چرنوبیل فاجیعه‌سی

ویکی‌پدیادان، آچیق بیلیک‌لیک‌دن
چرنوبیل اوتمی مرکزی حادیثه‌دن قاباق

چرنوبیل فاجیعه‌سی-۲۶ آوریل ۱۹۸۶ تاریخینده شوروی بیرلیگینه باغلی اوکراین شوروی سوسیالیست جومهوریتینین پریپیات شهری یاخینلیغینداکی چرنوبیل اوتمی مرکزینده‌کی ۴ نومره‌لی راکتوردا باش‌وئرن حادیثه‌دیر.[۱][۲] حادیثه میلتلرآراسی اتومی حادیثه‌لر میقیاسینا گؤره بۇگۆنه قدر مئیدانا گلمیش ان بؤیوک اتومی حادیثه‌لردن بیریدیر. چرنوبیل فلاکتی، میلتلرآراسی اتومی حادیثه‌ٰلر مقیاسیندا ان یوخاری صینفلندیرمه حدی اولان ۷ ایله میقاسیلاندیریلمیشدیر. تکجه ایکی اتومی حادیثه بئله بیر یوخاری درجه‌ده صینفلندیریلمیشدیر. بونلاردان بیری چرنوبیل فاجیعه‌سی، اوْبیری‌سی ده ۲۰۱۱ ایلینده فوکوشیما اتومی مرکزینده باش‌وئرن قضادیر. حادیثه‌نین تلفات و خیسارتلری باخیمیندان تاریخین ان فجیع ایکی اتومی حادیثه‌لریندن بیریدیر. حادیثه سونراسی ۵۰۰.۰۰۰ دن چوخ ایشچی فاجیعه‌یه موداخیله ائدیب بیر چوخو رادیاسیونوا معروض قالدیلار. ۳۱ نفر حادیثه اثناسیندا اؤلدو و خرجلری ۱۸ میلیارد شوروی روبلونا یئتیشدی -۲۰۱۹ ایلی‌نده تورمو حسابا آلماقلا تخمیاٌ ۶۸ میلیارد آمریکا دولارینا برابردیر.[۳] بو حادیثه‌ده چوخ بؤیوک بیر منطقه‌یه یاییلان رادیاسیونا گؤره اۇزون زاماندا داها آغیر بیر ضرر وئردیگینه اینانیلیر.

قایناقلار[دَییشدیر]

  1. ^ "Chernobyl Nuclear Accident". www.iaea.org. 14 May 2014.
  2. ^ Burgherr, Peter; Hirschberg, Stefan (2008). "A Comparative Analysis of Accident Risks in Fossil, Hydro, and Nuclear Energy Chains". Human and Ecological Risk Assessment: An International Journal. 14 (5): 947–973. doi:10.1080/10807030802387556.
  3. ^ "RBMK Reactors". World Nuclear Association. June 2016. 5 November 2018-ده اوریجنال-دن آرشیولشدیریلمیشدیر. 8 November 2018-ده یوخلانیب. {{cite web}}: Unknown parameter |dead-url= ignored (|url-status= suggested) (help)