آذربایجان جومهوریتی

ویکی‌پدیا، آچیق بیلیک‌لیک‌دن
Republic of Azerbaijan
Azərbaycan Respublikası  (language?)
Three equally sized horizontal bands of blue, red, and green, with a white crescent and an eight-pointed star centered in the red band
بایراق Emblem
ملی شعار: 
Location of Azerbaijan (green) and Nagorno-Karabakh[lower-alpha ۱] (light green).
Location of Azerbaijan (green) and Nagorno-Karabakh[lower-alpha ۱] (light green).
پایتخت
and largest city
باکی
رسمی دیل‌(لر) تورکجه
Ethnic minority languages Armenian (only in Nagorno-Karabakh), Avar, Budukh, Georgian, جهوری (تات-یهودی دیلی), Khinalug, Kryts, کورد دیلی, Lezgian, روس دیلی, Rutul, تالیشجا, Tat, Tsakhur and Udi
ملیت Azerbaijani
حکومت Unitary dominant-party semi-presidential جومهوریت[۱]
 -  President ایلهام علیئو
 -  Vice President Mehriban Aliyeva
 -  Prime Minister Artur Rasizade
قانون‌قوْیان National Assembly
آذربایجان تاریخی
 -  آذربایجان خالق جومهوریتی 28 May 1918 
 -  آذربایجان شوروی سوسیالیست جومهوریتی 28 April 1920 
 -  Independence from شوروی 30 August 1991 (declared)
18 October 1991 (independence)
25 December 1991 (completed) 
 -  Full membership into the CIS 21 December 1991 
 -  Admitted to the بیرلشمیش میلتلر قورومو 2 March 1992 
 -  Constitution adopted 12 November 1995 
مساحت
 -  بوتون ۸۶٬۶۰۰ km2 (112th)
۳۳٬۴۳۶ sq mi
 -  سۇ (%) 1.6
جمعیت
 -  2017 تخمین 9,867,250[۲] (91st)
 -  تراکم 113/km2 (99th)
۲۹۳/sq mi
GDP (PPP) 2017 estimate
 -  Total $166.804 billion[۳] (72nd)
 -  Per capita $17,432[۳] (71st)
GDP (nominal) 2017 estimate
 -  Total $39.207 billion[۳]
 -  Per capita $4,097[۳]
Gini (2008) 33.7[۴]
medium
HDI (2015) افزایش 0.759[۵]
high ·78th
پول بیریمی آذربایجان ماناتی (₼) (AZN)
چاغ بؤلگه‌سی AZT (یوتی‌سی ۴:۰۰+)
سۇروش آخیشی right
تلفوْن کوْدو +994
اینترنت اتکی .az

آذربایجان جۆمهۇریّتی و یا رسمی آذربایجان رِسپوبلیکاسیجنوبی قافقازدا دؤولت، خزر دنیزی حوضه‌سینده یئرلشیر. شیمال‌دان روسیه (داغیستان)[۶]، گورجوستان، قرب‌دن ائرمنیستان، جنوب‌دان ایران و تورکیه ایله هم‌سرحددیر[۷]. آذربایجانین آنکلاوی اوْلان ناخچیوان موختار جومهوریتی ائرمنیستانلا شیمال-شرق‌ده، تورکیه ایله قرب‌دن همسرحددیر. باشکندی باکی شهری‌دیر. آذربایجان اراضی‌سینین بیر حیسه‌سی ائرمنیستان طرفین‌دن ایشغال ائدیلیب.[۸].

۲۸ مای - جومهوریت گونو ۱۹۱۸-جی ایلده موسلمان شرقین‌ده ایلک مجلیس‌لی جومهوریت اوْلان آذربایجان خالق جومهوریتینین یاراندیغی گون‌دور. ۳۰ آقوست ۱۹۹۱-جی ایلده سسری ترکیبین‌ده موتفیق جومهوریت وضعیتین‌ده اوْلان آ

جان جومهوریتینین عالی سووئتی "آذربایجان جومهوریتینین دؤولت موستقیل‌لیگینین برپاسی حاقین‌دا" دئکلاراسییا، ۱۸ اوکتیابر ۱۹۹۱-جی ایل تاریخین‌ده ایسه "آذربایجان جومهوریتنین دؤولت موستقیل‌لیگی حاقین‌دا"، آنایاسا آکتی قبول ائتدی. بۇ تاریخ معاصر آذربایجان دؤولتینین موستقیل‌لیگینین برپاسی گونو ساییلیر.

