گؤیرچین

گویرچین
بیر گویرچین شکیلی
عالم	حئیوان
تیپ	خوردالیلار
صینیف	قوشلار
دسته	گویرچین کیمیلر
فسیله	گویرچینلر
جینس	گویرچین

بوتانیکا باغی

گؤیرچین (لاتینجه: Columba)گؤیرچینلر دسته‌سینه عایید حئیوان نؤعو. اوْرتا بؤیوکلوکده ، کیچیک باشلی، قیسا بوْیونلو و قیسا قیچلی قوشدیر. دیمدیکلری قیسا، ضعیف قۇرولوشلو، اۇجو یۆنگولجه آشاغی اَییلمیشدیر. قانادلاری اوْرتا اۇزونلوقدادیر. اوْلدوقجا سۆرعتلی اۇچارلار. آیاقلاری یاخشی اینکیشاف ائتمیشدیر و آرخا بارماق یئره دییر. آغاجلاردا و داشلیق یئرلرده اوْلور. مئیوه‌لر، دنه‌لی و یا توملو توخوم لارلا بسله‌نَرلر. عمومیتله ایکی دنه یومورتا قویورلار. ائرکک و دیشی بیرلیکده کۆرت یاتارلار، بالالاری بیرلیکده بؤیودرلر. هر ایکی جینسین کۆرت یاتما زامانی کورسالاریندان سۆده بنزر بیر مایع ایفراز اوْلور کی، ایلک دؤورده ده بۇ مایع ایله بالالارینی بسله‌یَرلر. بالالار یومورتادان گؤزلری باغلی و چیلپاق وضعیتده چیخار.