یوسیف حایال‌اوغلو
یوسف خیال‌اوغلو یا یوسیف حایال‌اوغلو (۱۹۵۳) (تورکجه: Yusuf Hayaloğlu) تونجئلی (ترکیه - ۳ مارس ۲۰۰۹، استانبول، ترکیه) شاعیر و یازیچی.
دوشونجه‌سی
[دَییشدیر]چاغداش شاعرلر سیراسیندا آد قازانان شاعرلرین بیریسی ده یوسف خیال اوغلو دور. او، اؤزو دئمیشکن، بوتون فلسفه لرین حیاتی تام آچیقلامادیغی و زورلادیغینی گؤرموش. بوتون نه دنینی آراشدیریب و طبیعتین حیرتلندیریجی دنگه سینده قصورسوزلوغوندا تاپمیش و بو ایناما گلمیشدیر کی دوغایا قارشی هئچ بیر شئی مومکون دئییلدیر. او حیات فلسفه‌سینین آردیجا قرآندان مارکسیزمه، مائوایزمه، سونرا بودیزم، فرویدا و باشقا فلیفه لرده گیریب چیخمیشدیر و نهایت اینانمیشدیر کی ناتورالیزم هامیسیندان دوزگوندور!؟ هر حالدا او، هم شاعر اولموش، هم رسام؛ عینی حالدا موسیقی آدامی.
یوسف خیال اوغلو درین دویغولو بیر شاعردیر. اونون شعرلرینده ایتیزیلمیش آرخاداشلیقلار، اونودولموش گؤزه للیک لر، عصیان، سئودا و دوستلوق یئر آلیر. خیال اوغلو عینی حالدا خالق شعری ده یازیر. آنجاق اونون گؤروشونده یاخشی یاشاماق، اخلاقلی و اردملی اولماق گره کیر. 2008 جی اسلده ، هله چوخ گنج ایکن دونیاسینی ده ییشدی.[۱]
اثرلری
[دَییشدیر]- Gözleri İntihar Mavi (Anka Yayınları, 2002)
- Dur... Ağlama Gözlerim (Ağaç Kitabevi Yayınları, 2010)
ایراندا
- سن‌سیز گلن صاباحا گون‌آیدین، شعر توپلوسو - انتشارات پینار - کرج ۱۳۸۵- شابک ۹۷۸-۹۶۴-۲۶۶۸-۷۲-۴
شعرلریندن اؤرنک:
[دَییشدیر]هانی منیم گنجلی‌ییم؟
هانی منیم گنجلی ییم؟
بیلیه‌لریم، توپاجیم،
گیلاس آغاجیندا ییرتیلان کؤینه‌ییم؟
چالدیلار اوشاقلیغیمی خبرسیز.
پنجره سیز قالدیم آنا
اوچورتمام تئل‌لره تاخیلدی،
هانی منیم گنجلی‌ییم هاردا؟
نه وارسا بوغو گنزی یاخان
چؤره ک کیمی، سئوگی کیمی
نه وارسا گؤزه للیکدن یانا
بؤلوشدوم، بؤیوموشدوم.
ایچیمه سیغمیردی انسانلار...
بو نه یامان چلیشگی آنا!
قوردلار سفره سینه دوشدوم،
هانی منیم دیره نجیم هاردا؟
هانی منیم اوونجوم هاردا؟
آکواریوم ، قناریم،
اوستونه تیتره تدیگیم کاکتوس چیچه یی؟
آلدیلار کتابلاریمی سورغوسور.
دووارلار قونوشمور آنا
آچیق قالمیر هئچ بیر قاپی!...
هانی منیم گنجلی ییم هاردا؟
داها قاپیلمامیشکن یئللره
توتمامیشکن شارابی
شعره یئنی – یئنی باشلامیشکن
قاچدیم، داغلارا قاچدیم
داها اؤپمه میشکن هئچ بیر قیزی...
یاغمورلاری بیریکدیر آنا
چاغ یانغینیندا توتوشدوم،
هانی منیم گنجلی‌ییم؟
قایناق
[دَییشدیر]- ^ کریمی، محمدرضا؛ تورکیه چاغداش ادبیاتی.