کامیلو قولقی

ویکی‌پدیا، آچیق بیلیک‌لیک‌دن
پرش به ناوبری پرش به جستجو


کامیلو قولقی
آد کامیلو قولقی
قیسا بیلگی نوبل طیب و فیزیولوژی اؤدواونو قازانمیش ، 1906
دوْغوم تاریخ 1843
کورتنو ، ایتالیا
اؤلوم تاریخ 1926
پاویا ، ایتالیا
میلّیت ایتالیا

کامیلو قولقی - ایتالیا عالیمی، هیستولوژی، نوبل اؤدولی لاورئاتی

حیاتی[دَییشدیر]

مشهور ایتالیا هیستولوژیو (توخومالاری اؤیره‌نه‌ن علم ساحه‌سی) کامیلو قولقی ۱۸۴۳-جو ایل ایول آیینین ۷-ده ایتالیانین کورتئنو شهرین‌ده دوغولموش‌دور. پاویا بیلیم یوردونده مشهور بوتانیک اوسبیو اولانین رهبرلیگی آلتین‌دا طیب تحصیلی آلان قولقی ۱۸۶۵-جی ایلده همین بیلیم یوردو بیتیره‌رک، پاوییاداکی سان-ماتتئو خستخاناسینین پسیخاترییا کلینیکاسین‌دا فعالیته باشلامیش‌دیر. بیلیم یوردو دا معلمی جولیو بیسوسرونون لابوراتوریاسین‌دا ایسه بئیینین قورولوشو و سینیر سیستمی ساحه‌سین‌ده آراشدیرمالارینی داوام ائتدیرمیش‌دیر.

آراشدیرمای[دَییشدیر]

۱۹-جو عصرده میکروسکوپون تکنیکی ایمکانلارینین اینکیشافی ایله علاقه دار عالیملرین هوجئیره و توخومالار ساحه‌سین‌ده‌کی نظری بیلیکلری چوخ آرتمیش، ۱۸۵۰-جی ایلده آلمان عالیمی رودولف ویرخووون چاپ‌دان چیخمیش "هوجئیره پاتولوژیسی" کیتابین‌دان سونرا ایسه بو ساحه‌ده‌کی آراشدیرمالار داها دا گئنیشلنمیش‌دیر. دیگر طرف‌دن ایسه بئیین هوجئیره‌لرینین (نئیرونلارین) آراشدیریلماسی زامانی اننوی اۆصوللارا مراجعت ائدیلمه‌سی دوزگون علمی نتیجه‌لرین آلینماسینا چتین‌لیک تؤردیردی. کامیلو قولجینین میکروسکوپیک نئیروآناتومی ساحه‌سین‌ده ایلک آراشدیرمالاری ۱۸۶۰-جی ایللرین سونلارین‌دا نشر اولونموش‌دور. ۱۸۷۲-جی ایلده آبیاتقراسو شهر خستخاناسینین باش سانیتار موفتتیشی وظیفه‌سینه تعیین ائدیلدیک‌دن سونرا لابوراتوریا تجروبه‌لری آپارماغا واختی و ایمکانی محدودلاشدیغین‌دان آراشدیرمالارینی ائوینین مطبخین‌ده داوام ائتدیرمیش و نئیرون توخومالارینین آزوت‌لو گوموشه باتیریلدیق‌دا قارا رنگه بویاندیغینی آشکار ائتمیش‌دیر. بو اۆصول علم عالمین‌ده اوّلجه احتیاطلا قارشیلان‌سا دا، ۱۸۸۰-جی ایللردن اعتباراً مشهورلاشماغا باشلامیش‌دی. قولقی ۱۸۹۸-جی ایلده نئیرونلار اوزرین‌ده آپاردیغی آراشدیرما زامانی اونلارین آراسین‌دا اینجه ساپلارلا هؤرولموش تور موشاهیده ائتمیش و بونا "هولجی کومپلکسی" آدینی وئرمیش‌دیر. بو توخومانین اؤیرنیلمه‌سی یالنیز الکترون میکروسکوپون کشفین‌دن سونرا مۆمکون اولموش‌دور.

نوبل اؤدولی آلماسی[دَییشدیر]

کامیلو قولقی ۱۹۰۶-جی ایلده سانتیاقو رامون- -کاخاللا برابر "سینیر سیستمینین ایستروکتورونون اؤیرنیلمه‌سی ساحه‌سین‌ده‌کی فعالیتلرینه گؤره" طیب و فیزیولوژی اوزره نوبل اؤدولینا لایق گؤرولموش‌دور.

دیگر ایشلری[دَییشدیر]

قولقی، مالاریا خسته‌لیگی ایله باغلی آراشدیرمالار دا آپارمیش و گلدیی قناعت بو ساحه‌ده نوبل اؤدولینین دیگر لاورئاتی رونالد روسسون فیکیرلرینه عکس اولموش‌دور. عالیم ۱۹۰۰-جو ایلده پاوییا بیلیم یوردودا رکتورو، طیب فاکولته‌سینین دکانی تعیین اولونوش، ایتالیا کرالی ۱-جی اومبرتو طرفین‌دن "سناتور" فخری آدینا لایق گؤرولموش‌دور.

وفاتی[دَییشدیر]

کامیلو قولقی ۱۹۲۶-جی ایل ژانویه آیینین ۲۱-ده پاوییا شهرین‌ده وفات ائتمیش‌دیر.

قایناقلار[دَییشدیر]