حاضردا آذربایجان قدیم تاریخ و مدنیت ارثینه مالیک دونیوی و اونیتار دؤولت اوْلوب، اتنیک آذربایجان چوخ‌لوغونا صاحب اؤلکه‌دیر. آذربایجان یئددی موستقیل تورک دؤولتین‌دن بیری‌دیر. رئسپوبلیکانین ۱۵۸ اؤلکه ایله دیپلوماتیک موناسیبتی واردیر، ۳۸ بین‌الخالق تشکیلاتین عضوودور.

آذربایجان گوام و کیمیوی سلاح‌دان ایستیفاده قاداغاسی تشکیلاتلارینین تآسیس‌چیلرین‌دن بیری‌دیر. ۱۹۹۳-جو ایلین سئپتامبرین‌دان موستقیل دؤولتلر بیرلیگینین عضوودور. ۹ مای ۲۰۰۶-جی ایلده آذربایجان بیرلشمیش میلتلر تشکیلاتینین یئنی یارادیلان اینسان حاقلاری کومیته‌سینه عضو سئچیلیب. صلاحیت‌لی نماینده‌لیک ۱۹ ایول ۲۰۰۶-جی ایلدن باشلاییب. آذربایجان همچینین بیلشمیش میلتلر تشکیلاتی، اوروپادا تهلوکه‌سیزلیک و امکداشلیق تشکیلاتی، اوروپا شوراسی و ناتونون سوله نامینه طرفداش‌لیق پروقرامینین عضوودور. بون‌دان علاوه اؤلکه بیرلشمه‌ینلر حرکاتی، بین‌الخالق تیجارت تشکیلاتی و بین‌الخالق الکترورابیطه اتفاقین‌دا موشاهیده‌چی وضعیتینه مالیک‌دیر.

بیرلشمیش میلتلر تشکیلاتی باش آسامبلئیاسین‌دا ۲۴ اوکتیابر ۲۰۱۱-جی ایل سئچکیلری زامانی آذربایجان ۱۵۵ سس توپلایاراق ۲۰۱۲-۲۰۱۴-جو ایللر اوچون بیرلشمیش میلتلر تشکیلاتی تهلوکه‌سیزلیک شوراسینین ۱۰ قئیری-دایمی عضوون‌دن بیری سئچیلیب.[۹]

ائتیمولوگییا[دَییشدیر]

آذربایجان سؤزونون منشأیی مؤوضوسون‌دا چوْخ دییشیک گؤروش وار. بۇنلارین آراسین‌دا قاباق‌دا گلن گؤروشلر بۇنلاردیر:

  1. کؤهنه آسلارین آدین‌دان قایناق‌لانیر و "آسر یوردو" دئمک‌دیر.[۱۰]
  2. آذر، کؤهنه تۆرکجه‌ده "یوکسک"، "زنگینلرین یئری" اولاراق کئچر.
  3. اهمنیلر ایمپئریاسیندا قوبئرناتورلوق ائتمیش و بؤیوک ایسکندر طرفین‌دن فتحین‌دن سوْنرا وظیفه‌سینه داوام ائتمیش آتروپاتین آدین‌دان[۱۱]. قایناق‌لانیر. آتروپاتین آدینا ایستینادا بۇ بؤلگه‌یه آتروپاتئنا آدی وئریلمیش‌دیر و آذربایجانین آدی بورادان قایناقلانمیش‌دیر.
  4. دیگر بیر گؤروشه گؤره ایسه او بؤلگه‌ده بؤیوک بیر دؤولت قورموش اوْلان و خزر گؤلونه ده آدینی وئرن خزرلرین (کازار، کوزار، خازار) آدین‌دان قایناق‌لانیر.[۱۲]

تاریخ[دَییشدیر]

آنتیک ائرا[دَییشدیر]

قوبوستان قایاسی

داش دؤورو آذربایجاندا ۲ میلیون ۷۰۰ مین ایل بون‌دان اؤنجه باشلایاراق ائرامیزدان اول ۴ مین ایل‌لیگیه قدر داوام ائتمیش‌دیر. داش دؤورو اوچ مرحله‌دن – پالئولیت دؤورو (قدیم)، مئزولیت دؤورو (اورتا) و نئولیت دؤوروندن (یئنی داش دؤورو) عبارت اوْلموش‌دور. تخمیناً ۷۰۰ مین ایل اول اینسانلار اود الده ائتمیی اؤیره‌نه‌رک، اؤزلرینی سویوق‌دان قورونماغا، یئمک بیشیرمک، امک آلتلرینی دوزلتمه‌یه باشلادیلار. ۴۰۰-۳۰۰ مین ایل اؤنجه آذربایجان‌دا مسکونلاشمیش ایبتیدایی اینسانلارین تکامولون‌ده یئنی مرحله باش‌لانیر.

