‌نین مقاله‌سینده .بو ایستیفاده‌چی‌نین چالیشغان اولماسین آرزی ائدیرم.E THP (talk) 18:51, 19 January 2013 (UTC)
منجه اینشااللاه دئمک له مساله‌نی قالدیرماق اولماز. ایندی این فکت و اونون بورایا دعوت ائتدیگی قروپ بورانین ایره‌لیلمه‌سینه بویوک ضربه‌لر وورماقدادیرلار. گوجلو ویکی‌لرده بئله چالیشانلاری راحاتجاسینا مودت سیز بلوک ایله یولا سالیرلار. آنجاق بوردا من بلوکلاییرام همکاریم مندن ایجازه‌سیز آچیر. ))) ایندی بو دورومدا منیم اونریم بودور کی این فکت و او قروپون قوروپو اوچون "کنگر کورفزی"، "گونئی آزربایجان" و بئله اوخشار مقاله‌لرده دَییشدیرمه و هر جورا چالیشمانی قاداغا ائده‌یین و اونلار او بیر مقاله‌لرده چالیشمالارینا داوام ائتسینلر. اوبیری مقاله‌لرده‌ده قایداسیزلیق ائتسه‌لر اوندا یئنی‌دن بو باره‌ده تصمیم توتاریق. هامینیزا حورمتله --Ebrahimi-amir (talk) 18:59, 19 January 2013 (UTC)
بولوکلا مووافیق دئیلم یعنی نیاز دئیل، ولی بو بارده کی بیر سیرا مقاله لر‌ده چالیشماق اولماسین یاخشی بیر فیکیر دیر تا بیر موددت‌له کی ویکی نورمال حالته دؤنه.E THP (talk) 19:24, 19 January 2013 (UTC)
منجه اینفکت دن سونرا او بیری کاربرلر باغلانسینلار نئجه کی ویکی نین آبروسوندان اویناماق دان سونرا بیر ایش گورمویوب لر اوندان علاوه بونلار هله البرز فلاح تورکجه نی یازماقی باشارمیر --Amir a57(دانیشیق) 20:34, 19 January 2013 (UTC)

منجه In fact گرک‌دیر داها آرتیق چالیشملارینی گؤستره، سونرا بو سس وئرمه‌لرده اؤز سسینی وئره. گوله گوله. --Arjanizary (talk) 12:51, 20 January 2013 (UTC)

چالیشقان ایستیفاده‌چی لرین اؤخویاندان سونرا بونلاری تکلیف بیلیرم.
  1. اینفکت یولداشیمیر سس‌وئرمه‌لرده تکجه فیکیرین یایسین امما دستک یا قارشی اولماسین سوندا یازماسین.
  2. یولداشیمیز بعضی حساس مقاله لرده چالیشمانی بیر آز گؤزدن اوزاق ساخلاسین مخصوص حاشیه‌ده اولان بحث‌لر.

حورمتله.E THP (talk) 15:22, 20 January 2013 (UTC)

ویکپدیا قوانینی گوره ، يازماق اوچون بیر نفره باغلامازلار . --Alborz Fallah (talk) 07:48, 21 January 2013 (UTC)

تشكورلر[دَییشدیر]

سايين و حورمتلي آزب ويكي‌نين چاليشقان ايستيفاده‌چيلري. نهايت كي مندن اولان شيكايت، منيم تست ايداره‌چي قالماغيم ايله سونوجلاندي. بو مساله سيزين منه گوسترديگينيز قايغي ايله بئله قورتاردي. اومود ائديرم چاليشمالاريمدا منه گوسترديگينيز بو اعتيمادي دوغرولدام و چاليشمالاريمي بوندان داها آرتيق، ويكي‌پئديانين ايره‌ليليشينه يونلدم. و نهايت اومود ائديرم، بوتون گوجلريميزي ويكي‌ميزين ايره‌ليليشينه يونلتمه‌يه داوام ائده‌جه‌ييك و ياخين بير زاماندا موستقيل ويكي‌ميز يولا دوشه‌جكدير.

