یئددی گؤز

یئددی گؤز (Yeddi Göz) سولدوز بؤلگه سینین گَزمه لی یئرلریندن دیر. سولدوز شهری نین ۳ کیلومتر گونئی باتیسیندا ، سولطان یاغوب آدلی آیری بیر گَزمَلی یئرین دوغوسوندا یئرلشیب.

خصوصیتلر

یئددی گؤزون آدیندان بللی اولدوغو کیمی، یئددی بولاغی وار. یئددی بولاغیندان جوشان سولارین دادی باشقاسیلا فرقلی‌دیر. سولار پارکین اورتاسیندا کی گؤله تؤکولور. پارکدا گئجه لر اۆچون چوخلو ایشیقلیقلار وار و چوخ گؤزل گؤرونتولر یارانیر. اوشاقلارین اویناماغینا دا اَیلَنجه (تفریح) وسیله لری واردیر.

قوناقلاما

پارکدا کمپ و چادیر قورماغا چوخلو یئرلر حاضیرلانیب و گلن قوناقلار ماشینلارین پارکینگده ساخلاییب یئددی گؤز محوطه سینده اؤز کمپلرین قورا بیلرلر.

قایناقلار

یئددی گؤز، بوتون مئوسیملر اۆچون اَیلَنجه یئری ، اوروم نیوز