۳۰-۱۰ مین ایل اؤنجه آذربایجان‌دا سون پالئولیت دؤورو مؤوجود ایدی. اینسانلار آرتیق یالنیز ماغارا و زاغالاردا دئییل، همچینین موختلیف چای وادیلرین‌ده تیکدیردیکلری یاشاییش مسکنلرین‌ده مسکونلاشماغا باشلاییرلار. محض بۇ دؤوره قبیله‌لرین فورمالاشماسی، ایلکین اینجسنت و اعتیقادلارین(سیتاییش، عیبادت) یارانماسی تصادف ائدیر. امک آلتلری بۇ زامان یالنیز داش‌دان دئییل، همچینین موختلیف حئیوان سومویون‌دن ده ایستحصال ائدیلیردی.

مئزولیت آذربایجان‌دا ائر.او. ۱۱–۸ مین ایل‌لیکلری احاطه ائدیر. آرتیق بۇ دؤورده اکین‌چی‌لیک و حئیوان‌دارلیغین ایلکین فورمالاری یارانیر. بۇ دؤور باش‌لیجا اولاراق قوبوستانداکی قایا اوستو رسملر و آرخئولوژی تاپینتیلار اساسین‌دا تدقیق ائدیلیب. یئر اوزون‌ده ایبتیدایی اینسانین ان زنگین "موزئیلرین‌دن" بیری ساییلان بۇ اراضی‌ده آلتی مینه‌جن قایا اوستو رسم و اونا یاخین قدیم اینسان دوشرگه‌سی آشکار ائدیلمیش‌دیر. بۇ رسملرده او دؤورکو آداملارین مشغولیتی، امک فعالیتی، اوو و بالیق‌چی‌لیق صحنه‌لری، آیین و ائتیقادلاری اؤز عکسینی تاپمیش‌دیر. آرخئولوژی ماتئریاللار و رسملر ثوبوت ائدیر کی، آرتیق بۇ دؤورده اینسانلار اوخ و کامان‌دان ایستیفاده ائتمگی بیلیردیلر.

تونج دؤورو آذربایجان‌دا ائر.او. ۴-۱ مین ایل‌لیکلری احاطه ائدیر. طایفه و قبیله اتفاقلارینین یارانماسی ائله بۇ عرفه‌ده باش‌لانیر. اینسان مسکنلرینین و عمومی اهالینین سایی دورمادان آرتیر. کیچیک و اوْرتا آسیا، مئسوپوتامیا و قوزئی قافقازلا تیجارت و دیگر علاقه‌لر یوکسلن خط‌له اینکیشاف ائدیر. آذربایجان‌دا تونج دؤورو کور-آراز آرخئولوژی مدنیتینه عایید تاپینتیلار اساسین‌دا درین‌دن اؤیرنیلمیش‌دیر. بۇ مدنیت تکجه آذربایجانی دئییل، همچینین گونئی و شیمال-شرقی قافقازی و کیچیک آسییانین شرق اراضیلرینی ده احاطه ائدیردی. بۇ دؤورده اینسانلار یومشاق میسی خصوصی سوبالاردا اریدیب اونو قالایلا قاتیش‌دیراراق تونج الده ائتمگی اؤیرنیردیلر. تونج میس‌دن داها برک اوْلدوغونا گؤره تئزلیکله امک آلتلری، سلاح و بزک اشیالاری محض بۇ ماتئریال‌دان حاضیرلانماغا باش‌لانیر. بۇ دؤوره همچینین اکینچیلیک‌له‌ده صونعی سووارما سیستمینین فورمالاشماسی، باغ‌چی‌لیق تصروفاتینین تکامولو، حئیوان‌دارلیق‌دا هم ایری، هم ده خیردا بوینوزلو حئیوانلارین ساخلانماسی، آتچی‌لیق ایتی سرعتله اینکیشافی تصادف ائدیر. صنعت‌کارلیق‌دا مئتال ایشله‌مه، زرگرلیک، موختلیف نؤو پارچا ایستحصالی و توخوجولوق کیمی یئنی ساحه‌لر فورمالاشاراق یاییلماغا باشلاییر. اوْرتا تونج دؤورون‌ده (ائر.او. ۳-۲ مینیللیین ۱-جی یاری‌سی) مؤحکم مدافعه ایستحکام‌لی ایری یاشاییش منطقه‌لری عمله گلیر. بۇ منطقه‌لرده‌کی یاشاییش ائولری، بیر قایدا اولاراق دوزبوجاق فورماسین‌دا اوْلوب بیر نئچه اوتاق‌دان عبارت ایدی. محض بۇ دؤوره موختلیف طایفه ایتیفاقارینین یارانماسی و اونلار آراسین‌دا ساواش و حربی موناقیشه‌لرین گئنیش ووسعت آلماسی تصادف ائدیر.

