ژرژ ساند

ویکی‌پدیا، آچیق بیلیک‌لیک‌دن
پرش به ناوبری پرش به جستجو
ژرژ ساند
George Sand.PNG
اصل آدی آمانتین لوسیل اُورُرو دوپن
دوْغوم تاریخی ۱ ژوئیهٔ ۱۸۰۴
پاریس - فرانسه
اؤلوم تاریخی ۸ ژوئن ۱۸۷۶ (۷۱ یاشیندا)
نوان ویک- فرانسه
میلیت فرانسه‌لی
لقبی کيشی لقبلی قادين يازيچی
پئشه یازیچی
یازی سبکی رومانتیسم
تاثیر قویموش {{{تاثیر قویموش}}}

ژرژ ساند (۱ ژوئیه ۱۸۰۴، پاریس–۸ ژوئن ۱۸۷۶، نوان-ویک) فرانسه یازیچیسی، بعضیلری طرفیندن فمینیست اولاراق گؤرولسه ده، اؤزو بو حرکاتا داخیل اولدوغونو قبول ائتمه‌میشدیر. مشهور بسته‌کار فریدریک شوپن‌له سئوگی علاقه‌لری اولموشدور. فرانسه‌نین ایلک قادین یازیچیسی اولاراق تانینیر.

یاشاییشی[دَییشدیر]

اصل آدی آمانتین آورورا لوسیل دوپن (فرانسیزجا: Amantine Aurore Lucile Dupin)اولان ژرژ ساند ۱۸۰۴-جو ایلده پاریسده آنادان اولموشدور. اوشاقلیغینی نه‌نه‌سی ماری دوپن‌له کئچیرمیشدیر. بئش یاشیندا ایکن او، فرانسه دیلی‌نین قراماتیکاسینی، لاتین دیلینی، جوغرافیانی، تاریخی و بوتانیکانی (بیتگی تانیما بیلیمی) اؤیرنمیشدیر. او، اوشاقلارلا ماراقلی اویونلار اویناماغی و مئشه‌ده گزمگی چوخ سئویردی. آورورا بیر نئچه ایلینی قادین صومعه‌سینده کئچیرمیشدیر.

۱۸۳۲-جی ایلده او، "ایندیانا" اثرینی ژرژ ساند لقبی ایله یازمیشدیر. بو اثر بؤیوک موفقیت قازانمیشدیر. سونرا او، "ولنتاین" (۱۸۳۲) و "کونسولو" (۱۸۴۲) اثرلرینی یازمیشدیر. پاریسده‌کی ائوینده ژورژ ساند داهی یازیچیلارلا گؤروشوردو. اونون یاخین دوستلاری آلفرد دو موسه، هنریخ هینه،اونوره دو بالزاک، ایوان تورگینیف و موغنی پولینا ویاردو اولموشلار.

ژورژ ساند رومانلارلا یاناشی بیر نئچه ناغیل، پووست ده یازمیشدیر. ۱۹-جو عصرده یازیب-یارادان یئرلی یازیچیلاردا اولدوغو کیمی، اونون یارادیجیلیغیندا دا فرانسه‌نین عادت-عنعنه‌لری، میلّی ادبیاتی حاقیندا اثرلر واردیر.

اوشاقلار اوچون ژ. ساند "نه‌نه‌مین ناغیللاری" (۱۸۷۳)، "ملگین توزو"، "گوللر ندن دانیشیر؟" و س. ناغیللار یازمیشدیر. بو ناغیللاری اساساً اؤز نوه‌لری اوچون یازمیشدیر. ناغیللارین سوژه‌سینی او، خالقین ایچریسیندن گؤتوروردو. ناغیللاردا پداقوژی تربیه‌یه ده اوستونلوک وئریردی. بو ناغیللاردا او، اینسانین اینسانا حؤرمتینی، کیچیکلرین بؤیوکلره حؤرمتینی، خئیری شردن آییرماغی جانلاندیرماغا چالیشمیشدیر. ژورژ ساند ۱۸۷۶-جی ایلده وفات ائتمیشدیر.

کوراوغلو رومانی[دَییشدیر]

ژرژ ساندین اثرلری ایچریسینده 1833 ده یازدیغی "کوراوغلو، پارس دستانی" آدلی بیر رومان دا واردیر.