رشید جنگجو

ویکی‌پدیادان، آچیق بیلیک‌لیک‌دن

رشید جنگجو (20 اسفند 1324-1384 گونش ایلی) آذربایجانلی شاعیر.

یاشاییشی[دَییشدیر]

شاعیر 1324-ده، قیشین آخیر آیینین 20-سینده بیله‌سوار شهرینده دونیایا گوز آچیب. قدیم ایبتیدایی‏ مدر‏کی‏له 10/9/1357-ده آموزش و پرورش ده ایشه باشلاسادا، سوْنرالار دیپلوم مدر‏کین آلماغا ناییل اوْلوب. اوتوز ایل خیدمت‏دن سوْنرا 1386-دا امکلی (بازنشسته) اوْلوب. ایندی‏لرسه اوز بالاجا دوکانیندا مشغول‏دور. شاعیر اوشاغلیقیندان موسیقی‏یه علاقه باغلاییب و بۇ گونه قدر سازلان مشغول اولور. گاهدان سوزه گله بیلمه‏ین سوزلری سازدا دینلندیریر!

1337 ایلیندن شئعیر یازماغا باشلاییب. شئعیرل‏ری چوخلو غزل و دورت‏لوک‏لرده و فرقلی موضولاردا اولور. شهریمیزین و اوستانیمیزین موخت‏لیف ایجتیماعی موناسیبت‏له‏رینده چوخلو حوضورو اوْلوب. انجوم‏نیمیزین کئچن اوچ دؤورونده، رییسی اوْلوب. ائله موغانین بؤیوک اد‏بی توپلومو زامانی، 1384-ده ده آغ-ساققال کیمی انجومه‌‏نه یاردیم‏چی اوْلوب.

شعرلریندن اؤرنک[دَییشدیر]

گؤزدن اولماسین

من آرزی ائدیرم بۇ یئر اوزونده

هئچ کیم اعضاسیندان، گؤزدن اولماسین

خوش گؤرسون دونیانی دایم گؤزونده

اوجاغی سونمه‏‌سین، کؤزدن اولماسین

عومورنو شادلیقدان او وورسین باشا

حیات یولداشیلان یاشاسین قوشا

ایکی اورگ محببت‏له یاریشا

ریشه‏‌دن گؤیه‌‏ریب، اوزدن اولماسین

قیز- اوغول بؤیودوب تویونو گؤرسون

تانریم نوه وئرسین بویونو گؤرسون

اوغلوندان- قیزیندان پایینی گؤرسون

دوعام- آرزیم کنار سیزدن اولماسین

وصییت ائدیرم قوهوم- قارداشا

وئرمه‏‌یین سیرریزی نامرد اوباشا

شاعیرین سؤزله‌رین کئچین یادداشا

سؤز اوسته اوزونوز اوزدن اولماسین

کوسنده یئر قویون سیز باریشماغا

اوز-اوزه گلنده یا دانیشماغا

حالین سوروشماغا هم یول آچماغا

آیاغیز گلمه‏‌یه ایزدن اولماسین

هر کیم‏لن دوست اوْلدوز دوُز چورک کسین

آند اۆچون سوفره‌‏ده دوز چورک کسین

فرقی یوخ بیر دفه یوز چورک کسین

ال قورآن ائیله‌‏یین سؤزدن اولماسین

هئچ زامان دوستوزا یالان ساتمایین

خیانت ائتمه‏‌یین هم آلداتمایین

بوش سؤزله تئز کوسوب گؤزدن آتمایین

یا دا کی کوسنده دوزن اولماسین

بیر دفه دونیادا یاشاییر اینسان

اولن‏لر قاییت‏میر هر یانا باخسان

گوز آچیب یومورسان باخیرسان یوخسان

فرقی یوخ اللیدن یوزدن اولماسین

شاه اولا یا گئدا دولانیر دئوران

قالماییر سلطه‏نت کاخ اولور ویران

فرش اوسته سیئر ائدن هانی سولئیمان

اینسان فقط اوْلوب گوزدن اولماسین

یاخشی دولان یاخشی فیکر ائت حیاتدا

اولدون قیرخ گون آنجاق قالیرسان یاددا

وفا یوخدور پیس اوغولدا آرواددا

چالیش یاشا عومرون آزدان اولماسین

یاخشی‏لیق یاخشی‏دیر باشارا بیلسن

کوسن‏لر کونلونو کاش آلا بیلسن

گوناهسیز دونیادا قوجالا بیلسن

اولنده گوناهین دیزدن اولماسین

سعی ائله عومرونده سن رحمت قازان

دوزلوک سایه‏سینده مرحه‏مت قازان

آخیرت ائوینه گل جننت قازان

یاتاندا قبر ائوین کوزدن اولماسین

چادیردا یاشاسان حالال امگدن

یاخشی‏دیر قصریده حارام یئمکدن

خالقین حاققین دانیب بوهتان دئمکدن

بئله صیفت یا رب بیزدن اولماسین

«راشیدا» عومرونده هر زامان چالیش

باجارساندوستونلا کوسمه‏میش باریش

گوناهی اولسادا عف ائله دانیش

آرادا کودورت سیزدن اولماسین

قایناقلار[دَییشدیر]