ویکی‌پدیا دانیشیغی:سیلینمگه کاندید مقاله‌لر
اویغون آد
[دَییشدیر]سلاملار سایین Trkgs بی. منجه بو صفحه‌نین آدی «سیلینمگه آدای مقاله‌لر» اولسا داها اویغون اولاجاقدیر. فارسجا ویکیدن باشقا، قوزئی آزربایجان ویکیسی، تورکیه ویکیسی و اینگیلیسجه ویکی هاممیسی بو عونوانی ایشلدیرلر. سایغیلارلا -- Bir Morty (دانیشیق) ۲۸ اوْکتوبر ۲۰۲۱، ساعت ۲۲:۲۳ (UTC)
- @Bir morty: سلام عزیز یولداش. حقیقتاً منه فرقی یوخدور، آنجاق من بورداکی دانیشیقلار اساسیندا بو آدی سئچدیم. البته منجه سیز بویوران آد دا یاخشی بیر آد اولا بیلر، اما ایجازه وئرین گؤرک حؤرمتلی ایشلدن:Alp Er Tunqa بَیین نظری بو باره‌ده نه‌دیر. Trkgs (دانیشیق) ۲۸ اوْکتوبر ۲۰۲۱، ساعت ۲۲:۴۵ (UTC)
- @Trkgs: باغیشلایین من بورداکی دانیشیقلارین آردینی مع‌الاسف اوخومامیشدیم. آنجاق حؤرمتلی Alp Er Tunqa بی‌ین یازدیقلارینین بیرازی ایله یاناشی دییلم. منجه پروژه صفحه‌لریمیزین آدلاری فارسجا ویکیدن یوخ، بلکه مرجع اولاراق اینگیلیسجه ویکیدن گؤتورولمه‌لیدیر. باشقا ویکی‌لر ده (قوزئی آزربایجان و تورکیه ده داخیل) بو قاعیده‌دن ایستیثنا دییل‌لر. اونا گؤره بو آدی اویغون گؤرمورم. آنجاق سیز بویوردوغونوز کیمی Alp Er Tunqa بی‌ین ده باخیشینی بو قونو دا گؤزله‌یه‌ریک. سایغیلارلا -- Bir Morty (دانیشیق) ۲۸ اوْکتوبر ۲۰۲۱، ساعت ۲۳:۰۸ (UTC)
- @Bir morty: بی، من اوز اونریلریمی او صفحه‌‌ده یازدیم انجاق منیم باخیشیم ویکی‌نین بیر ایشلدنی عونوانیندا باشقا ایشلدنلرین باخیشیندان اوستون دئییل. لوطفا سیزده دانیشیقلا بیر ایجماعا چاتماق اوچون اوز باخیشینیز و اویغون نظرده آلدیغینیز آدلاری او ۳ نوع سیلینمگه گوره بورادا یازین. حورمتله --آلپ ار تونقا✉ ۳۰ اوْکتوبر ۲۰۲۱، ساعت ۰۶:۵۲ (UTC)
- @Alp Er Tunqa: سلاملار حؤرمتلی Alp Er Tunqa بی. اؤز باخیشینیزی پایلاشدیغینیز اوچون چوخلو ساغ اولون. منیم نظریمه، او اوچ نووع سیلینمگه بو آدلار داها اویغون اولابیلر:
- Criteria for speedy deletion: تئز سیلینمه معیارلاری (قیسسا اولاراق: تئز سیلینمه)
- Proposed deletion:ء 1- اؤنریلن سیلینمه 2- سیلینمه اؤنریسی
- Articles for deletion:ء 1- سیلینمگه آدای مقاله‌لر 2- سیلینمه‌لی مقاله‌لر
- هانسی آدلارین اوستونده ایجماع اولونسا، منه ده قبول دور. سایغیلارلا -- Bir Morty (دانیشیق) ۳۰ اوْکتوبر ۲۰۲۱، ساعت ۱۶:۵۷ (UTC)
- @Alp Er Tunqa: سلاملار حؤرمتلی Alp Er Tunqa بی. اؤز باخیشینیزی پایلاشدیغینیز اوچون چوخلو ساغ اولون. منیم نظریمه، او اوچ نووع سیلینمگه بو آدلار داها اویغون اولابیلر:
بورادا یازدیغیم کیمی آدای سوزیله مووافیق دئییلم و منجه کاندید داها اویغوندور ( آز ویکیده ایشلنن نامزد بیزیم دیلده ده ایشله‌نیر انجاق فارسجا اولدوغو اوچون خوشلامیرام). آنجاق او بیری اونریلرینیزله مووافیقم. حورمتله آلپ ار تونقا✉ ۳۱ اوْکتوبر ۲۰۲۱، ساعت ۰۷:۰۰ (UTC)