فئودال دؤورو[دَییشدیر]

ائرامیزین ۳-۱۸-جی عصرلری آذربایجان تاریخین‌ده اوْرتا عصر و یا فئودالیزم دؤورو کیمی معلوم‌دور. تدقیقات‌چیلار بیر قایدا اولاراق بۇ دؤورو اوچ اساس مرحله‌یه بؤلورلر. ۳-۱۰ یوزیل‌لیکلر ائرکن اوْرتا عصرلر، ۱۱-۱۵-جی عصرلر کلاسسیک فئودالیزم و ۱۶-۱۸-جی عصرلر سون فئودالیزم‌دیر. بۇ دؤورده تصروفاتین اساس فورمالاری اکین‌چی‌لیک، حئیوان‌دارلیق و صنعتکارلیق اوْلموش‌دور. همین مدت اوْرتا عصر شهرلرینین یوکسلیشی و چیچکلنمه‌سی دؤورودور. اونلار هم سیاسی و اینضیباطی مرکزلر اوْلماقلا یاناشی، هم ده اقتصادیات و تیجارت‌ده، مدنی، علمی و دینی حیات‌دا موهوم رول اوْیناییردیلار. ۳ - ۷-جی عصرلرده‌کی آذربایجان تاریخی بیلاواسیطه ایران ساسانی ایمپئریاسی (۲۲۴-۶۵) ایله باغلی ایدی. ساسانیلرین سوْنونجو شاهینشاها ۳-جو یزدگیرد (۶۳۲-۶۵۱) عربلرین یوروشلرینین قارشی‌سینی آلماق مقصدیله واراز-قریقورا حربی یاردیم مقصدیله موراجیعت ائدیر. آلبان اوردوسو باشین‌دا واراز-قریقورون اوْغلو جاوانشیر دورور. ۶۳۰-۶۴۲-جی ایل‌لرده او عربلره قارشی محاربه‌لرده ایشتیراک ائتمیش، ۶۳۷-جی ایلده کادیسیاداکی دؤیوش‌ده گؤستردیگی شوجاعته گؤره ۳-جو یزدگیرد طرفین‌دن موختلیف موکافات و هدیه‌لرله تلطیف ائدیلمیش‌دیر. ۱۵-جی یوز ایل‌لیگین ایکینجی یاری‌سین‌دا اردبیل و اونون اطراف اوستانلرینین یوکسلیشی باش‌لانیر. بۇ اراضی‌ده‌کی توْرپاقلار شیخ صفینین (۱۲۵۲-۱۳۳۴) واریثلری طرفین‌دن ایداره ائدیلیردی. اونلار و طرف‌دارلاری ایسلامین شیعه مذهبینی قبول ائتمیش و اون ایکی شیعه ایمامینا عبادت ائدیردیلر. بۇ سبب‌دن اونلار باشلارینا اون ایکی زولاق‌لی چالما تاخیردیلار. محض بونا گؤره ده اونلارا صفویلرله یاناشی، هم ده قیزیلباشلار دا دئییردیلر.

قاجارلار — ۱۷۹۶ و ۱۹۲۵-جی ایللر آراسین‌دا ایران و آذربایجان‌دا حاکمیت‌ده اوْلموش تورک سولاله‌سی‌دیر. قووان‌لی تورک طایفه‌سین‌دن اوْلان قاجارلار، مونقول ایشغالی زامانلارین‌دا ایروان اطرافین‌دا کؤک سالمیشلار و صفوی سولاله‌سینی آذربایجان‌دا و ایران‌دا حاکمیته گتیرن یئددی قیزیلباش-تورک طایفه‌لرین‌دن بیری اوْلموشلار.

یئنی دؤور[دَییشدیر]

