رسمی دیل
رسمی دیل – آنایاسا ایله بیر اؤلکه‌نین، ویلایتین خصوصی ایستاتوسا مالیک اوْلان دیل. بیر قایدا اولاراق اؤلکه آدمینیستراسییاسی، پارلامئنتی و محکمه‌لری ایشله‌دن دیل، رسمی دیل ساییلیر.[۱] آز ایشلنسه ده یئرلی خالقین دیلی ده دؤولت دیلی اعلان ائدیله بیلر. مثلاً، یئنی زئلاندییادا ماوری خالقی اؤلکه اهالی‌سینین بئش فایزینی تشکیل ائتسه ده اونون دیلی دؤولت دیلیدیر.[۲]
دؤولت دیلی
[دَییشدیر]دؤولت دیلی ـ دؤولت اراضی‌سین‌ده دیگر دیللره نیسبتاً داها اوستون ایستاتوسا مالیک اوْلان دیل‌دیر. بیر قایدا اولاراق دؤولت دیلی کیمی اراضی‌دکی چوخسای‌لی ائتنوسون دیلی قبول ائدیلیر. باشقا طرف‌دن دؤولت سندلرینین دیگر دیللرده ده نشری نظرده توتولا بیلر.
دؤولت دیلی ایله رسمی دیل آراسین‌دا فرق
[دَییشدیر]یونئسکو ائکسپئرتلری ۱۹۵۳-جو ایلده «دؤولت دیلی» ایله «رسمی دیل» آراسین‌دا آشاغی‌داکی فرقی تکلیف ائتدی:
- دؤولت دیلی دؤولت چرچیوه‌سین‌ده سیاسی، سوسیال و مدنی ساحه‌ده اینتئقراسییا رولو اویناییر و دؤولتین سیموولو حساب ائدیلیر.
- رسمی دیل - دؤولت ایدارچیلیین‌ده، قانون‌وئریجیلیین‌ده، محکمه پروسئسین‌ده ایشلنن ایشچی دیل‌دیر.
آذربایجان جومهوریتینین دؤولت دیلی
[دَییشدیر]آذربایجان جومهوریتینین دؤولت دیلی آذربایجان جومهوریتی کونستیتوسییاسینین ۲۱-جی مادده‌سینین ۱-جی حیسه‌سینه مووافیق اولاراق آذربایجان دیلیدیر.
آذربایجان رئسپوبلیکاسین‌دا دؤولت حاکمیتی و یئرلی اؤزونو-ایداره-ائتمه اورقانلارین‌دا، دؤولت قوروملارین‌دا، سیاسی پارتییالاردا، غئیری-حؤکومت تشکیلاتلارین‌دا (ایجتیماعی بیرلیک و فوندلاردا)، همکارلار تشکیلاتلارین‌دا، دیگر حقوقی شخصلرده، اونلارین نماینده‌لیکلرین‌ده و فیلیاللارین‌دا، ایداره‌لرده دؤولت دیلینین تطبیقی ایله باغلی فعالیت دؤولت دیلی حاقیندا آذربایجان جومهوریتینین قانونونا اویغون اولاراق حیاتا کئچیریلیر، او جمله‌دن کارگوزارلیق ایشلری دؤولت دیلینده آپاریلیر.
همچینین باخ
[دَییشدیر]- دؤولت دیلی حاقیندا آذربایجان جومهوریتینین قانونو Archived 2011-08-23 at the Wayback Machine.
ایستینادلار
[دَییشدیر]- ^ "OFFICIAL LANGUAGE", Concise Oxford Companion to the English Language, Ed. Tom McArthur, Oxford University Press, 1998.
- ^ Statistics New Zealand:Language spoken (total responses) for the 1996-2006 censuses (Table 16). آرشیولنیب اصلی نۆسخه‌دن on 2013-03-09. یوْخلانیلیب2012-09-30.