- @Alp Er Tunqa: حؤرمتلی آلپ ار تونقا بی، کاندید/کاندیدا سؤزو منیم نظریمده اویغون دییل. تورکجه آدای، اینگیلیسجه/فرانساجا کاندیددن داها اویغوندور منجه. لاتین آزربایجان و حتی بعضاً تورکیه‌ده ایشلنن فارسجا نامزد سؤزونه ده کسینلیکله قارشییام. اؤنردیگیم ایکینجی سئچه‌نگه (سیلینمه‌لی مقاله‌لر) ده قارشی اولسانیز، سس وئرمه‌یه آپاراق و اوستونده ایجماع ائدک. سایغیلارلا -- Bir Morty (دانیشیق) ۱ نوْوامبر ۲۰۲۱، ساعت ۱۵:۵۳ (UTC)
@Alp Er Tunqa and Bir morty: منجه ده اوچونجو مورده گؤره سیلینمه‌یه آدای مقاله‌لر آدی اوبیرسی آدلارا گؤره داها اویغوندور.Trkgs (دانیشیق) ۱ نوْوامبر ۲۰۲۱، ساعت ۱۹:۴۰ (UTC)
- @Bir morty: بی، یازدیغیم کیمی اوبیری اؤنریلرله مووافیقم و سیلینمه‌لی مقاله‌لر منجه اویغوندور. بیزیم دیلیمیزده آدای آدیندا بیر سؤز یوخدور و بیز آداخلی سوزجوکوندن فایدالانیریق آنجاق بیزیم دیلیمیزده بو سؤز چوخراق ائولنمه موضوعوندا ایشله‌نیر و بیر سس‌وئرمگه قاتیلیب رای ییغماق دالیسیجا اولان مفهوما کاندید سؤزجوگو داها یاخشیدیر. سیزین فارسجا تاثیرین و او دیلده ایشلنن سؤزجوکلری اولدوقجا دیلیمیزدن آریدیب، اوزاقلاشدیرماسینا چالیشماغینیزی آنلاییرام، آنجاق قرار دئییل اوز دیلیمیزین اؤزل تورکجه ایصطلاحلاریندان آذربایجان جومهوریتی و تورکجه تورکجه‌سینده ایشله‌نن موعادیللری نفعینه گؤزیوماق. حؤرمتله آلپ ار تونقا✉ ۲ نوْوامبر ۲۰۲۱، ساعت ۰۶:۱۵ (UTC)
- @Alp Er Tunqa: حؤرمتلی آلپ ار تونقا بی، سوروشابیله‌رم بیزیم دیلیمیزده کاندید سؤزو وار یا یوخ؟ اگر وار، هاردان گلیب؟ اگر یوخ، نه اوچون سیز اونو آدایدان داها اویغون گؤرورسونوز؟ من کلمه‌لر اوستونده ساواش آپارماق قصدیم یوخ، بو ایشله ده هم اؤزومون و هم سیزین واختینیزی آلماق ایسته‌میرم، آنجاق بونو دئمه‌لی‌یم بیزیم تورکجه‌میز (گونئی آزربایجاندا یازیلیب ایشلنن) مع‌الاسف موستقیل و رسمی بیر دیل اولابیلمه‌ییب و تاریخ بویو فارسجانین کؤلگه‌سی آلتیندا قالیب، اونا گؤره ده دیلیمیزده یایغین اولان کلمه‌لرین یوزده دوخسانی تورکجه ترسینه فارسجادیر! بیزیم "فرهنگستان زبان و ادب پارسی" کیمین بیر قورولوشوموز یوخدور، یئنی کلمه‌لر یارادابیلمیریک کی هئچ، اسکی کلمه‌لریمیزی ده اونودماقداییق. بوتون میللتلر دیللرینی گئنیشلندیرمک چاباسیندا، آنجاق بیزیم دیلیمیز حؤکومت طرفیندن یاساق/یاریمچیق یاساق حالیندا. بو شراییطده، دیلیمیزی قوروماق ایسته‌سک، تورکیه و قوزئی آزربایجاندا ایشلنن تورکجه کلمه‌لردن یارارلانمالی‌ییق. اگر کاندید کیمی بیر اؤزگه کلمه دیلیمیزه گیریب و تورکجه کلمه‌لردن "داها یاخشی" اولوب، تورکجه آدای و آدایا تای کلمه‌لر نیه بو مووقعیته ال تاپابیلمیرلر؟ اؤز دیلیمیزین اؤزل تورکجه ایصطیلاحلارین من ده بیه‌نیرم و قوروماق ایسته‌ییرم، آنجاق چوخلو تخصصوصی مبحثلر ده (بیلیم ساحه‌سینده، فیلم و سینما دونیاسیندا، ورزیش ساحه‌سینده، تکنولوژی ایله ایلگیلی مبحث‌لرده و ...) اؤز تورکجه‌میزده هئچ بیر موعادیل کلمه یوخدور. (یوخاریدا دئدیگیم نه‌دنلردن دولایی) بو شراییطده، سیزین اؤنرینیز نه‌دیر؟ گونده‌لیک دانیشیقلاریمیزدا یایغین اولدوغونا گؤره فارسجایا سیغیناق؟ یوخسا قوزئی آزربایجاندا و تورکیه‌ده (حتی بعضاً باشقا تورک اؤلکه‌لرینده) ایشلنن تورکجه کلمه‌لری منیمسه‌یک و دیلیمیزین وارلیغینا آرتیراق؟ سئچیم سیزینله. -- Bir Morty (دانیشیق) ۲ نوْوامبر ۲۰۲۱، ساعت ۱۳:۲۸ (UTC)