آزسسر سسری ترکیبین‌ده

۱۸۰۱-جی ایلده روس ایمپئرییاسی شرقی گورجوستان اراضیلرینی اؤزونه بیرلش‌دیره‌رک قافقاز جانیشینلیگینی یارادیر. بونون آردینجا ۱۸۰۲-جی ایلده روس گئنئرالی P.D.Sisianov آذربایجانی روسیایا قاتماق مقصدی ایله حربی عملیاتلارا باشلاییر. ۱۹-جو یوز ایل‌لیگین ۲-جی یاری‌سین‌دا قوزئی آذربایجانین اقتصادی حیاتی روسیادا کاپیتالیست موناسیبتلرینین اینکیشافی ایله سیخ علاقه‌لی ایدی. بۇ باخیم‌دان اؤلکه‌ده ان ایتی صورتله نفت حاصیلاتی و صنایع‌سی اینکیشاف ائدیردی. آرتیق ۱۸۷۲-جی ایلده نفت حاصیلاتین‌دا ایجاره اوصولو تطبیق ائدیلمگه باشلاییر کی، بۇ دا همین ساحه‌ده کاپیتالیست موناسیبتلرینین اینکیشافینا گوج‌لو تکان وئریر. ۲۰-جی یوز ایل‌لیگین اول‌لرین‌ده قوزئی آذربایجان نفت ساحه‌سینده دونیادا بیرینجی یئرده ایدی. ۱۹۰۱-جی ایلده او دونیا نفت حاصیلاتینین ۵۰٪، روسیه نفتینین ایسه ۹۵٪ تأمین ائدیردی. اؤلکه‌ده کاپیتالیست موناسیبتلرینین اینکیشافی ایله پارالل کوستار صنعتکارلیق دا مؤوجود ایدی. ۲۰-جی یوز ایل‌لیگین اولین‌ده گونئی آذربایجان‌دا یاشایان اهالینین وضعیتی آغیر اولاراق قالیردی. بۇ دا جمعیتین دئمک اولار کی، بوتون طبقه‌لرین‌ده گئتدیکجه آرتان ناراضیلیغا سبب اولوردو. ۱۹۰۸-جی ایلین دئسامبرین ۱۲-ده ایرانین باشکندی تهران‌دا بیر قروپ تاجیر دؤیوله‌رک حبس ائدیلمیش‌دیر. بۇ فاکت کوتلوی چیخیشلارین باشلانماسینا سبب اوْلدو. همین گون ۱۹۰۵ - ۱۹۱۱-جی ایل‌لر ایران اینقیلابینین باشلانماسی حساب اوْلونور.

۱۹۲۰-جی ایلین آوریلین ۲۸-ده آذربایجان‌دا سووئت حاکمیتی قورولان‌دان بیر مدت سوْنرا دا اؤلکه اؤز موستقیل‌لیگینی ساخلایا بیلمیش‌دیر. آوریلین ۳۰-دا روسیه ایله آذربایجان آراسین‌دا حربی-اقتصادی موقاویله ایمضالانمیش‌دیر. ۱۹۲۱-جی ایلده ترکیبینه گورجوستان، ائرمنیستان و آذربایجان جومهوریتلری داخیل اوْلموش زاقافقازیا فئدئراسیاسی تشکیل ائدیل‌دی. ۱۹۲۲-جی ایل دئسامبرین ۳۰-دا سووئت سوسیالیست جومهوریت‌لری اتفاقینین (سسری) یارانماسی و زاقافقازییا فئدئراسیاسینین بۇ قوروما داخیل اولماسی ایله قوزئی آذربایجانین موستقیل‌لیگینه سون قویول‌دو. ایکینجی دونیا محاربه‌سی (۱۹۳۹-۱۹۴۵) بشریتین ۲۰-جی یوز ایل‌لیگین‌ده ان آغیر و دهشت‌لی بیر دؤور اوْلموش‌دور. آذربایجان خالقی بۇ محاربه‌ده اصل شجاعت و عزم‌کارلیق نوماییش ائتدیرمیش‌دیر. آذربایجانین سووئت دؤورو تاریخین‌ده ۱۹۶۹-جو ایل دؤنوش نقطه‌سی اولور. بۇ ایلک نؤوبه‌ده حیدر علیئوین آذربایجان کومونیست پارتیاسینین بیرینجی کاتیبی سئچیلمه‌سی ایله علاقه‌دار ایدی. آرتیق همین ایلین آقوستون‌دا اونون طرفین‌دن رئسپوبلیکادا خالق تصروفاتینا و مدنی قوروجولوغا رهبرلیگی اساس‌لی شکیل‌ده یاخشیلاش‌دیرماق، دؤولت و امک اینتیظامینی مؤحکملن‌دیرمک، کادرلارین مسولیتینی آرتیرماق خطی معین ائدیلمیش‌دیر.

جومهوریت دؤورو[دَییشدیر]

آذربایجان جومهوریتینین ۳-جو پرئزیدئنتی حیدر علیئو (۱۹۹۷-جی ایل)

