ادبیات جریانلاری
(ادبیات آخیملاری-دن يوْل‌لاندیریلمیش)
ادبیات آخیملاری یا مکاتب ادبی بللی بیر تاریخی پروسسده ادبیاتی، نؤع و مؤلفین میللیتی باخیمیندان هر هانسی بیر آیری-سئچکی‌لیک اوْلمادان فورمال و متنی اوْلاراق ائتکی ائدن بللی اۆسلوب، دۇیغو و دۆشونجه سیراسینا ادبیات آخینی و یا ادبی جریان آدلانیر.
ادبی جریانلارینین توسعه‌سینه نظر سالدیق‌دا، بۇ جریانلارین تکجه یازینا مخصوص اوْلمادیغی عومومیت‌له، بیر صنعت جریانی کیمی باشلاییب اینکیشاف ائتدیکلری گؤرولور. اۆسته‌لیک، فوری هامیسی، عومومیت‌له، یاراندیقلاری دؤورون ایجتماعی قورولوشونون، بۇ قورولوشا باغلی تفکّور طرزی‌نین، ایدولوژینین اۆرونودورلر. دؤورون فلسفه‌سینین اینجه صنعت اۆزرین‌ده‌کی ائتکیسی جریان کیمی اوْرتایا چیخیر و بۆتون صنعت نؤعلرینده اوْرتاق اؤزللیکلر اطرافیندا اینکیشاف ائدیر.