پوْرتال:فلسفه/تانیشدیرماغ
فلسفه سؤزونون اصلی (فیلوسوفیا) philosophia یونانجا دیر و ایکی آیری سؤزدن عیبارتدیر. "فیلو" philo سئوگی معناسیندا گلیر؛ "سوفیا" ایسه sophia "بیلگه‌لیک" (مودریکلیک) آنلامیندادیر. "فیلوسوفیا"بیلگه لیک سئوگیسی دئمکدیر. "فیلوسوفوس (فیلوسوف) دا، "بیلگه لیگی سئون" ،"معلوماتی آختاران و اونا چاتماق ایسته‌ین" اینسانا دئییلیر. "فیلوسوف" آدینی ایلک دفعه پیتاقوراس(فیثاغورث) (۵۷۰- ۴۹۵ م. اؤ) ایشلتمیشدیر. اؤزونه "بیلگه " یئرینه بیلگه‌لیک سئودالیسی دئمیشدیر. دیگر اینسانلارا وئریلن بیلگه، ذکالی، اوستاد کیمی عونوانلاردانسا؛ آنجاق بیلگه‌لیک سئودالیسی اولدوغونو سؤیله‌میشدیر. فیلوسوف، بیلگه اولماما تواضع کارلیغینی گؤسترن شخصدیر.