کپز فوتبال کولوبو
| فایل:Kapaz PFK logo.png | |||
| لقب(لر) | "داغلیلار" "یئنیلمز آرمادا"' "غربلیلر" "ساری-گؤیلر" | ||
|---|---|---|---|
| قۇرولوش | ۱۹۵۹ | ||
| ایستادیوم | Ganja City Stadium, Ganja, Azerbaijan | ||
| یئرلشیمی | 27,000 | ||
| President | Elmir Valiyev | ||
| باشمشقچی | Shahin Diniyev | ||
| لیگ | آذربایجان پرمیر لیقاسی | ||
| 5th | |||
| وئبسایت | کولوبون وبسایتی | ||
|
| |||
کپز حرفه ای فۇتبول کلۇبو — آذربایجانین ایکینجی بؤیوک شهری اوْلان گنجه شهرینی تمثیل ائدن فۇتبول کلۇبو. آذربایجان فۇتبولونون ایکی عظمتلی کلۇبوندان بیری اوْلان کپزین اساسی ۱۹۵۹-جو ایلده قویولوب. شوروی دؤنمینده ده آذربایجانین ان اۇغورلو ایکی فۇتبول کلۇبوندان بیری اوْلان کپز ۱۹۹۲-جی ایلدن اعتباراً ۳ دفعه آذربایجان پرمیر لیقاسینین و ۴ دفعه آذربایجان کوبوکونون غالیبی اوْلوب و نفتچیدن سوْنرا اؤلکهنین ان بویوک فۇتبول کلۇبودور. کپز آذربایجاندا و قافقازدا ان بؤیوک طرفدار اوْردوسونا صاحیب فۇتبول کلۇبودور."گنجهلیلر"آذربایجان فۇتبولونون "یئنیلمز آرمادا"سی حساب ائدیلیر و اؤلکه فۇتبولونداکی چوخ رکوردلارین صاحیبیدیر بۇ کلۇب."کپز حرفه ای فوتبول کلوبو" بیر نؤع "گنجه" شهرینین سمبولو حساب ائدیلیر
تاخیمین یارانماسی و شوروی دؤورو[دَییشدیر]
"کپز"ین یارانماسی تخمیناً ۲۰-جی عصرین ۵۰-جی ایللرینین سوْنونا تصادوف ائدیر. همین ایللرده شوروی فۇتبول فدراسیاسی ایکینجی دستهده آذربایجان کلۇبلارینین سایینی آرتیرماغی قرارا آلمیشدی. گنجهده "توخوجو" فۇتبول کلۇبو یاراندی، سوْنرا کلۇبون آدی "دینامو" آدینا دییشدیریلدی. ۱۹۶۲-جی ایلده کپز "نفتچی"یه و کی یف "دینامو"سونا غالیب گلهرک، اؤلکه کوبوکونون ۱/۴ فینال مرحلهسینه چیخمیشدی.کپزین بۇ اۇغورو نظامی یوردونون نفوذونو شوروی مکانیندا داهادا آرتیردی.۱۹۶۵-جی ایلده "دینامو" آدی آلتیندا شوروی چمپیوناتین ین بیرینجی دستهسینه وثیقه قازانان کپز،۳ ایل سوْنرا ایسه سسسر چمپیوناتین ین ۱جی دستهسینده چمپیون اوْلوب گۆجلولر دستهسینه وثیقه قازاناراق آذربایجان فۇتبول تاریخینده بیر ایلکه ایمضا آتمیشدی.بئله کی،اؤلکهنین فۇتبول تاریخینده ایلک دفعه اوْلاراق آذربایجان شوروی گۆجلولر دستهسینده ایکی تاخیم ایله تمثیل اوْلوناجاقدی.کپز شوروی ۱-جی دستهسینده چمپیون اوْلاراق قیزیل مداللار قازانان یگانه آذربایجان کلۇبو اوْلموشدور. قئید ائدک کی،اؤلکهنین دیگر تمثیلچیسی نفتچی شوروی چمپیوناتین ین ۱-جی دستهسیندن گۆجلولر دستهسینه وثیقه قازانارکن اۆچونجولوکله کیفایتلنهرک بورونز مداللاری الده ائدیب وثیقهنی تامین ائتمیشدیر.
موستقیللیک دؤورو[دَییشدیر]
آذربایجانین موستقیللییی دؤورونده شهرده فۇتبول یئنی اینکیشاف دؤورونه قدم قوْیدو. "کپز" ۳ دفعه قیزیل مداللاری قازانماقلا "نفتچی"دن سوْنرا آذربایجان چمپیونو آدینا ان چوْخ لایق گؤرولن ایکینجی کلۇبدور. ۱۹۹۵، ۱۹۹۸ و ۱۹۹۹-جو ایللرده قازانیلان چمپیونلوقلاردان باشقا، داها ۱ دفعه گوموش، ۲ دفعه ده بورونز مدال قازانمیشدیر.
"کپز" ۴ دفعه ده اؤلکه کوبوکونون صاحیبی اوْلوب.کپز ۱۹۹۷-۱۹۹۸-جی ایلده آذربایجان جئمپیونو اوْلماقلا برابر اؤلکه کوبوکونون صاحیبی اوْلوب.