۱۹۹۱ و ۱۹۹۲-جی ایلین ۱-جی یاری‌سین‌دا رئسپوبلیکایا رهبرلیک ائدن شخصلر دونیادا و داغیلان اتفاق مکانین‌دا باش وئرن سیاسی پروسسلره، دونیا حادثه‌لرینین اینکیشاف میل‌لرینه تام ضد سیاست یئری‌درک، خالقین موستقیل‌لیک ایراده‌سینین عکسینه گئده‌رک، بوتون مومکون واسطه‌لرله سسری-نی قورویوب ساخلاماغا، داها سوْنرا ایسه نه باهاسینا اولورسا-اولسون آذربایجانین بۇ قوه‌لرین تأثیر دایره‌سین‌دن چیخماسینا یول وئرمه‌مگه جهد گؤستریردیلر. آذربایجان رئسپوبلکاسینین موستقیل‌لیک الده ائتدیگی و سووئرئن دؤولت قوروجولوغونا باشلادیغی عرفه‌ده یعنی ۱۹۹۱ و ۱۹۹۲-جی ایللر عرضین‌ده داغ‌لیق قاراباغدا وضعیت گون‌دن-گونه گرگینلشیردی. سسری داغیلدیق‌دان سوْنرا ائرمنیستان گئنیش میقیاس‌لی حربی عملیاتلارا باشلادی. ۱۹۹۲-جی ایلین فئوریه‌سینده داغ‌لیق قاراباغین آذربایجان‌لیلار مسکونلاشدیغی خوجالی شهرین‌ده قوجالار، قادینلار و اوشاقلار دا داخیل اوْلماقلا مین نفره یاخین دینج ساکین روس حرب‌چیلرینین کمکی ایله ائرمنیلر طرفین‌دن خصوصی قدارلیقلا قتله یئتیریل‌دی. بون‌دان سوْنرا ۸ مئی‌ده ائرمنیلر آذربایجان مدنیتینین چشمه‌سی داغ‌لیق قاراباغ‌دا آذربایجان‌لیلارین دایاغی اوْلان شوشادان قووول‌دو. شوشانین سوقوطو ایله داغ‌لیق قاراباغ موختار ویلایتین‌ده اتنیک تمیزله‌مه عملیاتی باشا چات‌دی.

آذربایجان جومهوریتینین پرئزیدئنتی ایلهام علیئو (۲۸ آپرئل ۲۰۰۶-جی ایل)

۱۹۹۲-جی ایلین مئیین ۱۸-۱۹-دا ائرمنیستان سلاح‌لی قوه‌لری داغ‌لیق قاراباغین حدودلارین‌دان اوْلان لاچین رایونونو ایشغال ائتدیلر. نتیجه‌ده ۶۳۳۴۱ لاچین ساکینلری دایمی یاشاییش یئرلرین‌دن قووول‌دو. عینی زامان‌دا ائرمنیستان سلاح‌لی قوه‌لری آذربایجانین ناخچیوان موختار جومهوریتینین سده‌رک رایونون‌دا آذربایجان -تورکیه سرحدینین ایستراتئژی اهمیته مالیک ساحه‌سینه هوجوم ائتدی. بۇ مدت عرضین‌ده جومهوریتین سیاسی حیاتین‌دا دا موهوم حادثه‌لر جریان ائتمک‌ده ایدی. خوجالی فاجعه‌سین‌دن سوْنرا ۱۹۹۲-جی ایلین مارتین ۶-دا آذربایجان پرئزیدئنتی آیاز موطلیبوو ایستعفایا گئتمه‌یه مجبور اوْلدو. همین ایلین مایین ۱۴-ده موطلیبوو یئنی‌دن حاکمیته قاییت‌دی، مایین ۱۵-ده ایسه خالق جبهه‌سی مجلیسین بیناسینا هوجوم تشکیل ائتدی. مایین ۱۸-ده مجلیس دؤرد گون اول قبول ائتدیی اؤز قرارینی قانون‌سوز اوْلدوغونو اعلان ائتدی و بئله‌لیکله، موطلیبووون بیر داها حاکمیته قاییتماق جهدلری پوچ اوْلدو.

بئله‌لیکله، بۇ تجاووز نتیجه‌سینده آذربایجان جومهوریتینین ۱۷ مین مربع کیلومترین‌دن چوْخ تورپاغی ایشغال اوْلونموش‌دور کی، بۇ دا اؤلکه اراضی‌سینین ۲۰ فایزینی تشکیل ائدیر. بۇ موناقیشه‌ده ۱۸۰۰۰ نفردن چوْخ اؤلکه وطنداشی هلاک اوْلموش، ۵۰ مین‌دن چوْخ آدام یارالانمیش و یا علیل اوْلموش‌دور. حیدر علیئوین آذربایجان رهبرلیگینه قاییدیشی ایله اؤلکه‌نین اجتماعی-سیاسی، سوسیال، اقتصادی، علمی-مدنی حیاتین‌دا، بین‌الخالق علاقه‌لرین‌ده دؤنوش یاران‌دی، علمی اساسلارا، بین‌الخالق نورما و پرینسیپلره اویغون موستقیل دؤولت قوروجولوغو باشلان‌دی.

