پرش به محتوا

گؤسته‌ریجیلر (بیلگی‌سایار بیلیمی)

ویکی‌پدیادان، آچیق بیلیک‌لیک‌دن

گؤسته‌ریجی (اینگیلیسجه: pointer) یازیلیملاما دیل‌لرینده مموری آدرس‌لرینی ساخلایان دییشکن‌لره وئریلن عمومی آددیر.

یازیلیملاما دیلینده هر هانسی دییشکنی (اینگیلیسجه: variable) تانیملاندیغیندا اونون اوچون مموری‌ده (RAM) بیر یئر آیریلیر. گؤسته‌ریجیلر بو مموری یئرلرینین آدرس‌لرینی ساخلاییر. یازیلیملاما دیلیندن آسیلی اولمایان بیر اؤرنک وئرمک گره‌کیرسه: a بیر تام دییشکن اولسون. بیز a ساییسینی تعیین ائتدیکده اونون اوچون مموری یئری آیریلیر و بو دییشکنه بیر ده‌یه‌ر (مقدار) تعیین ائتدیکده بو ده‌یه‌ر بو مموری یئرینده ساخلانیلیر. آشاغیداکی اؤرنکده a دییشکنینه ۵ ده‌یه‌ری تعیین ائدیلمیشدیر. a دییشکنینین مموری آدرسی 0x414020-دیر (هگزا دسیمال).

ایندی a دییشکنینین آدرسی i گؤسته‌ریجیسینه وئریلیرسه (aنین ۵ اولان ده‌یه‌ری دئییل، مموری آدرسی)، اوندا i دییشکنی (و یا اونون کپی‌لری) اوزه‌رینده ائتدیییمیز هر دییشیکلیک بیرباشا ‌‌‌a دییشکنینه تأثیر ائدجک.

// گؤسته‌ریجیلرین تعریف ائدیلمه‌سینی و ایشه سالینماسینی گؤسترمک اوچون بیر گولنگ پروقرامی
package main
 
import "fmt"
 
func main() {
 
    var a int = 5
     
    var i *int
     
    i = &a
 
    fmt.Println("a = ", a)
    fmt.Println("a memory address = ", &a)
    fmt.Println("i = ", i)
    fmt.Println("a(*i) Value = ", *i)
    
    // سونوج:
    // a = 5
    // a memory address  =  0x414020
    // i =  0x414020
    // a(*i) Value = 5
}

یوخاریدا گؤروندویو کیمی، گؤسته‌ریجی مموریده آیریجا یئر توتور (اؤز مموری آدرسی وار)، آنجاق او، باشقا دییشکنین مموری آدرسینی ده‌یه‌ر اولاراق ساخلاییر و بونا گؤره‌ده اونو گؤسته‌ریر (اشاره‌ ائدیر).

قایناقلار[دَییشدیر]