گيزلين
| گيزلين | |
|---|---|
| آد | منصور نورى |
| قیسا بیلگی | مۆحقیق و یازار |
| دوْغوم تاریخ | ۱٣۴۲ ه.ش آغلار گولر آیی زنگان |
| میللیت | ايرانلی |
| آیری آدلار | گیزلین |
| تحصیل | دکتری باستانشناسی |
منصور نورى (دوغوم: ۱۳۴٢ ضياء آباد ـ زنگان) زنگانلی تورك تاريخچی، باستانشناس و يازیچی.
ياشاييش
[دَییشدیر]1342 ده ضياء آباد دا دوغولور. اؤنجه قورآن ساوادى ايله باشلايير و سونرا او كندين مدرسه سينده آردين دوتور.
اورتا تحصيلاتين مهرآباد كندى نين مدرسه سينده باشلايير و سونرا قيتليق ايلينه(خشكسالى)گوره ناچار كند دن كوچورلر زنگانا و اؤز اوخوماغى نين آردين شريعتى دبيرستانيندان دوتور علوم انسانى رشته سينده.
باستان شناسى رشته سينده تهران دانيشگاهيندا اؤز اويرنجى ليگى نين باشلايير.
دونه دونه نئچه مقاله و يازى سى دال با دال روزنامه لرده آذربايجان تاريخى اۆچون ياييلير.
گونه گون ساوادينا آرتيقجا سئوينير و بارلى آغاج كيمى چاليشير ديلينى و تاريخين ديرلتسين.
اؤز اوخوماغين تهران دانشگاهيندا دكترى باستانشناسى رشته سينده داوام وئرير و دكترى سين آلير.
قاييدير دوغما يوردونا و معلليم ليك ايشينه و دانشگاه لاردا اوستاد عينوانى ايلا ايشين باشلايير.
ائل سسى درگى سين يولا سالير و اولور ديل و كولتور يولونون يازارى.
1379 دا بير مقاله سينده كى ائل و ديلينه اولان ناحاق ليق لارى چكير قلمه و او باعيث اولور 7آى دوستاغا دوشسون.
7آى دان سونرا يئنه ايشى نين آردين دوتور و يازيلارين گيزلين آد ايلا ياييملادير.
بو چاغ دا يئنه اؤز بيلديگنه و اينامينا چاليشماغا گوره 4ايل ليك سالينير دوستاغا و او آندان داها ايشى نى ده الدن وئرير.
1386دا 4ايل دوستاق چكندن سونرا بوراخيلير و داها چكديگى چتينليك‌لره گوره باشقا ايش‌لرينی بوراخير و ايش اولمادان سوروجولوك ايشينه باخير.
قازانديغى عينوانلار
[دَییشدیر]- 1365ده ایران تاریخی بیلن اویرنجی لری آراسيندا بير چيخيش دا اۆچونجو تانينير.
- 1365 ايلى‌نين ياييندا فرهنگ آديندا بير مقاله‌سى لاتينجه تورك ديلينه چئوريلير و آذربايجان جمهوریتی بيليم ائولرينده اويرنجى‌لر آراسيندا داغيلير.
- 1374ده مقاله‌لريندن بيرى تاريخ سياسي ايران آديندا يزد اوستانى‌نين باستان فستيواليندا بيرينجی اولور و اؤدول قازانير.
- 1377ده فرانسه ده تاريخ فستيوالينا چاغيريلير و اورادا تورك ديلى و كولتورو آديندا بير يازيسى بوتون اؤلکه‌لردن گلن نماينده‌لره اوخونور.
- همن ايلى بير اوتورمدا آذربایجان جمهوریتی‌نین باشکندی باكىيا چاغيريلير و اورادا چاليشمالارينا گؤره آلقيشلانير.
- 98 شماره ائل سسى درگىسينده تكجه ديل و اسكى كولتور اوستونده مادلار دان باشلاياراق ايندى زامانا دك يازيلارى هر نومره ده ياييملانيردى.
- 1378 ايلينده تورك ديلينه گوره تهران دانيشگاهيندا بير اوتوروم يولا سالير و اؤز ديلين دئيرلنديرير.
- 1378ده كوروش آديندا بير مطالعاتى منبعين ييغماغين باشلايير....
- 1379دا گرجستان طرفيندن ايراندان 18نفر هر ائلدن نماينده سئچيلير و بو 18 نفرين ايچنده سئچيلنلردن ساييلير.
- 1380دا من ميتوانم آديندا بير درگى يه توركجه يازى چاليشير آرتسين و يئرلشديرسين و اورادان اؤز سؤزلرين ياييملادير.
مقاله‌لریندن
[دَییشدیر]- تاریخچه هفت هزار ساله زبان ترکی در آذربایجان