۱۹۹۴-جو ایلین سئپتامبرین‌دا باکی‌دا "عصرین موقاویله‌سی" آدی آلمیش نفت موقاویله‌سی باغلان‌دی. خزرین کاربوهیدروگن احتیاط‌لارینین ایشلنمه‌سینه یؤنلدیلمیش بۇ و دیگر موقاویله‌لر آذربایجانا یاخین ایل‌لرده قویولاجاق خاریجی سرمایه‌نین ۶۰ میلیارد دولاردان چوْخ اولماغینی نظرده تۇتور. بۇ موقاویله‌لر دیرلی سیاسی معنا کسب ائدیر و آذربایجانین بین‌الخالق سیاستین‌ده رولونو گوجلن‌دیرن عامل فونکسیاسینی داشیییر. آذربایجان نفتینین دونیا بازارینا نقلی ساحه‌سینده ده اوغورلو آددیملار آتیلمیش، "باکی-سوپ‌سا" بورو کمری تیکیلیب ایستیفاده‌یه وئریلمیش‌دیر. ایستراتژی اهمیت کسب ائدن "باکی-تیفلیس-جئیهان" اساس نفت ایخراج بورو کمرینین تیکینتی‌سی اوغورلا حیاتا کئچیریلمک‌ده‌دیر.

۱۹۹۶-جی ایلین ایونون‌دان آذربایجان اوروپا شوراسینا "خصوصی قوناق" ایستاتوسو آلمیش، ۲۰۰۱-جی ایل ژانویه‌نین ۲۵-ده ایسه اونون تام حقوق‌لو عضوو اوْلموش‌دور. ۲۰۰۱-جی ایلین نویابرین ۹-۱۰-دا دونیا آذربایجان‌لیلارینین باکی‌دا کئچیریله‌ن ۱-جی قورولتایی آذربایجان دیاسپورونون فعالیتینین یاخشیلاشدیریلماسی و گوجلندیریلمه‌سی ساحه‌سینده چوْخ دیرلی قرارلار قبول ائتمیش‌دیر. ۱۹۹۸-جی ایلین اوکتوبرونون ۱۱-ده کئچیریلن سئچکیلرده حیدر علیئو سئچیجیلرین ۷۶٫۱ فایزینی توپلایاراق یئنی‌دن آذربایجان جومهوریتی‌نین پرئزیدئنتی سئچیلمیش‌دیر.

جوْغرافیا[دَییشدیر]

آذربایجان اراضی‌سی دوزن‌لیک و داغ‌لیق رئلیئفه مالیک اوْلوب، موطلق یوکسک‌لیگی ۲۸ م-دن (خزرساحیلی دوزن‌لیک) ۴۴۶۶ م-ا بازاردوزو داغینا قدردیر. آذربایجان جومهوریتنین اووالیق و دوزن‌لیک رئلیئفی گنجه، قازاخ، قاراباغ، میل، موغان، شیروان، سالیان، لنکران، سامور-شابران، آرازیانی و شروردان عبارت‌دیر. آذربایجان جومهوریتنین اراضی‌سی بئش جوْغرافی ویلایته بؤلونور: اونلاردان دؤردو (بؤیوک قافقاز، کیچیک قافقاز، ناخچیوان موختار جومهوریتی، لنکران) داغ‌لیق، بیری ایسه (کور-آراز و یا مرکزی آران) اووالیق‌دیر. بؤیوک قافقازین آذربایجان حیسه‌سی حدودون‌دا ایکی اساس داغ سیلسیله‌سی – باش قافقاز (بازاردوزو داغی – ۴۴۶۶ م) و یان سیلسیله (شاهداغ – ۴۲۴۳ م) اوزانیر. داغ‌لیق شیروان، قوبوستان و آبشئرون یاریم‌آداسی جنوب-شرقی قافقازدا یئرلشیر. باش قافقاز داغ سیلسیله‌سینین جنوب یاماجی اتیی بویونجا قانیخ-ایریچای داغاراسی چؤکک‌لیگی، اوندان جنوبا ایسه گئنیش جئیران‌چؤل و آجینوهور اؤنداغ‌لیغی اوزانیر. باش قافقاز سیلسیله‌سی بازاردوزو داغین‌دان شرقه آذربایجان اراضی‌سی داخیلین‌ده شیمال-قرب‌دن (تینووروسو داغی) جنوب-شرقه دوغرو اوزانماقلا ۴۰۰۰ متردن ۱۰۲۶ متره قدر کمچی داغی آلچالیر. آذربایجان و داغیستان خالقلاری آراسین‌دا تاریخاً گئدیش-گلیش، او جمله‌دن ده تیجارت علاقه‌لری باش قافقاز سیلسیله‌سینین تینووروسو (۲۸۰۰ م)، ماچخالروسو (۲۹۰۰ م)، مالاراسا (۲۸۶۵ م)، قودورداغ (۲۵۰۰ م)، دیندی‌داغ (۲۹۹۲ م)، آتتاقای (۲۶۵۷ م)، آغبولاق (۳۲۰۰ م)، قربی سالاوات (۲۸۳۲ م)، نوهورلار (۳۲۵۰ م)، قدیم (۲۹۰۶ م)، فیی (۳۱۰۴ م) و بیر چوْخ باشقا آشیریملار واسطه‌سیله ساخلانیلمیش‌دیر. کیچیک قافقازین آذربایجان حیسه‌سینده شاهداغ (قارا-آرخاج -۲۹۰۱ م، هینالداغ – ۳۳۶۷ م)، مورووداغ گامیشداغ – ۳۷۲۴ م، قاراباغ (بؤیوک کیرس – ۲۷۲۵ م) سیرا داغلاری و قاراباغ وولکانیک یایلاسی (بؤیوک ایشیق‌لی – ۳۵۵۲ م، دلیداغ – ۳۶۱۶ م) رئلیئف‌ده اوستونلوک تشکیل ائدیر. ناخچیوان موختار جومهوریتی اراضی‌سینده دره‌لیز (کوکوداغ – ۳۱۲۰ م) و زنگزور سیرا داغلاری (قاپیجیق داغی – ۳۹۰۴ م) اوزانیر. هر ایکی سیرا داغلارین قوووشاغین‌دا بیچنک آشیریمی (۲۳۴۶ م) یئرلشیر. لنکران اووالیغی جنوب-قرب‌ده تالیش سیرا داغلاری ایله (گؤمورگؤی – ۲۴۹۳ م) سرحدلنیر. بۇ داغلارین اؤن حیسه‌سی بویو بورووار سیلسیله‌سی (۹۱۴ م)، مرکز حیسه‌سی بویو ایسه پئشته‌سر (۲۲۰۰ م) سیرا داغلاری اوزانیر.