کپز آذربایجانین رکوردچوسودور[دَییشدیر]
کپز آذربایجان فۇتبولونون "یئنیلمز آرمادا"سی ساییلیر بۇنا سبب ایسه ۱۹۹۷-۹۸ جی ایللرده کپز قارشیسینا چیخان بۆتون رقیبلرینی بؤیوک حسابلارلا ازیب کئچیر و سوْندا هم اؤلکه چمپیونو آدینی قازانیر هم ده اؤلکه کوبوکونون صاحیبی اوْلور بئلهلیکله کلۇب فصل عرضینده کئچیردیی هئچ بیر رسمی اوْیوندا مغلوب اوْلمایاراق آذربایجاندا بۇ گؤستریجیده رئکوردا صاحیب اولور قئید ائدک کی،هلهده کپزدن باشقا هئچ بیر کلۇب فصل عرضینده کئچیردیی بۆتون اوْیونلاردا مغلوب ائدیلمزلیینی قورویا بیلمهییب.
گنجه فوتبولو[دَییشدیر]
گنجه فۇتبولونون تاریخی تخمیناً بیر عصره دایانیر.گنجه همیشه آذربایجانین فۇتبول مرکزی اوْلوب.تصادوفی دئییلکی آذربایجان فۇتبول ایجتیمایتی بۇ قدیم شهری "آذربایجان فۇتبولونون مکهسی" آدلاندیریر. هله شوروی دؤوروندیکن دۆنیانین مشهور، افسانوی مشقچی "والری لابانووسکی" گنجهنی "کیچیک برازیلیا" آدلاندیرمیشدیر. بئلکی گۆنوموزده ده بۇ شهرین ایسته نیلَن محلهسینه گئتسهنیز آز یاشلی اۇشاقلارین فۇتبول اوْینادیغینین شاهیدی اوْلارسینیز.گنجه فوتبولو اؤلکه فۇتبولونا هر زامان سایسیز حسابسیز ایستعدادلار بخش ائدیب.موزففر قاسیماوف، سرگی کرامارنکو،مهمان الله وئردی اوف، نووروز عظیماوف،ماشاالله احمداوف،ولی قاسیماوف، یونیس حسیناوف، ویدادی رزای اوف، خالیق مرداناوف، فایق جابباراوف،محمود قورباناوف کیمی آدینی آذربایجان فوتبولو تاریخینه یازدیرمیش مشهور فۇتبولچولار محض "نظامی" یوردونون یئتیرمهلریدیر. آدی چکیلن بۇ مشهور فۇتبولچولارین اکثریتی ایسه شوروی دؤورونده و موستقیللیک ایللرینده اؤلکهمیزده اۇشاق فۇتبولونون اینکیشافیندا موستسنا خیدمتلری اوْلموش گنجه فۇتبولونون افسانوی شخصی کونستانتین آبرامئنکونون(دیادیا کوستیا) "لوکوموتیو" اۇشاق فۇتبول مکتبینین یئتیرمهلری اوْلموشدور."لوکوموتیو" هر زامان کپزی ایستعدادلی فۇتبولچولارلا تامین ائتمیشدیر و بۇ اۇشاق فۇتبول مکتبی کپزین آشاغی یاش قروپلاریندان عبارت مکتبی حساب اوْلونوردو. کونستانتین آبرامنکونون وفاتیندان سوْنرادا،هر ایل گنجه شهرینده اۇشاق فۇتبول مکتبلرینین ایشتیراکی ایله اوْنون خاطرهسینه حصر اوْلونموش تورنیرلر کئچیریلیر.
ایستادیومو[دَییشدیر]
کپز ائو اوْیونلارینی گنجه شهر ایستادیوموندا کئچیریر. ایستادیومون آچیلیشی ۱۹۶۳-جو ایلده اوْلموشدور. کلۇبون ائو اوْیونلارینی کئچیردیی بۇ ایستادیوم،۲۷.۰۰۰ طرفدار توتومو ایله آذربایجاندا بیر کلۇبا مخصوص ان بؤیوک ایستادیومدور. عۆمومیلیکده ایسه گنجه شهر ایستادیومو باکی اولمپیک ایستادیومو و "توفیق بهراماوف آدینا رسبوبلیکا ایستادیومو"ندان سوْنرا اؤلکهنین اۆچونجو ان بؤیوک فۇتبول ایستادیومودور.آذربایجان فۇتبولوندا قئیده آلینمیش بۆتون طرفدار رکوردلاریدا،محض بۇ ایستادیوما مخصوصدور. ایستادیومون طرفدار توتومونون ۲۷.۰۰۰ اوْلماسینا باخمایاراق شوروی چمپیوناتلاری دؤورونده و ۲۰-جی عصرین ۹۰-جی ایللرینده کلۇبون آوروکوبوکلارداکی چیخیشی زامانی ۳۰.۰۰۰ و داها آرتیق طرفدار سایلارینین قئیده آلیندیغی چوخ سایدا اوْیونلار اوْلوب.