يئنه‌ده هامينيزدان تشكور ائديرم. هامينيزا حورمتله --Ebrahimi-amir (talk) 06:39, 21 January 2013 (UTC)

ان‌شاءالله کی بئله اولاجاق‌دیر و یئنی بیر ویکی تشکیل تاپاجاق‌دیر کی اوندا تکجه قایدالار اساسین‌دا ویرایش اولونور. --Elmju (talk) 06:44, 21 January 2013 (UTC)

انشاءالله کی او جور اولا. سیزه تبریک دئمک‌دن سورا، اوردا وئریلمیش تذکرلره‌ده باخماغی توصیه ائدیرم. گوله گوله --Arjanizary (talk) 09:07, 21 January 2013 (UTC)

بۇردا کیم کیمه دیر ؟![دَییشدیر]

حؤرمتلی قردشلر ایمکانی اوْلسا منه گرک اولان ایطیلاعاتی بو یئره گؤره وئریز !!! هاچاندان بورا تشکیل تاپېپ ؟ ایدارهسی نئجهدیر ؟ گلهجهگی نئجه اولاجاقدېر ؟ ... --Arslanteginghazi (talk) 14:56, 21 January 2013 (UTC)

سلام.بیزیم ایستیفاده چیلر یکی اوچ آی دیر بوردا چالیشیر آمما بو پروژه 2006-مین-جی ایلده باشلانیب.یعنی بیزیم ایستیفاده چیلر بو قرار گلیب کی بوردا چالیشا تا بیر یئنی ویکی آچیلا.بیزیم اوچ ایداره‌چی‌میز وار(Ebrahimi-amir،Arjanizary،E_THP )بورانین گله‌جه‌گی منجه بودور بیر زاماندان سونرا دیل کئمیته‌سی بو قرارا گلسه کی بیزیم ویکی اولمالی دیر یئنی ویکی نی بیزه آچار.حورمتله --E THP (talk) 16:28, 25 January 2013 (UTC)

يئني ويكي يئني يول[دَییشدیر]

ايندي آرشيولري آختاريرديم. يازديغيم بير يازيني يئندين بوردا قويماق قرارينا گلديم. اينانيرام كي اونو يئنيدن اوخوماغيميز يارالي اولاجاقدير:


"عزيز دوستلاريم، حورمتلي ويكي‌داشلار!

من آزويكي‌يه گلنده دئمك اولار كي تكيديم. بيزدن قاباق چاليشانلاري اوراني ترك ائتميشديلر(مهرداد، آخان بولوت، تورك اوغلان و...) منيم‌له برابر سعيد بَي ده آزويكي‌يه قوشولدو. سونرالار علم‌آختار گلدي، اورارتو خانيم، ارسلان بَي و... بيز هئچ‌زاددان باشلاديق مقاله ياراتماقا، ويكي قايدالارين كوچورمه‌يه، شابلونلار ياراتماغا و...

ايندي بيز يئني آدديم آتماقداييق. يئني آدديم اوچون يئني دوشونجه يئني پلان لازيم دير. منجه بيزيم اوچ بويوك وظيفه‌ميز وار. بيرينجيسي آبيرلي بير ائنسيكلوپئديا ياراتماق‌دير. آزربايجان توركجه سينده بير الكترونيك ائنسيكلوپئديا. بو ويكي‌پئديا بللي دير كي ويكي پئديا قايدالاري اساسيندا اولاجاق‌دير.

بيزيم ويكي ايكي قوروپ ويكي لرله رقابت آپاراجاق‌دير. توركجه ميزده اولان ويكي‌پئديالار. بوردا بيزيم اصلي رقيبلريميز آنادولوتوركجه سينده اولان ويكي پئديا (توركيه) و قازاق ويكي‌سي‌دير. قازاق ويكي‌سي دورمادان قاباغا گئدير. ايكينجي‌سي فاويكي‌دير. دئمك داي قاباغا گئتمه‌گه ائله‌ده نفسي يوخدور.

بيز بو ويكي‌لري ايكي بولوم‌ده قاباغا كئچمه‌لييك. بيرينجي‌سي كميت ايكينجي‌سي كيفيت.

اوچ هدفيميز بئله اولدو:

1- بيز ويكي قايدالاري اساسيندا، آزربايجان توركجه‌سينده آبيرلي بير ويكي‌پئديا ياراداجاييق.

2- بيزيم ويكي‌پئدياميز مقاله سايي جهت‌دن اوخشار ويكي‌لردن يوخاري‌دا داياناجاق‌دير.

3- بيزيم ويكي‌پئدياميز كيفيت جهت‌دن اوخشار ويكي‌لردن يوخاري‌دا داياناجاق‌دير.

بونون اوچون هم مقاله‌ ياراتمالييق هم سئچيلميش مقاله‌لرين سايين آرتيرمالييق. اورنك اوچون هر 10.000 يئني مقاله ياراداندا 20 دنه سئچيلميش مقاله‌ميز اولمالي‌دير. 50 دنه ياخشي مقاله‌ميز.