فلورا[دَییشدیر]

حئیوان‌لار عالمی[دَییشدیر]

ایشغال اولونموش آذربایجان اراضی‌لرینده اکولوژی وضعیت [۱۳][دَییشدیر]

قایناقلار[دَییشدیر]

  1. LaPorte, Jody (2016). "Semi-presidentialism in Azerbaijan", Semi-Presidentialism in the Caucasus and Central Asia. London: Palgrave Macmillan, 91–117. DOI:10.1057/978-1-137-38781-3_4. ISBN 978-1-137-38780-6. OCLC 6039791976. “LaPorte examines the dynamics of semi-presidentialism in Azerbaijan. Azerbaijan’s regime is a curious hybrid, in which semi-presidential institutions operate in the larger context of authoritarianism. The author compares formal Constitutional provisions with the practice of politics in the country, suggesting that formal and informal sources of authority come together to enhance the effective powers of the presidency. In addition to the considerable formal powers laid out in the Constitution, Azerbaijan’s president also benefits from the support of the ruling party and informal family and patronage networks. LaPorte concludes by discussing the theoretical implications of this symbiosis between formal and informal institutions in Azerbaijan’s semi-presidential regime.”
  2. Аzərbаycаndа dеmоqrаfik vəziyyət (Azerbaijani). Azərbaycan Respublikasının Dövlət Statistika Komitəsi (13 October 2017).
  3. ۳٫۰ ۳٫۱ ۳٫۲ ۳٫۳ Azerbaijan. International Monetary Fund.
  4. Gini Index. World Bank. یوْخلانیلیب2 March 2011.
  5. Human Development Report 2016 – "Human Development for everyone". United Nations Development Programme (2016). یوْخلانیلیب21 March 2017.
  6. Эксперты: Российско-азербайджанская граница закрепит статус разделенных народов
  7. Иран — Общие сведения о стране
  8. США и Россия разыграют новый "кавказский гамбит". Теперь — в Азербайджане
  9. http://news.day.az/politics/۲۹۵۲۴۳.html
  10. ماحمود ایسماییل‌وف. آذربایجان تاریخی. باکو، آذرنشر، ۱۹۹۲. س.۳.
  11. Chaumont, M.L. (۱۹۸۹). "Atropates", Encyclopedia Iranica. Routledge & Kegan Paul.
  12. آذربایجان دئموکراتیک جومهوریتینین قورولوشو، Dilara Mehmetoğlu
  13. http://www.eco.gov.az/ekoloji-terror.php İşğal olunmuş Azərbaycan ərazilərində ekoloji vəziyyə


قایناق خطاسی برچسب <ref> برای گروهی به نام «lower-alpha» وجود دارد، اما برچسب متناظر با <references group="lower-alpha"/> یافت نشد یا </ref> بسته یافت نشد.