- @Bir morty: بی، عراق تورکمنلری قاباغیمیزدا بیر دیری میثالدیرلار. اونلار آذربایجان تورکجه‌سینه یاخین بیر لهجه‌ده دانیشیرلار آنجاق یازیلیشلاری بوتونلوکله تورکیه تورکجه‌سینده دیر. بیز اؤزوموز و دیلیمیزی آلچاق ساییب اوزوموزو اونلارین گونونو سالمامالییق. ایندی سیزجه آدای یئرینه اؤز دیلیمیزده ایشلنن موعادیلی آداخلی سؤزجوگوندن فایدالانساق نه ایرادی واردیر؟ سیزین آرخایین اولماغینیز اوچون خاطیرلامالییام آداخلی تورکیه تورکجه‌سینده ده ایشله‌نیر! ( ۱ - ۲ ) --آلپ ار تونقا✉ ۳ نوْوامبر ۲۰۲۱، ساعت ۰۵:۵۵ (UTC)
- @Alp Er Tunqa: آلپ ار تونقا بی، منجه آداخلی سؤزجوگونو ایشلتمگیمیزین هئچ ایرادی یوخدور. من ده آداخلی‌یا قارشی اولدوغومو بیر یئرده یازمامیشام. بلکه منیم نظریمه بو قوْنودا آدای، آداخلیدان داها اویغوندور. سیز یوخاریدا یازمیشدیز آدای سؤزجوگو بیزیم دیلیمزده یوخدور و سیز اونا قارشی‌سینیز و کاندید آدای'دان داها اویغوندور. بوحالداکی کاندید سؤزجوگو ده بیزیم دیلیمیزده یوخدور! اگر تورکیه‌ده ایشلنن سؤزجوکلری ایشلتمکله عراق تورکلری‌نین گۆنونه دوشرسک، کاندید کیمی اؤزگه سؤزلری ایشلتمکله کیمین گۆنونه دؤشریک؟ یوخاریدا سوروشدوغوم سوْرویا جواب وئرمه‌دیگینیز اۆچون بیر ده سوروشورام: تخصوصی مبحثلر (فیزیک، ریاضی، شیمی، کامپیوتر و تکنولوژی، هۆنر، فیلم و سینما، ورزیش، نوجوم، سیاست، ایقتیصاد و ...) ایله ایلگیلی سیزین ترجیحینیز نه‌دیر؟ اؤز تۆرکجه‌میزده موعادیللری اولمادیغی اۆچون، فارسجا کلمه‌لری ایشله‌دک، یوخسا تورکیه و آزربایجاندا ایشلنن سؤزجوکلردن یارارلاناق؟ -- Bir Morty (دانیشیق) ۳ نوْوامبر ۲۰۲۱، ساعت ۱۳:۳۶ (UTC)
- @Bir morty: بی، موطلق دئیه بیلمیرم، انجاق منیم ده سؤزجوک سئچیمینده بیرینجی اولویتیم تورکجه سؤزجوکلریدیر آنجاق نئچه شرطله. مثلا علم یئرینه بیلیمی سئچیرم چونکو بیلیم دانیشیق دیلیمیزده اولمازسا دا بیلمک فعلیندن فایدالانیریق و اوخوجو بیر آز دیقتله آنلامینی آنلایا بیلر آنجاق فضا یئرینه اوزای یوخسا فارسجا سرباز یئرینه عربجه عسکر یازماقلا قارشییام. منجه بو دانیشیغی داها چوخ اوزاتماییب، ایجماعلا موعادیللری سئچمه‌لیییک. حؤرمتله --آلپ ار تونقا✉ ۶ نوْوامبر ۲۰۲۱، ساعت ۰۶:۱۰ (UTC)
- @Alp Er Tunqa: آلپ ار تونقا بی اؤز باخیشینیزی بیلدیرمک اۆچون چوخلو ساغ اوْلون. منجه ده بحثی اوزاتماغا گرک یوخ. ایجماع اۆچون سس‌وئرمه گرکدیرسه، لوطفا سیز زحمتین چکین. سایغیلارلا-- Bir Morty (دانیشیق) ۶ نوْوامبر ۲۰۲۱، ساعت ۱۷:۲۷ (UTC)
- @Bir morty: بی، من اول ایکی اؤنرینیز ( تئز سیلینمه و سیلینمه اؤنریسی) ایله مووافیقم. ایجازه‌نیزله تکجه اۆچونجو موعادیل اوچون سس‌وئرمگی آچیرام. Alp Er Tunqa ☎ ۸ نوْوامبر ۲۰۲۱، ساعت ۰۶:۳۹ (UTC)
- @Alp Er Tunqa: تشکورلر -- Bir Morty (دانیشیق) ۸ نوْوامبر ۲۰۲۱، ساعت ۰۹:۰۹ (UTC)