بونون اوچون صميمي بير موحيط لازيم‌دير. اوزومدن و هامينيزدان ايسته‌ييرم كي بير قارداش كيمين بيربيريميزين داليندا دوروب يئني هدفلريميزي الده ائتمك اوچون چاليشايين. اينانيرام كي منيم‌له فيكيرداش‌سينيز. هامينيزا حورمتله"

يئنه‌ده هامينيزا حورمتله --Ebrahimi-amir (talk) 06:11, 23 January 2013 (UTC)

بیزه بیر واحید دیل فرهنگستان[دَییشدیر]

سلام یولداشلار منجه بیزه بیر دیل فرنگستان لازیم دیر یعنی اگر اولماسا ویکی نین کوکی دوز اولماز.من بونا فیکیر لشدیم منجه بیز گرک آزربایجان جمهوریتین دیل فرهنگستانین دان ایستیفاده ائدک تا بیزیم یازیلارین بیر مرجع‌سی اولا.E THP (talk) 16:07, 25 January 2013 (UTC)

سالاملار. دولتسيز ميلتين فرهنگيستانيدا اولماز. آنجاق بيز كوك سوز دئييليك. چونكو "بیرینجی و ایکینجی اوْرتوقرافی سمیناری‌نین آلدیغی قرارلار" [۶] بيزيم اوچون ائله فرهينگيستانيميزدان وئريلين سس كيمي دَيَرلنديرمكده‌دير. بو سميناردا ايشتيراك ائدنلر گونئي آزربايجانين لاييقلي فرهنگيستان اؤيه‌لريديرلر. درين حورمتله --Ebrahimi-amir (talk) 05:22, 26 January 2013 (UTC)
من آذربایجان جومهوریتی‌نین دیلینی اصلاً بَیَنمیرم، اونلار موستقیل اولماقلارینا رغماً دیل‌لری بیزیم‌کیندن ده داها قاریشیق‌دیر. سیز باخین «دیگر»، «خیلی»، «برپا» و چوخلو داها فارسجا و عربجه سؤزلر کی اصلاً بیز ایران‌دا ایشلتمیریک، اونلار دیل‌لرینده ایشلدیرلر! بیزیم اؤز گونوموزده‌کی ایشلتدیگیمیز دیل اون‌دان تمیزدیر. منجه امیر بَی دئدیکلری کیمی قایدالار اوچون اورتوقرافی‌دان فایدالانمالی‌ییق‌دیر و کلمه‌لر اوچون ده منیم فیکریمه، تورک دیل قورومونون بیزه تانیش اولان کلمه‌لریندن ایشلده بیلریک. موسا(دانیشیق) 05:54, 26 January 2013 (UTC)

دوزدورکی بیزیم دیل دؤولتسیزدیر، آنجاق من آذربایجان چومهوریتی‌نین دیل قورومونون وئردیگی سؤزجوکلرین یاخشی گؤرمورم. اولار گؤنده‌لیکده کارتوف، دیگر، خیلی و داها باشقا آلینمیش سؤزجوکلر یازیرلار کی بولارین قارشی‌سی اؤز دیلیمیزده وار و داها آرتیق آلینمیش سؤزجوکلردن تانیش‌دیرلار. من او ایشی بَینمیرم. آنجاق بیر یاخشی سؤزو اؤنرسلر(=اؤنر وئرسه‌لر) بیز دانیشیق آپاراندان سورا قبول ائده بیلریک. میثال اوچون بیلگی‌سایار یوخسا بلگه‌یازار و بئله بیر یئنی سؤزجوکلر اوچون اؤنر وئریلدی و ایندی‌ده تانیش‌دیر. هله‌لیک. --Arjanizary (talk) 10:54, 26 January 2013 (UTC)

آزربايجان يوخسا آذربايجان[دَییشدیر]

سالاملار. من بو بحثي سوزجوكلر بحثينده چيخارديب، گونئي آزربايجان مقاله‌سي‌نين دانيشيق صحيفه‌سينده كئچيردديم. اومود ائديرم مساله‌يه داها گئنيش ميقياسلا بحث ائتمه‌يه ايمكان ياراناجاقدير و بو مساله سس سايي ايله يوخ كانسئسوس اساسيندا حل اولوناجاقدير. هامينيزا حورمتله--Ebrahimi-amir (talk) 05:10, 28 January 2013 (UTC)

!!! In fact (talk) 14:35, 28 January 2013 (UTC)